Ekihsatahs 23
23
Kwayahk Tootaatiwin Ehtashintek
1 #
Exo 20.16; Lev 19.11,12. Keko wiicihtwaahken cimisihteshkaamakahk kiiwanimowin. Keko onci wiici'aahken keshi kiiwanimoyan inini kekoon kaashi mamaashiitc ahpii kiikitoyan. 2Keko wiin piminisha'waahken iki kaapaahtiinowaatc noociko kaaishihcikewaatc. Ahpii kiin kiikitoyan kaashi tipaahkonitink, keko piimihsitoohken kwayahk ishihcikewin cinanaapinawatwaapan kaapaahtiinowaatc. 3#Lev 19.15. Keko pahkaan inaacimaahken ketimaakisitc inini kaashi tipaahkonitink.
4Kiishpin waapamimatc kaashiinkenimatc opishihkiiman, komaa kaye omaanshimihtatimooman maaciipahtoonitc, kehcinaac iko kiiwewitamaw. 5Kiishpin itahsh waapamimatc omaanshimihtatimooman kawishkaakonitc opimiwanaanini, keko ani nakanaahken. Wiici' miinawaa cikiiwe niipawinitc.
6 #
Lev 19.15. Kehcinaac iko weweni tatootawaa ketimaakisitc ahpii tipaahkonintc. 7Keko wiin noociko ishi anaamimiwehken. Keko kaye nihsaahken awiya kekoon eshi anaamentaakosihsik, niin hsa iko kaawiin ninka pakitinaahsii cishaapwiitc a'a kaatepimintc eanaamentaakositc. 8Keko otaahpinanken kekoon wiihtipa'amaakooyan keonci aantentaman, iki hsa i'i kaaishihcikewaatc mii hsa imaa kaaonci waapantansikwaa kekoon kwayahk eshinaakwaninik, miihsh kaye kaaonci nihshiwanaaci'intwaa kaakwayahkwaatisiwaatc ehkiiwanimonaaniwaninik.
9 #
Exo 22.21; Deu 24.17,18. Keko maanshitootawaahken kaamayakisitc; kikihkentaam iitok enentaakwahk kiimayakisink aaniihsh kikii mayakisim iitok Iicipahkiink (Egypt).
Niishwaahsoahki, Niishwaahsokiishik Kaye Ehtashintekin
10Ninkotwaahso (6) pipoon ihsa kika kihtikaataam kitahkiimiwaa cina'inamek kenihtaawikihtooyek. 11Niishwaahso (7) pipoon itahsh ishihsek keko papaamentankek kitahkiimiwaa cianwehsink cipapaamentansiwek kaye i'imaa kekoon kaanihtaawikink. Iki hsa kaakitimaakisiwaatc eyaawaatc mekweya'ii eshi'ayaayek pisaan i'imaa taonci mooshakinikewak. Ikihsh kaye aya'aawihshak oka miicinaawaa eshkonikaatenik. Miihsh peshikwan ketootamek kaashi kihtikaanekwaa shoominak, kaye tahsh kaashi kihtikaatamek aalip tinowiminan.
12 #
Exo 20.9-11; 31.15; 34.21. Ninkotwaahsokiishik ihsa kika anohkiim, niishwaahsokiishik itahsh ishihsek kaawiin kika anohkiihsiim. Cianwepiwaatc kaapamiihtawihkwaa, iki kaye kaamayakisiwaatc, miihsh ciminomanci'owaatc. Kipishihkiimak kaye, iki kaye kimaanshimihtatimoomak cianwehshinowaatc.
13Ayaankwaamisik itahsh ci‑ishihcikeyek kahkina kekoon kaa'ininakook. Keko anami'ehtawaahkekwaanik kotak manitook, keko wiinaahkekwaanik eshinihkaasowaatc.
Nihsin Wiihkwantiwinan Ehtashintekin
14Nihswaa hsa kika wiihkwantim peshikopipoon cionci kihtenimikooyaan. 15#Exo 12.14-20. Ishihcikek ciwiihkwantiyek eshinihkaatek Pahkweshikan Kaaompisikaniwihsik Wiihkwantiwin pimakinsotc Epip (Abib) kiisihs ahpii kaakii nakatamekipan Iicipahki. Niishwaahsokiishik kaawiin kika amwaahsiwaawaa pahkweshikan kaaompisikaniwitc minihk kewiihkwantiyek. Keko kaye pinaasihkawihshihkek ayaahsiwek pakitinikewin.
16Ishihcikek ihsa kaye wiihkwantiwin eshinihkaatek, Mooshakinikewi Wiihkwantiwin, maawac iko nihtam maawantoonamek kaanihtaawikinkin kaakii kihtikaatamekin eshi kihtikeyek.
Miihsh kaye keishihcikeyek wiihkwantiwin eshinihkaatek, Akawaahte'ikani Wiihkwantiwin, takwaakink ahpii kiimaawantoonamek kaakii kihtikaatamekipan kikihtikewahkamikowaank. 17Nihswaa tahsh entahso ahki kiiwiihkwatinaaniwank kahkina ininiwak ninka pi naasihkaakook enaahsamiiwak kaaTipencikeyaan ehKishemanitoowiyaan. 18Keko tako pakitinaahkek pahkweshikan kaaompisikaniwitc ahpii pakitinaahsoohtamawiyek kaamiskwiiwank pakitinikewin. Kaapimitewank ihsa pakitinaahsowin kaawiin takanawencikaatehsinoon piinihsh ciani waapank.
19 #
Deu 26.2; Exo 34.26. Piitook entahso pipoon maawac iko wenishihshinkin nihtam nehtaawikinkin kikihtikewahkamikowaank owaahkaa'ikanink kaaTipenciketc kiKishemanitoomiwaa.
Keko ishi kiishiswaahkek maanatihkoonhs ocoocoohshaapoominiink omaamaan.
Kishemanitoo Otencaliman Ciniikaaniihtamaakenitc
20Inashke hsa ninka niikaaninisha'waa encal ciniikaaniihtamawinek kenaatamawinek kaye ani pimi ayaayek eshaayek kaawii ishi pakamiwininakook ayaawinink kaakiih kwayaancihtooyaan. 21Pisintawihk cina'ihtawek aaniin ehkitotc. Keko shashiipihtawaahkek. Kaawiin kika poonentamaakohsiiwaa eshi shashiipihtawek niwiinsowin iitok otayaan. 22Kiishpin itahsh wiin weweni pisintawek, na'ihtawek kaye kahkina eninek, ninka shiinkenimaak itahsh kaashiinkeniminekwaa, ninka nakaashkawaak kaye kenakaashkawinekwaa. 23Nintencalim ihsa kika niikaaniihtamaakowaa ci‑ishiwininek weti ahkiink eshi'ayaanitc Emorii kaatinowinitc, (Amorites), kaye Heht (Hittites), Perisii (Perizzites), Kenan (Canaanites), Kipii (Hivites), Ciipas (Jebusites) kaatinowinitc. Niin itahsh iko ninka caaki'aak ikiweniwak. 24Keko animihkohtaahkek enaahsamiinitc omanitoohkaaniwaa' cianami'ehtamawimek, keko kaye nanaapinawaahkekwaanik eshihcikewaatc kiianami'ehkaasowaatc. Nihshiwanaaci'im omanitoohkaaniwaa', piikopishim kaye ahsinii' kehtakimaawaatc. 25Niin anami'ehtawihshik kaaTipencikeyaan kiKishemanitoomiwaa. Kika shawenimininim cimiininakook miicim, nipi kaye. Kahkina kaye ninka otaahpinaanan aahkosiwinan eshi'ayaayek. 26Kaawiin kaye awaac peshik ihkwe tasaakitaahpinehsiiwan oniicaanihsan, kahkina hsa ihkwewak taotapinoonciishimiwak i'imaa ahkiink. Kinwesh kaye kika pimaatisim.
27Miihsh ketootawakwaa Pemaatisiwaatc kaawii miikaaninekwaa cikohshiwaatc. Ninka tootawaak kaye cikihci wawaanentamowaatc kahkina kenakishkawekwaa. Ninka tootawaak kaye kaashiinkeniminekwaa cimaaciipa'iwaaninekwaa. 28Ohkanaamook ihsa ninka niikaaninisha'waak cimaaciiyaamohkiiwaatc Kipii (Hivites), Kenan (Canaanites), kaye Heht (Hittites) kaatinowiwaatc keani ishaayek. 29Kaawiin itahsh wiin peshiko ahki i'i ninka ishihcikehsii. Kiishpin i'i ishihcikeyaan kekoon ayaahsinok tainentaakwan i'imaa ahkiink, onsaam kaye tani paahtiinowak aya'aawihshak eshi'ayaayek. 30Pepankii hsa ehta ninka mamaaciiyaama'waak eshi'ayaayek, piinihsh ciani tetahshiyek citipinawewisiyek i'i ahki. 31Miitahsh keishihcikeyaan kitahkiimiwaa onci maacihsek i'imaa Kihci Miskokamiink (Red Sea) piinihsh weti ciocihcihsek kihcikamiink Metahcareniyan (Mediterranean) ecikaatek, weti ciani ishihsek pikwatahkamik, weti kaye piinihsh siipink Iyoohparetiis (Euphrates) eshinihkaatek. Kika miinininim ihsa mashkawisiiwin ciani shaakooci'ekwaa i'imaa ahkiink pemaatisiwaatc eshitaawaatc, kaye tahsh ciani maaciiyaama'wekwaa. 32Keko kekoon ishi ahshotamawaahkekwaanik, i'i kaye omanitoomiwaa' onci. 33Keko pakitinaahkekwaanik i'imaa kitahkiimiwaank citashi pimaatisiwaatc; kiishpin i'i ishihcikeyek, maakishaa kika kashki'ikowaak cimacitootawiyek. Kiishpin anami'ehtawimek omanitoomiwaa' mii hsa 'i cipanisiyek cikaahcici'ikooyek.
Právě zvoleno:
Ekihsatahs 23: OJBR
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Ojibwe Shorter Bible (Roman Script) © 2008 Canadian Bible Society