Malachi 4
4
Zuwa lya Mkulu Nguluwi lyanguya
1Mkulu Nguluwi Yawele na Mong'ho kangulonga, “Ndikomya zuwa lyanguya. Nalyo lyangwaka kota itanulu. Walingidaya na wehile weng'ha wotozigwa amo na kulakazwa kota mibeleje jikalile, wolakazwa ng'hatu mbaka hawe haduhu ne ulajilo. 2Ila kwa chiwalo cha hemwe mlingundumba, isanya lya hachi lyokuya kwa hemwe, liwele na ludali lwa kulohola kuli ivuche lyake. Namwe molawa mgati kuno mnyonzokanyonzoka kota ilogota lilechelwe kulawa kuli ibani. 3Zuwa alyo mowabiganga wehile, nawo wowa kota mivu hasi ha nzayo za hemwe zuwa lila hodindita mbuli azo. Heni Mkulu Nguluwi Mbele na Mong'ho, nandonga. 4Mkumbuchile malajizo na mizilo ja heni jondimlajize Musa, chitumagwa wa heni kula kuli chidunda cha Holebu, leka yawalajize wanhu weng'ha wa Isilaeli.
5“Lole, ndomlajiza kwa hemwe mloli Eliya kung'hali zuwa lila likulu na lya kukabusa lya Mkulu Nguluwi halinafika. 6Mloli Eliya kowahanyisa wasekulu na wana wa hewo, wone haiwa ahyo, ndokuya na kuidumya isi ya hemwe.”
Právě zvoleno:
Malachi 4: Chividunda
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators