چیخیش 7
7
1رب موسایا ددی: «سنی فئرعون اوچون تاری کئمی قویدوم، قارداشین هارون دا سنئن پیغمبرئن اولاجاق. 2بوتون سنه امر اتدئکلرئمی دئیه‌جکسن، قارداشین هارون دا فئرعونا دئیه‌جک کی، ائسرایئل اؤولادلارینی اؤلکه‌دن آزاد بوراخسین! 3لاکئن من فئرعونون اوره‌یئنی عئنادکار اده‌جیم کی، مئصئر تورپاغیندا گؤرسده‌جیئم علامتلر و مؤجوزه‌لری چوخالدیم. 4او سئزه قولاق آسمایاجاق. او واخت من الئمی مئصئر تورپاغینا اوزادیب، بؤیوک جزالار گؤندَ‌ره‌رک، قوشونومو، خالقیم اولان ائسرایئل اؤولادلارینی مئصئر اؤلکه‌سئندن چیخارداجاغام. 5اَلئمی مئصئر اؤلکه‌سئنه اوزادیب ائسرایئل اؤولادلارینی اونلارین آراسیندان چیخارتدیغیم واخت مئصئرلی‌لر بئله‌جکلر کی، رب منم!»
6رب موسا و هارونا نجه امر اتمئشدی، اونلار دا اله اتدئلر. 7فئرعونلا دانیشدیقلاری واخت، موسانین هشتاد، هارونون دا هشتاد اوچ یاشی وار ائدی.
هارونون دَیَنَکی
8رب موسایا و هارونا ددی: 9«فئرعون سئزه دئیَنده کی، ”بئر مؤجوزه گؤرسه‌دئن.“ موسا هارونا دسئن: ”اؤز دَیَنَکئنی گؤتوروب فئرعونون قاباغیندا یره آت کی، ائلانا دؤنسون.“»
10موسا و هارون فئرعونون یانینا گلئب، رب نجه امر اتمئشدی، اله ده اتدئلر. هارون اؤز دَیَنَکئنی فئرعونون و اونون اعیانلارینین موقابئلئنده یره آتدی و دَیَنَک ائلانا دؤندو. 11لاکئن فئرعون مودرئک آداملاری و جادوگرلری چاغیردی. مئصئر سِحربازلاری دا اؤز سِحرلری ائله بله اتدئلر. 12هر بئری اؤز دَیَنَکئنی یره آتیب ائلانا دؤندَردی، آمّا هارونون دَیَنَکی، اونلارین دَیَنَکلرئنی اودّو. 13لاکئن ربّئن ددئیی کئمی فئرعونون اوره‌یی عئنادکار اولدو و اونلارا قولاق آسمادی.
بئرئنجی جزا: سویون قانا دؤنمه‌سی
14رب موسایا ددی: «فئرعونون عئنادکار اوره‌یی وار، خالقی بوراخماقدان بویون قاچیردیر. 15سن صاباح سحر او زامان کی، فئرعون سویا طرف گدئر، اونون موقابئلئنه چیخ. اونو نئل چایینین ساحئلئنده گؤزله‌یئب، ائلانا دؤنَن دَیَنَکی الئنه گؤتور. 16سونرا فئرعونا دئیَرسن: ”عئبرانئلرئن تاریسی رب منی سنئن یانینا گؤندَ‌ردی کی، سنه دِیئم: خالقیمی آزاد بوراخ کی، صحرادا منه عئبادت اتسئن! باخ، سن ائندئیه قدر قولاق آسمادین، 17بونا گؤره ده رب بله دیئر: بوندان بئله‌جکسن کی، رب منم. باخ، من الئمده‌کی دَیَنَکی نئل چایینین سویونا ووراجاغام، اوندا سو قانا دؤنه‌جک. 18چایدا اولان بالیقلار اؤله‌جک و چای قوخویاجاق، مئصئرلی‌لر چایدان سو ائچمَیه ائیره‌نه‌جکلر.“» 19رب موسایا ددی: «هارونا بله دِه: ”دَیَنَکی گؤتور و اَلئنی مئصئر سولاری، چایلاری، آرخلاری، حوووضلاری و بوتون گؤلمَچه‌لری اوستونه اوزات، اله کی، اونلار قانا دؤنسونلر، بوتون مئصئر تورپاغیندا هم تاختا قابلاردا، هم ده داش قابلاردا قان اولاجاق.“»
20رب موسا و هارونا نجه امر اتمئشدی، اونلار دا اِله اتدئلر: فئرعونون و اونون اعیانلارینین موقابئلئنده هارون دَیَنَکئنی قالدیردی و چایداکی سویا چاتدیردی. نئل چایینداکی بوتون سو قانا دؤندو؛ 21چایداکی بالیقلار اؤلدو و چای قوخولادی. مئصئرلی‌لر بورادان سو ائچه بئلمه‌دئلر. بوتون مئصئر تورپاغی قان ائچئنده ائدی. 22آمّا مئصئر سِحربازلاری دا اؤز سِحرلری ائله بله اتدئلر. ربّئن ددئیی کئمی فئرعونون اوره‌یی عئنادکار اولدو و اونلارا قولاق آسمادی. 23فئرعون قاییدیب اؤز سارایینا گلدی؛ بو ائشه ده اَهمئیّت ورمه‌دی. 24بوتون مئصئرلی‌لر نئل چایی ساحئلئنده یِر قازماغا باشلادیلار کی، ائچمه‌لی سو تاپسینلار. چونکی چایین سویوندان ائچه بئلمه‌دئلر. 25رب چایا بلا گؤندَ‌رَندن سونرا یدّی گون کچدی.
Právě zvoleno:
چیخیش 7: موقدس کتاب
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© Elam Ministries 2013. All rights reserved.
چیخیش 7
7
1رب موسایا ددی: «سنی فئرعون اوچون تاری کئمی قویدوم، قارداشین هارون دا سنئن پیغمبرئن اولاجاق. 2بوتون سنه امر اتدئکلرئمی دئیه‌جکسن، قارداشین هارون دا فئرعونا دئیه‌جک کی، ائسرایئل اؤولادلارینی اؤلکه‌دن آزاد بوراخسین! 3لاکئن من فئرعونون اوره‌یئنی عئنادکار اده‌جیم کی، مئصئر تورپاغیندا گؤرسده‌جیئم علامتلر و مؤجوزه‌لری چوخالدیم. 4او سئزه قولاق آسمایاجاق. او واخت من الئمی مئصئر تورپاغینا اوزادیب، بؤیوک جزالار گؤندَ‌ره‌رک، قوشونومو، خالقیم اولان ائسرایئل اؤولادلارینی مئصئر اؤلکه‌سئندن چیخارداجاغام. 5اَلئمی مئصئر اؤلکه‌سئنه اوزادیب ائسرایئل اؤولادلارینی اونلارین آراسیندان چیخارتدیغیم واخت مئصئرلی‌لر بئله‌جکلر کی، رب منم!»
6رب موسا و هارونا نجه امر اتمئشدی، اونلار دا اله اتدئلر. 7فئرعونلا دانیشدیقلاری واخت، موسانین هشتاد، هارونون دا هشتاد اوچ یاشی وار ائدی.
هارونون دَیَنَکی
8رب موسایا و هارونا ددی: 9«فئرعون سئزه دئیَنده کی، ”بئر مؤجوزه گؤرسه‌دئن.“ موسا هارونا دسئن: ”اؤز دَیَنَکئنی گؤتوروب فئرعونون قاباغیندا یره آت کی، ائلانا دؤنسون.“»
10موسا و هارون فئرعونون یانینا گلئب، رب نجه امر اتمئشدی، اله ده اتدئلر. هارون اؤز دَیَنَکئنی فئرعونون و اونون اعیانلارینین موقابئلئنده یره آتدی و دَیَنَک ائلانا دؤندو. 11لاکئن فئرعون مودرئک آداملاری و جادوگرلری چاغیردی. مئصئر سِحربازلاری دا اؤز سِحرلری ائله بله اتدئلر. 12هر بئری اؤز دَیَنَکئنی یره آتیب ائلانا دؤندَردی، آمّا هارونون دَیَنَکی، اونلارین دَیَنَکلرئنی اودّو. 13لاکئن ربّئن ددئیی کئمی فئرعونون اوره‌یی عئنادکار اولدو و اونلارا قولاق آسمادی.
بئرئنجی جزا: سویون قانا دؤنمه‌سی
14رب موسایا ددی: «فئرعونون عئنادکار اوره‌یی وار، خالقی بوراخماقدان بویون قاچیردیر. 15سن صاباح سحر او زامان کی، فئرعون سویا طرف گدئر، اونون موقابئلئنه چیخ. اونو نئل چایینین ساحئلئنده گؤزله‌یئب، ائلانا دؤنَن دَیَنَکی الئنه گؤتور. 16سونرا فئرعونا دئیَرسن: ”عئبرانئلرئن تاریسی رب منی سنئن یانینا گؤندَ‌ردی کی، سنه دِیئم: خالقیمی آزاد بوراخ کی، صحرادا منه عئبادت اتسئن! باخ، سن ائندئیه قدر قولاق آسمادین، 17بونا گؤره ده رب بله دیئر: بوندان بئله‌جکسن کی، رب منم. باخ، من الئمده‌کی دَیَنَکی نئل چایینین سویونا ووراجاغام، اوندا سو قانا دؤنه‌جک. 18چایدا اولان بالیقلار اؤله‌جک و چای قوخویاجاق، مئصئرلی‌لر چایدان سو ائچمَیه ائیره‌نه‌جکلر.“» 19رب موسایا ددی: «هارونا بله دِه: ”دَیَنَکی گؤتور و اَلئنی مئصئر سولاری، چایلاری، آرخلاری، حوووضلاری و بوتون گؤلمَچه‌لری اوستونه اوزات، اله کی، اونلار قانا دؤنسونلر، بوتون مئصئر تورپاغیندا هم تاختا قابلاردا، هم ده داش قابلاردا قان اولاجاق.“»
20رب موسا و هارونا نجه امر اتمئشدی، اونلار دا اِله اتدئلر: فئرعونون و اونون اعیانلارینین موقابئلئنده هارون دَیَنَکئنی قالدیردی و چایداکی سویا چاتدیردی. نئل چایینداکی بوتون سو قانا دؤندو؛ 21چایداکی بالیقلار اؤلدو و چای قوخولادی. مئصئرلی‌لر بورادان سو ائچه بئلمه‌دئلر. بوتون مئصئر تورپاغی قان ائچئنده ائدی. 22آمّا مئصئر سِحربازلاری دا اؤز سِحرلری ائله بله اتدئلر. ربّئن ددئیی کئمی فئرعونون اوره‌یی عئنادکار اولدو و اونلارا قولاق آسمادی. 23فئرعون قاییدیب اؤز سارایینا گلدی؛ بو ائشه ده اَهمئیّت ورمه‌دی. 24بوتون مئصئرلی‌لر نئل چایی ساحئلئنده یِر قازماغا باشلادیلار کی، ائچمه‌لی سو تاپسینلار. چونکی چایین سویوندان ائچه بئلمه‌دئلر. 25رب چایا بلا گؤندَ‌رَندن سونرا یدّی گون کچدی.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© Elam Ministries 2013. All rights reserved.