Malachi 3
3
1Mkulu Nguluwi Yawele na Mong'ho kangulonga, “Mlole ndangumlajiza msenga wa heni yalongole kumwando kwa heni kumbichila goya nzila. Mkulu yomlingumpala kokuya kuli ng'handa ya Nguluwi baho du. Msenga yomlingumbeteza kwa maya ng'hatu kokuya na kowikula ilagano lya heni.”
2Ila whaani yoweza kwimilila kuli zuwa alyo hoyokuya? Whaani yawele yokwima na kwimilila hoyolawila? Heye ndo kota chiluli ching'hang'hale chilingweliza chuma na kota sabuni ya yalinguhovuga nguwo. 3Kokuya kutagusa kota munhu yalingweliza sendi. Koweliza walelwa wa Walawi, kota munhu yalingweliza zahabu ama sendi. Hamba Mkulu Nguluwi kowa na wanhu wawele womlavila nhambiko kwa nzila ya hachi. 4Ahyo nhambiko za wanhu wa Yuda na wanhu wa Yelusalemu zomnojeza Mkulu Nguluwi kota nhambiko za wanhu wa katali, kota kuli miyaka ja katali.
5Mkulu Nguluwi Yawele na Mong'ho kangulonga, “Ndowahejelela hemwe leka kuwatagusa. Ndolavya ulolezi kwa wahawi na wang'hondwa na walingilaha kwa udesi na walinguwabunza wanhu walingukola mijito na walinguwabunza wadala wafililwe na walume wawo na walekwa na walinguwabunza hachi wajenzi, wala wohambe wandumbe.”
Zaka na nhambiko
6Mkulu Nguluwi kangulonga, “Heni ndo Mkulu Nguluwi, silingugaluka, kwa chiwalo acho hemwe walelwa wa Yakobo hamdumigwe. 7Kulawa mhela wa wasekulu wa hemwe, namjibeza mizilo ja heni na kuleka kujiwinza. Lelo, heni Mkulu Nguluwi Mbele na Mong'ho ndangulonga, ‘Mngalamchile, nani ndowagalamchila.’ Ila mwanguuza, ‘Tokugalamchila ndaze?’ 8Nani ndanguwauza, ‘Ndaze, ndo goya munhu kumsukula Nguluwi? Ila hemwe mwangusukula heni.’ Ila mwanguuza, ‘Twangukusukula ndaze?’ Ena! Mwangusukula heni zaka na nhambiko. 9Hemwe na wanhu wa isi ya hemwe yeng'ha nampanjilwa kwa chiwalo cha kusukula heni. 10Migale zaka zeng'ha kuli ng'hano za heni, leka haluga ha heni hawe na chilyo cha kuhega. Mnjeze kwa mbuli ayo, namwe mokona kota sichumula mitubuli ja kilanga na kuwamizila utambichizo winji. Heni Mkulu Nguluwi Mbele na Mong'ho, nandonga. 11Ndojilemeza minhu jilinguwifya leka jileche kuwifya kahi mbena za hemwe. Mizabibu ja hemwe kuli migunda hajileka kulela mafuza. Heni Mkulu Nguluwi Mbele na Mong'ho, nandonga. 12Wanhu wa isi zeng'ha wowachema hemwe wanhu watambichizwe, kwa vila isi ya hemwe yowa isi ya kusangalala. Heni Mkulu Nguluwi Mbele na Mong'ho, nandonga.”
13Mkulu Nguluwi kangulutilila kulonga, “Ulonzi wa hemwe nawali ung'hang'hale kwa heni. Ila mwangulonga, ‘Natulonga choni hali hegwe?’ 14Hemwe namlonga, ‘Kumkolela mijito Nguluwi kwahela chinhu cha mzidi. Hana chinhu chachi cha mzidi kibatilila malajizo ga heye na kujenda kota wanhu walingulombocheza hali heye Mkulu Nguluwi Yawele na Mong'ho? 15Vyotulingona, kota walingidaya ndo walingusangalala mazuwa gose. Kwa wehile, wangulutilila goya. Wangumjeza Nguluwi, ila hawalingugazigwa.’ ”
16Wanhu walingumdumba Mkulu Nguluwi nawalongasa hewo kwa hewo, naye Mkulu Nguluwi nakahulika kulongasa kwa hewo. Kumwando kwa heye nachiwichigwa chitabu cha kukumbuchila, chiwele nachandichigwa kuwala wala wawele nawali womdumba Mkulu Nguluwi na kulitogola itagwa lya heye. 17Nayandichingwa hino, “Mkulu Nguluwi Yawele na Mong'ho kangulonga, ‘Wowa wanhu wa heni. Wowa ng'hano ya heni ya chiuyeng'ha kuli zuwa lila hondikwima na kudita chondilingunuwila. Siwaditila vibi kota vila mhaza vyoyowa yohambe yamditile vibi mwanage yalingumkolela mijito. 18Aho movizela kahi kulivinji kuwele hali watanganiche na wehile, ena, hali wanhu walingumkolela mijito Nguluwi na wala wohambe wamkolele mijito.’ ”
Právě zvoleno:
Malachi 3: Chividunda
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
New Testament © 2014 Pioneer Bible Translators and The Word for the World
Old Testament books © 2018 Pioneer Bible Translators