Gha ta Wəshi Ghəa ghena
Ghəa ghena
Ma palepa ta Gha ta Wəshi ne, te ghəa pa ta pɛtɛa wəshi, gha ta wəndə ŋelɛ, gha ta yɛ jaɗafa le yaka te hɛɗi lema ba'a hweŋkwa ta mbele nya hite nda Shala ke mbeli nyi te hɛɗi geze ghena ŋkɛ. Wərə mbeli kaneheve palepa nya bake mbe: Ma kakwa ghate ne, pa ta hɛɗi lema ba'a gha ta ghena ta hwelefe ta wəndə ŋelɛ. Nahe ghena ta yɛ Adam le Ɛve, yɛ Kayin le Abɛl, yɛ Nowɛ le yɛmə nya wəba ba'a ŋkwa nya biya mbe Babɛl keɓelate geva (1-11). Ma kakwa bake ne, ghena ta ka shihɛnyɛa ka Israyɛl. Ma nde ghate ne, Abraham nya vate geva zləvə te laka yɛ ta ŋkɛ ba'a hawe ta ŋkɛ va Shala. Kadzeyite ne, ghena ta wəzege ta ŋkɛ Izak, ŋa Zhakob, wəzege ta Izak nya nza sləa ŋkɛ kaIsrayɛl perə, tsagha ŋwalea Zhakob meŋe bakeghəmbe nyi kaka ghate ta ka yitehɛ nyi meŋe bakeghəmbe mbe Israyɛl. Nahe zləvə kevate geva te Zhozɛf, kwete wəndəa ŋwalea shɛhɛ, tsagha wəshi nyi kefəghe Zhakob, kweci ŋwalea ŋkɛ ba'a mbelia nyi ki ghɛa ŋkɛ kadzawa kanza kwa Ɛzhipte (12–50).
Ma ghena nya wəba mbe palepa nya ne, Shala nya kemeha ghwə ba'a nya keve ɗa te ka mene wəshi nyi ndiremi ndiremi, nya te ghəa mbelia ŋkɛ ba'a nya kekemane hɛ. Nahe palepa nya kerafete geva kezha geze yɛ ta hwelefe ba'a kezha kemane ŋkwa kaya yɛa shɛ.
Nehe ta wəshi nyi mbe
Pa ta wəshi ba'a hwelefe ta wəndə ŋelɛ 1.1–2.25
Gha ta jaɗafa ba'a yaka 3.1-24
Se te Adam hwa'a te Nowɛ 4.1–5.32
Nowɛ ba'a yɛmə nya wəba 6.1–10.32
Ŋkwa nya biya mbe Babɛl 11.1-9
Se te Sɛm hwa'a te Abraham 11.10-32
Ka shihɛ: Abraham, Izak, Zhakob 12.1–35.29
Hwelefefia Ɛzawə 36.1-43
Zhozɛf ba'a ka kesaka yitenyɛ 37.1–45.28
Ka Israyɛl kwa Ɛzhipte 46.1–50.26
Právě zvoleno:
Gha ta Wəshi Ghəa ghena: BEK12
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
La Bible en langue Kapsiki avec les livres deutérocanoniques © Alliance Biblique du Cameroun 2012.