Ekihsatahs 31
31
Anwepiiwi kiishikan Ehtashintek
12Miitahsh Moosihs (Moses) kaa'ikotc kaaTipencikenitc, 13“O'o hsa kika'inaak Isriyalak, ‘Mii hsa 'i eshinaakwahk cikanawentamek kaaAnwepiiwi kiishikahkin tepinawewisiyaan, aaniihsh mii 'iwe kekihkinawaacihcikaakeyank kiinawint minihk iko keni ayaanihke nihtaawiki'itiyek, cionci kihkentamek Niin kaaTipenciketc kaatipeniminakook. 14Ishinaakwan hsa cikanawentamek kaaAnwepiiwi kiishikahk aaniihsh kihci inentaakwan. Kahkina tahsh iko awiya kepiikonaakohtootc, tepwe hsa tanihsaa. Awenen itahsh iko kaye keanohkiitc Anwepiiwi kiishikaninik, mii hsa awe kesaakiciwepinikaniwitc eshi'ayaanitc owiici onciimaakana'. 15#Exo 20.8-11; 23.12; 34.21. Ninkotwaahsokiishik hsa ta‑anohkiinaaniwan, niishwaahsokiishik itahsh ishihsek Anwepiiwi kiishikahk aahpici kihci inentaakwan i'i kiishikan. Awenen itahsh iko keanohkiitc Anwepiiwi kiishikaninik ishinaakwanini cinihsintipan. 16Isriyalak hsa oka kanawentaanaawaa kaaAnwepiiwi kiishikaninik minihk iko keni ayaanihke nihtaawiki'itiwaatc ci‑inwaatamowaatc kenehpici ayaanik eshi ahshotamaawakwaa. 17#Exo 20.11. Mii hsa 'iwe keshi kihkinawaacihtamaatiyank kiinawint iki Isriyalak nehpic iko, aaniihsh niin Tepencikeyaan ninkotwaahsokiishik (6) ninkii oshihtoon o'o ahki. Niishwaahsokiishik (7) itahsh eishihsek ninkiih kipihcii eanohkiiyaan, ekii anwepiyaan,’ ” okii'ikoon.
18Ahpii tahsh Moosihs kaaishkwaa kakanoonikotc kaaTipencikenitc weti waciink Saainai (Sinai) ecikaatenik, okii miinikoon niishin napakaapihkahsinii' Kishemanitoon wiin iko i'i kaakii ishi oshipii'aminitc onahshowewin.
Právě zvoleno:
Ekihsatahs 31: OJBR
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Ojibwe Shorter Bible (Roman Script) © 2008 Canadian Bible Society