Tootaraanamii 6
6
Kii'inaahkonintwaa Isriyalak Cisaaki'aawaatc Kishemanitoon
1“Miiwan itahsh ono kahkina inaahkonikewinan kaaTipenciketc kiKishemanitoomiwaa kaakii inanooshitc cishi kihkino'amawinakook, cina'ihtamowek, citootamowek kaye weti ahkiink kaaishaawek kaawiih tipinawewisiyek. 2Kiinawaa hsa, kiniicaanihsiwaak kaye, kooshihsiwaak kaye, cikohtaanenimek kaaTipenciketc kiKishemanitoomiwaa, cikanawentamowek kahkina otihkitowinan, otinaahkonikewinan kaye kaawiintamawinakook. Minihk iko kepimaatisiyek i'i ci‑ishihcikeyek miihsh kinwesh cipimaatisiyek. 3Kiinawaa Isriyalak (Israel), oncitako ishinaakwan cipisintamek, weweni kaye ci‑ishihcikeyek cionci minohseyek, ciani kihci paahtiinoyek kaye. Mii aaniihsh kaaTipenciketc kaakii oKishemanitoomiwaatc kikehteya'aamiwaak kaakii ishi ahshotamawinek ewii miininek ahkiini kaashi wenooci nihtaawikininik kekoon.”
4 #
Mrk 12.29. “Oo Isriyalak, taka noontamok! KaaTipenciketc iitok kiKishemanitoominaan, wiin ehta mihci peshiko! 5#Mat 22.37; Mrk 12.30; Luk 10.27. Miihsh cisaaki'ekipan kaaTipenciketc kiKishemanitoomiwaa misiwe piko kite'iwaank, misiwe kaye kitahcaahkowaank, ehpiihciyek iko cisaaki'ekipan. 6#Deu 11.18-20. Ono tahsh ihkitowinan kaawiintamawinakook noonkom kaakiishikahk mooshak ta‑ayaawan kite'iwaank! 7Weweni tahsh kika kihkino'amawaawaak kiniicaanihsiwaak. Kika tashintamawaawaak ahpii kiinamatapiyek kitaawiniwaank, kiini pimohseyek kaye inkociko kii‑ishaayek, kiihpimihshinek kaye, ahpii kaye kiiwanishkaayek. 8Akwahpitook tahsh ono kininciiwaank, kiskahtikowaank kaye ishi kikishkamok keonci waniihkehsiwek! 9Kiwaahkaa'ikaniwaank kaye kaashi ayishkwaantemaahtikowank i'imaa kaye kihci ishkwaantemiink ishi oshipii'amok o'o kaa'ininakook!”
Moosihs Kiihkanoonaatc Pemaatisinitc Cishashiipihtansinik
10 #
Gen 12.7;
Gen 26.3;
Gen 28.13. “Ahpii tahsh ani ishihsek kaaTipenciketc kiKishemanitoomiwaa piininek i'imaa ahkiink kaakii ahshotamawaatc kaakii okehteya'aamiyek Eparahaaman (Abraham), Aaisikoon (Isaac), Cekapoon (Jacob) kaye, kika miinikowaa kihci ootenawan kaaonishihshininikin kiinawaa kaakii oshihtoohsiwek. 11Waahkaa'ikanan hsa kaye tamamooshkinewan kekoonan kaaonishihshinkin, kiinawaa kaakii ahtoohsiwek. Ta‑ayaawan tahsh onta'ipaanan kiinawaa kaakii waanihkaatansiwek. Shoominaahtikook kaashi nihtaawiki'intwaa, aalip (olive) tinowaahtikook kaye ta‑ayaawan kiinawaa kaakiih kihtikaatansiwek. Ahpii tahsh wiihsiniyek, wiinke tewiihsiniyek, 12kehcinaac iko ayaankwaamisik ciwaniihkenotawaahsiwek kaaTipenciketc kaakiih pi'onci saakiciwininek weti Iicipahkiink (Egypt) kaakiih tashi wehsaani'ikooyek emihtanohkii'ikooyekipan. 13#Mat 4.10; Luk 4.8. Wiin hsa ehtako kika kohtaanenimaawaa kiKishemanitoomiwaa, wiin ehtako kaye kika anami'ehtawaawaa, wiin ehtako kaye owiinsowin kika ahpi wiintamowaam. 14Keko kaye pahkaan manitook piminisha'waahkekwaanik, ini kaye pemaatisiwaatc kaawaahkaashkawinekwaa kaaomanitoomiwaatc. 15KaaTipenciketc kiKishemanitoomiwaa kaa‑ayaatc mekweya'ii eshi'ayaayek aaniihsh tinowi kaaontentank Kishemanitoo. KaaTipenciketc kiKishemanitoomiwaa onishkaatisiwin ohsha ta‑aahkwentaakwanini keotihsikoyek. Wawiinke kaye kika nihshiwanaaci'ikowaa wiihkaa miinawaa ciayaawaahsiwek o'omaa ahkiink.”
16 #
Mat 4.7; Luk 4.12;
Exo 17.1-7. “Keko kaye kakweci'aahkek kaaTipenciketc kiKishemanitoomiwaa kaakiih tootawekipan weti Masa (Massah) ecikaatek. 17Kehcinaac ishihcikek cikanawentamowek kaaTipenciketc kiKishemanitoomiwaa otihkitowinan kaye kaamiininek. 18Kika ishihcikem itahsh kaye kweyahkonaakwahk, wenishihshik kaye enaahsamiitc kaaTipenciketc, ciminohseyek. Miitahsh cipiintikeshkaayek i'i ahki wenishihshik citipinawewisiyek kaaTipenciketc kaakii ayiici ahshotamawaakopanen kikehteya'aamiwaapanii' ewii miinaatc. 19Oka saakitaamawaa' itahsh ini kahkina kaashiinkeniminekwaa wa‑ani ishaayek, ci‑ishihsenik kaaTipenciketc kaakii ihkitokopanen.”
20“Ani ayishihsek itahsh ahpii kikosihsiwaak o'o ishi kakweciminekwaa, ‘Aaniin itahsh enwaatek o'o kaaTipenciketc kaakii'ininank cikanawentamowank otihkitowinan, otinaahkonikewinan kaye.’ 21Miihsh o'o keshi nahkwehtawekwaa, ‘Niinawint hsa Peroo (Pharaoh) ninkiih tootaakonaan ekiih kakwaataki mihtanohkii'inaank weti Iicipahkiink; kaaTipenciketc itahsh weti ninkii onci saakiciwinikonaan omashkawisiiwin ekii aapacihtootc. 22Miitahsh kaaTipenciketc kaakii naakohtootc ekii waapantamowaankitc kehci inentaakwaninikin, kekwaanihsakentaakwaninikin kihkinawaacihcikanan, maamahkaacihcikewinan, aaniin kaakiih tootawaatc Peroon, kahkina owaahkaa'ikaniniink kaye kaakii ayaanitc. 23Miitahsh kaaonci saakiciwininaank o'omaa ekiih piininaank, ekii miininaank itahsh o'o ahkiini kaakii ayiici ahshotamawaakopanen kikehteya'aaminaanii'. 24Miitahsh kaaTipenciketc kaakii inaahkoninank cina'ihtamowank kahkina ono otihkitowinan, cikohtaanenimank kaaTipenciketc kiKishemanitoominaan. Miitahsh mooshak ciminohseyank, miikaye'i ci‑inentaakosiyank cipimaatisiyank taapishkoo noonkom kaaishi'ayaayank. 25Kiishpin hsa weweni na'ihtamowank o'o misiwe inaahkonikewin, enaahsamiitc kaaTipenciketc kiKishemanitoominaan kaakii miininank, mii hsa 'iwe kikwayahkwaatisiwininaan keinakintek,’ kika'inaawaak.”
Právě zvoleno:
Tootaraanamii 6: OJBR
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Ojibwe Shorter Bible (Roman Script) © 2008 Canadian Bible Society
Tootaraanamii 6
6
Kii'inaahkonintwaa Isriyalak Cisaaki'aawaatc Kishemanitoon
1“Miiwan itahsh ono kahkina inaahkonikewinan kaaTipenciketc kiKishemanitoomiwaa kaakii inanooshitc cishi kihkino'amawinakook, cina'ihtamowek, citootamowek kaye weti ahkiink kaaishaawek kaawiih tipinawewisiyek. 2Kiinawaa hsa, kiniicaanihsiwaak kaye, kooshihsiwaak kaye, cikohtaanenimek kaaTipenciketc kiKishemanitoomiwaa, cikanawentamowek kahkina otihkitowinan, otinaahkonikewinan kaye kaawiintamawinakook. Minihk iko kepimaatisiyek i'i ci‑ishihcikeyek miihsh kinwesh cipimaatisiyek. 3Kiinawaa Isriyalak (Israel), oncitako ishinaakwan cipisintamek, weweni kaye ci‑ishihcikeyek cionci minohseyek, ciani kihci paahtiinoyek kaye. Mii aaniihsh kaaTipenciketc kaakii oKishemanitoomiwaatc kikehteya'aamiwaak kaakii ishi ahshotamawinek ewii miininek ahkiini kaashi wenooci nihtaawikininik kekoon.”
4 #
Mrk 12.29. “Oo Isriyalak, taka noontamok! KaaTipenciketc iitok kiKishemanitoominaan, wiin ehta mihci peshiko! 5#Mat 22.37; Mrk 12.30; Luk 10.27. Miihsh cisaaki'ekipan kaaTipenciketc kiKishemanitoomiwaa misiwe piko kite'iwaank, misiwe kaye kitahcaahkowaank, ehpiihciyek iko cisaaki'ekipan. 6#Deu 11.18-20. Ono tahsh ihkitowinan kaawiintamawinakook noonkom kaakiishikahk mooshak ta‑ayaawan kite'iwaank! 7Weweni tahsh kika kihkino'amawaawaak kiniicaanihsiwaak. Kika tashintamawaawaak ahpii kiinamatapiyek kitaawiniwaank, kiini pimohseyek kaye inkociko kii‑ishaayek, kiihpimihshinek kaye, ahpii kaye kiiwanishkaayek. 8Akwahpitook tahsh ono kininciiwaank, kiskahtikowaank kaye ishi kikishkamok keonci waniihkehsiwek! 9Kiwaahkaa'ikaniwaank kaye kaashi ayishkwaantemaahtikowank i'imaa kaye kihci ishkwaantemiink ishi oshipii'amok o'o kaa'ininakook!”
Moosihs Kiihkanoonaatc Pemaatisinitc Cishashiipihtansinik
10 #
Gen 12.7;
Gen 26.3;
Gen 28.13. “Ahpii tahsh ani ishihsek kaaTipenciketc kiKishemanitoomiwaa piininek i'imaa ahkiink kaakii ahshotamawaatc kaakii okehteya'aamiyek Eparahaaman (Abraham), Aaisikoon (Isaac), Cekapoon (Jacob) kaye, kika miinikowaa kihci ootenawan kaaonishihshininikin kiinawaa kaakii oshihtoohsiwek. 11Waahkaa'ikanan hsa kaye tamamooshkinewan kekoonan kaaonishihshinkin, kiinawaa kaakii ahtoohsiwek. Ta‑ayaawan tahsh onta'ipaanan kiinawaa kaakii waanihkaatansiwek. Shoominaahtikook kaashi nihtaawiki'intwaa, aalip (olive) tinowaahtikook kaye ta‑ayaawan kiinawaa kaakiih kihtikaatansiwek. Ahpii tahsh wiihsiniyek, wiinke tewiihsiniyek, 12kehcinaac iko ayaankwaamisik ciwaniihkenotawaahsiwek kaaTipenciketc kaakiih pi'onci saakiciwininek weti Iicipahkiink (Egypt) kaakiih tashi wehsaani'ikooyek emihtanohkii'ikooyekipan. 13#Mat 4.10; Luk 4.8. Wiin hsa ehtako kika kohtaanenimaawaa kiKishemanitoomiwaa, wiin ehtako kaye kika anami'ehtawaawaa, wiin ehtako kaye owiinsowin kika ahpi wiintamowaam. 14Keko kaye pahkaan manitook piminisha'waahkekwaanik, ini kaye pemaatisiwaatc kaawaahkaashkawinekwaa kaaomanitoomiwaatc. 15KaaTipenciketc kiKishemanitoomiwaa kaa‑ayaatc mekweya'ii eshi'ayaayek aaniihsh tinowi kaaontentank Kishemanitoo. KaaTipenciketc kiKishemanitoomiwaa onishkaatisiwin ohsha ta‑aahkwentaakwanini keotihsikoyek. Wawiinke kaye kika nihshiwanaaci'ikowaa wiihkaa miinawaa ciayaawaahsiwek o'omaa ahkiink.”
16 #
Mat 4.7; Luk 4.12;
Exo 17.1-7. “Keko kaye kakweci'aahkek kaaTipenciketc kiKishemanitoomiwaa kaakiih tootawekipan weti Masa (Massah) ecikaatek. 17Kehcinaac ishihcikek cikanawentamowek kaaTipenciketc kiKishemanitoomiwaa otihkitowinan kaye kaamiininek. 18Kika ishihcikem itahsh kaye kweyahkonaakwahk, wenishihshik kaye enaahsamiitc kaaTipenciketc, ciminohseyek. Miitahsh cipiintikeshkaayek i'i ahki wenishihshik citipinawewisiyek kaaTipenciketc kaakii ayiici ahshotamawaakopanen kikehteya'aamiwaapanii' ewii miinaatc. 19Oka saakitaamawaa' itahsh ini kahkina kaashiinkeniminekwaa wa‑ani ishaayek, ci‑ishihsenik kaaTipenciketc kaakii ihkitokopanen.”
20“Ani ayishihsek itahsh ahpii kikosihsiwaak o'o ishi kakweciminekwaa, ‘Aaniin itahsh enwaatek o'o kaaTipenciketc kaakii'ininank cikanawentamowank otihkitowinan, otinaahkonikewinan kaye.’ 21Miihsh o'o keshi nahkwehtawekwaa, ‘Niinawint hsa Peroo (Pharaoh) ninkiih tootaakonaan ekiih kakwaataki mihtanohkii'inaank weti Iicipahkiink; kaaTipenciketc itahsh weti ninkii onci saakiciwinikonaan omashkawisiiwin ekii aapacihtootc. 22Miitahsh kaaTipenciketc kaakii naakohtootc ekii waapantamowaankitc kehci inentaakwaninikin, kekwaanihsakentaakwaninikin kihkinawaacihcikanan, maamahkaacihcikewinan, aaniin kaakiih tootawaatc Peroon, kahkina owaahkaa'ikaniniink kaye kaakii ayaanitc. 23Miitahsh kaaonci saakiciwininaank o'omaa ekiih piininaank, ekii miininaank itahsh o'o ahkiini kaakii ayiici ahshotamawaakopanen kikehteya'aaminaanii'. 24Miitahsh kaaTipenciketc kaakii inaahkoninank cina'ihtamowank kahkina ono otihkitowinan, cikohtaanenimank kaaTipenciketc kiKishemanitoominaan. Miitahsh mooshak ciminohseyank, miikaye'i ci‑inentaakosiyank cipimaatisiyank taapishkoo noonkom kaaishi'ayaayank. 25Kiishpin hsa weweni na'ihtamowank o'o misiwe inaahkonikewin, enaahsamiitc kaaTipenciketc kiKishemanitoominaan kaakii miininank, mii hsa 'iwe kikwayahkwaatisiwininaan keinakintek,’ kika'inaawaak.”
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Ojibwe Shorter Bible (Roman Script) © 2008 Canadian Bible Society