Tootaraanamii 4
4
Moosihs Kiihkanoonaatc Isriyala' Cina'ihtaminitc
1Moosihs (Moses) tahsh kii‑ihkito, “Inashke tahsh noonkom, kiinawaa Isriyalak (Israel), pisintamok ono ihkitowinan, inaahkonikewinan kaye kaakihkino'amawinakook. Ishihcikek itahsh kaye cipimaatisiyek, cipiintikeshkaayek ciotaahpinamek citipinawewisiyek i'i ahkiini kaamiininek kaaTipenciketc kaakii oKishemanitoomiwaatc kikehteya'aamiwaapaniik. 2#Rev 22.18,19. Keko awahshime nankinankek kaa'ininakook, keko kaye aciwinamohkek. I'i hsa cikanawentamowek kaaTipenciketc kiKishemanitoomiwaa otinaahkonikewinan kaawiintamawinakook. 3Kiinawaa iitok iko kikii waapantamowaam kaakii ishihciketc kaaTipenciketc weti kihci waciink Piiyar (Peor) ecikaatenik. Entahshinitc iitok okii nihshiwanaaci'aa' kaakiih piminisha'waanitc manitoohkaanan Peyal (Baal) eshinihkaanimintc. 4Kiinawaa tahsh wiin kaakiih kihciwenimek ekiih tepweyenimek kaaTipenciketc kiKishemanitoomiwaa keyaapi kipimaatisim noonkom kaakiishikahk.”
5“Inashke kikii kihkino'amawininim ihkitowinan, inaahkonikewinan kaye, kaaTipenciketc kiKishemanitoomiwaa kaakii inanooshitc, ci‑ishihcikewek i'imaa kaawii ishi piintikeshkaayek ahkiink kaawiih tipinawewisiyek. 6Tootamowaahk otinaahkonikewinan. Mii hsa tahsh o'omaa keonci pehteyaapaminekwaa kotak pemaatisiwaatc aaniin ehpiihci kakiihtaawentamek. Ahpii hsa noontamowaatc ono kahkina inaahkonikewinan, taihkitowak ‘Etatawe hsa otayaanaawaa kakiihtaawentamowin, nihsitohtamowin kaye oko kaakihci inentaakosiwaatc pemaatisiwaatc.’ ”
7“Ayaawak inahsh kotak pehkaanwewaanakisiwaatc pemaatisiwaatc ciahpiihci kihci inentaakosiwaahpan ciayaawaawaatc manitoon pehsho taapishkoo kaaTipenciketc kiKishemanitoominaan kaashi pehshwaapamank ahpii kiikanoonank ciwiiciiwinank. 8Awenenak tahsh iki pahkaan kotak pehkaanwewaanakisiwaatc pemaatisiwaatc eyaawaatc ihkitowinan, inaahkonikewinan kaye cishi kwayahkwentaakwaninikin ono kahkina inaahkonikewinan kaaonahtamawinakook noonkom kaakiishikahk. 9Ayaankwaamisik itahsh weweni kaye ishihcikek ciwaniihkehsiwek kekoonan kaakii waapantamek, aaniihsh maakishaa waniihkeyek i'imaa kite'iwaank, kaawiin miinawaa wiihkaa kika maamihkawihsiim minihk kepimaatisiyek o'omaa ahkiink. O'owe hsa tahsh ishihcikek, ani wiintamawihkwak kiniicaanihsiwaak, keni oniicaanihsiwaatc kaye ciani kihkentaminitc. 10Inashke maamihkawik ahpii ehkiishikahk kaakii niipawiyekipan enaahsamiitc kaaTipenciketc kiKishemanitoomiwaa weti kihci waciink Oorep (Horeb) kaakii ishinihkaatek. Miitahsh o'o kaa'ishihpan kaaTipenciketc, ‘Maawatoon pemaatisiwaatc i'imaa kaashi ayaawak, eantawenimakwaa cinoontamowaatc nintihkitowinan, cionci kihkentamowaatc cikohtaanenimiwaatc minihk iko kepimaatisiwaatc o'omaa ahkiink. Ninantawenimaak kaye cikihkino'amawaawaatc oniicaanihsiwaa'.’ ”
11 #
Exo 19.16-18; Heb 12.18,19. “Miitahsh i'i kaaishihcikeyek pehsho ekiih piishaayek, ekii ishi niipawiyek kaashi maaciiyaamatinaak kihci waciw. Ekiih kihci piskanek i'i kihci waciw, weti ishpimink ekii inahkonek i'i ishkote. Wiinke kaye ekii aakawaanahkwahk, wiinke kaye ekii aakawaapahtek i'i kihci waciw. 12Miihsh o'o kaakii'ininek kaaTipenciketc i'imaa ishkotenk kiionci kanooninek, ihkitowinan hsa ehta kikii noontaam, ekii noontawek awiya enoontaakositc, kaawiin tahsh awiya kikii waapamaahsiwaawaa. 13#Exo 31.18; 34.28; Deu 9.10. mii hsa tahsh i'i kaakii wiintamawinek aaniin keshi kanawentamowek ahshotamaakewinan kaakii onahtamawinek, cina'ihtamowek mitaahso (10) inaahkonikewinan kaakii oshipii'ank i'imaa napakaapihkahsiniink kaakii niishinitc. 14#Exo 21.1. Miihsh kaye'i ahpii kaaTipenciketc kaakii anooshihpan cikihkino'amawinakook ihkitowinan, inaahkonikewinan kaye, keishihcikewek i'maa ahkiink kaa‑ani ishaayek ewiih tipinawewisiyek.”
Moosihs Kiikanoonaatc Isriyala' Cimanitoohkehsinik
15“Kiinawaa tahsh ayaankwaamisik. Ekii waapamaahsiwek itahsh awiya ahpii kiihkiishikaninik kaaTipenciketc ishkotenk kiionci kanooninek weti Oorep kaaishinihkaatenik, 16#Exo 20.4. Mii hsa tahsh i'i ishi ayaankwaamisik cinihshiwanaaci'itisohsiwek. Keko oshihtamaasohkek manitoohkaanak ininiink, ihkwenk kaye ci‑ishinaakosiwaatc. 17#Rom 1.23. Kaaishinaakosiwaatc kaye awenen iko aya'aawihshak i'imaa ahkiink kaa‑ayaawaatc, iki kaye pinehshiinshak kaapapaamihsewaatc ishpimink. 18Keko kaye kaapapaamootewaatc tino ishi'aahkekwaanik, keko kaye ishi'aahkekwaanik ci‑ishinaakosiwaatc taapishkoo kinooshenk. 19Ayaankwaamisik kaye ahpii kii‑inaapiyek ishpimink kiiwaapamek kiisihs, tipihkikiisihs kaye, kahkina kaye wanankohshak, cishi maaciishkaahsiwek i'i nahke cianami'ehtawaahsiwekwaa, keko kaye pamiihtawaahkekwaanik. KaaTipenciketc kiKishemanitoomiwaa iitok okiih pakitinaa' o'o aaninta pemaatisinitc o'omaa ahkiink kaa‑ayaanitc cianami'ehtawaanitc. 20#Exo 19.5; Deu 7.6; 26.18; Titus 2.14; 1Pe 2.9. Kiinawaa tahsh wiin kaaTipenciketc kikii otaahpinikowaa, ekiih saakiciwininek weti Iicipahkiink (Egypt) piiwaapihko pootawaanaapihkonk kaakii inentaakwaninik, wiin iko ewiih tipinawewisiiminek kaapimaatisiyek noonkom kaakiishikaninik eishi'ayaayek. 21#Num 20.12. KaaTipenciketc tahsh niin ninkii maanaapamik kiinawaa onci. Miitahsh kaakii ishi aayiicikiishwetc ciaashawishkaawaahsiwak i'i Cwaartan (Jordan) siipi, cipiintikeshkaahsiwak i'i ahkiini kaaonishihshininik kaaTipenciketc kiKishemanitoomiwaa kaawii miininek citipentamowek. 22O'omaa tahsh niin inahke ahkiink ninka tashi ishkwaa pimaatis, kaawiin ninka aashawishkaahsii i'i Cwaartan siipi. Kiinawaa tahsh kika aashawishkaam citipinawewisiyek i'i kaaonishihshik ahki. 23Weweni tahsh ayaankwaamisik, ciwaniihkenotamowaahsiwek kaaTipenciketc kiKishemanitoomiwaa kaakii inahtamawinek i'i ahshotamaakewin. Kikii onci'ikoom iitok cioshihtamaatisohsiwek aaniin iko ci‑ishinaakosihsikwaa manitoohkaanak. 24#Heb 12.29. KaaTipenciketc, kiKishemanitoomiwaa aaniihsh taapishkoo inentaakosi ishkote kaa‑ankwaahkisowemakahk, kaawiin ohsha omanaaci'aahsii' kaakakwe naapishkaakotc.”
25“Ahpii kinwesh kiihtaanotamek i'i ahki, ani ayaawekwaa tahsh keoniicaanihsiyek, keoyooshihsiyek kaye, kiishpin itahsh ani maci'ishiwepisiyek, ani oshi'ekwaa tahsh kaye manitoohkaanak, anoociko kaye ani ishihcikeyek enaahsamiitc kaaTipenciketc kiKishemanitoomiwaa, mii hsa 'i cinihshki'ek. 26Ninkanootaan hsa kiishik, ahki kaye citipaacimikoyek noonkom kaakiishikahk, kiishpin shashiipihtawiyek, kaawiin kinwesh kika ayaahsiim i'imaa ahkiink. Kaawiin hsa kinwesh kika taanotansiim i'i ahki akaamink Cwaartan eyaak kaawii awi taanotamek, wiinke hsa kika nihshiwanaaci'ikoom. 27KaaTipenciketc hsa misiwe kika ishi ohswenikowaa eshi'ayaanitc kotak pemaatisinitc, aahpici tahsh pankii ehta kika ishko pimaatisim eshi'ayaawaatc kotak pemaatisiwaatc kaaTipenciketc kaawii ishiwininek. 28Miitahsh weti ketashi anami'ehtawekwaa manitoohkaanak mihtikonk, komaa kaye ahsiniink kaaonci oshi'intwaa. Kaawiin iitok waapihsiiwak, kaawiin kaye noontansiiwak, kaawiin kaye wiihsinihsiiwak, kaawiin kaye minaancikehsiiwak. 29Miitahsh weti keshi kakwe mihkawek kaaTipenciketc kiKishemanitoomiwaa, kika mihkawaawaa tahsh kiishpin kota enikohkote'eyek nanaantone'wek. 30Ahpii hsa wahsitaawihseyek, kahkina kaye ono otihsikoyek weti ani kakiishikahk, mii hsa 'i cikiiwenotawek kaaTipenciketc kiKishemanitoomiwaa, miihsh kaye cina'ihtawek. 31KaaTipenciketc ohsha kiKishemanitoomiwaa ehtinowitc kaakoohpaasinaaketc. Kaawiin hsa kika nakanikohsiiwaa, kaawiin kika nihshiwanaaci'ikohsiiwaa. Kaawiin kaye tawaniihkehsii wiin iko kaakii ayiici ahshotamawaakopanen kikehteya'aamiwaapanii'.”
32“Otaanaank itahsh inahke cipwaa nihtaawikiyek ishi anta kihkencikek, weti piko kaye maawac otaanaank ahpii ehkiishikahk Kishemanitoo kiioshi'aakopanen ininiwan o'omaa ahkiink. Misiwe hsa ehko kaapishi kiishikahk ishikakwetwen. Wiihkaa na kekoon o'o kiihpi kihci ishihse? Wiihkaa na o'o kekoon kiihpi inihtaakaaniwan? 33Wiihkaa na awiyak pemaatisiwaatc okiih pi noontawaawaan Kishemanitoon mekwe ishkotenk cionci kanoonikowaatc, cipimaatisiwaahpan itahsh taapishkoo kiinawaa kaakii ishihseyek? 34Wiihkaa na pahkaan manitoo opi kakwecihtoon pemaatisinitc cionci otaahpinamaasotc eshi'ayaanitc kotak pemaatisinitc, wiin itahsh iko ewiih tipinawewisitc. Mii 'iwe kaaTipenciketc kiKishemanitoomiwaa kaakiih tootawinek Iicipahkiink. Kikii waapantamowaam iitok kaakii ishi kakweci'iwetc, kaakii ishi mamaantaawihciketc, kaakii ishi maamahkaacihciketc, kaakii ishi miikaasotc, ekii aapacihtootc oninc kehci mashkawentaakwaninik. 35#Mrk 12.32. Kiinawaa iitok o'o kikii ishi waapanta'ikoom cikihkenimek kaaTipenciketc, wiin ehKishemanitoowitc. Kaawiin kotak manitoon ayaahsiiwan. 36Kikiih pakitinikowaa hsa kihci kiishikonk cionci noontawek, cikihkinowininek; ahkiink itahsh wiin kikiih pakitinikowaa ciwaapantamowek okihci ishkotem, mekwe ishkotenk kikii onci noontawaawaa ehkanooninek. 37Ekiih saaki'aatc itahsh kikehteya'aamiwaapanii', mii hsa 'i kaakii onci onaapamaatc opiiwesiimini. Wiin itahsh iko kikii wiiciiwikowaa Iicipahkiink kiionci saakiciwininek kiiaapacihtootc okihci mashkawisiiwin. 38Ewiih saakitaama'waatc eni ishaawek kotak pemaatisinitc nawac peyaahtiinonitc, nawac kaye meshkawentaakosinitc ahpiihc kiinawaa, ewii ishiwininek cipiintikeshkaawek otahkiiminiink kiinawaa ewii miininek citipinawewisiyek. 39Kihkentamok itahsh noonkom kaakiishikahk, kite'iwaank ishi kihkentamok kaaTipenciketc wiin ehKishemanitoowitc weti paashici ishpimink, weti kaye anaamink inahke ahkiink; kaawiin hsa kotak manitoo ayaahsii. 40Ishihcikewaahk hsa tahsh eshihsininik otihkitowinan, otinaahkonikewinan kaye, noonkom kaakiishikahk kaawiintamawinakook, miitahsh i'i ciminohseyek kiniicaanihsiwaak kaye, kooshihsiwaak kaye keni ayaawaatc kii‑ishkwaa ayaayek. Kinwesh itahsh kika pimaatisim i'imaa ahkiink kaaTipenciketc kiKishemanitoomiwaa kaamiininek mooshak iko eni ayaayek,” kii‑ihkito Moosihs (Moses).
Právě zvoleno:
Tootaraanamii 4: OJBR
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Ojibwe Shorter Bible (Roman Script) © 2008 Canadian Bible Society
Tootaraanamii 4
4
Moosihs Kiihkanoonaatc Isriyala' Cina'ihtaminitc
1Moosihs (Moses) tahsh kii‑ihkito, “Inashke tahsh noonkom, kiinawaa Isriyalak (Israel), pisintamok ono ihkitowinan, inaahkonikewinan kaye kaakihkino'amawinakook. Ishihcikek itahsh kaye cipimaatisiyek, cipiintikeshkaayek ciotaahpinamek citipinawewisiyek i'i ahkiini kaamiininek kaaTipenciketc kaakii oKishemanitoomiwaatc kikehteya'aamiwaapaniik. 2#Rev 22.18,19. Keko awahshime nankinankek kaa'ininakook, keko kaye aciwinamohkek. I'i hsa cikanawentamowek kaaTipenciketc kiKishemanitoomiwaa otinaahkonikewinan kaawiintamawinakook. 3Kiinawaa iitok iko kikii waapantamowaam kaakii ishihciketc kaaTipenciketc weti kihci waciink Piiyar (Peor) ecikaatenik. Entahshinitc iitok okii nihshiwanaaci'aa' kaakiih piminisha'waanitc manitoohkaanan Peyal (Baal) eshinihkaanimintc. 4Kiinawaa tahsh wiin kaakiih kihciwenimek ekiih tepweyenimek kaaTipenciketc kiKishemanitoomiwaa keyaapi kipimaatisim noonkom kaakiishikahk.”
5“Inashke kikii kihkino'amawininim ihkitowinan, inaahkonikewinan kaye, kaaTipenciketc kiKishemanitoomiwaa kaakii inanooshitc, ci‑ishihcikewek i'imaa kaawii ishi piintikeshkaayek ahkiink kaawiih tipinawewisiyek. 6Tootamowaahk otinaahkonikewinan. Mii hsa tahsh o'omaa keonci pehteyaapaminekwaa kotak pemaatisiwaatc aaniin ehpiihci kakiihtaawentamek. Ahpii hsa noontamowaatc ono kahkina inaahkonikewinan, taihkitowak ‘Etatawe hsa otayaanaawaa kakiihtaawentamowin, nihsitohtamowin kaye oko kaakihci inentaakosiwaatc pemaatisiwaatc.’ ”
7“Ayaawak inahsh kotak pehkaanwewaanakisiwaatc pemaatisiwaatc ciahpiihci kihci inentaakosiwaahpan ciayaawaawaatc manitoon pehsho taapishkoo kaaTipenciketc kiKishemanitoominaan kaashi pehshwaapamank ahpii kiikanoonank ciwiiciiwinank. 8Awenenak tahsh iki pahkaan kotak pehkaanwewaanakisiwaatc pemaatisiwaatc eyaawaatc ihkitowinan, inaahkonikewinan kaye cishi kwayahkwentaakwaninikin ono kahkina inaahkonikewinan kaaonahtamawinakook noonkom kaakiishikahk. 9Ayaankwaamisik itahsh weweni kaye ishihcikek ciwaniihkehsiwek kekoonan kaakii waapantamek, aaniihsh maakishaa waniihkeyek i'imaa kite'iwaank, kaawiin miinawaa wiihkaa kika maamihkawihsiim minihk kepimaatisiyek o'omaa ahkiink. O'owe hsa tahsh ishihcikek, ani wiintamawihkwak kiniicaanihsiwaak, keni oniicaanihsiwaatc kaye ciani kihkentaminitc. 10Inashke maamihkawik ahpii ehkiishikahk kaakii niipawiyekipan enaahsamiitc kaaTipenciketc kiKishemanitoomiwaa weti kihci waciink Oorep (Horeb) kaakii ishinihkaatek. Miitahsh o'o kaa'ishihpan kaaTipenciketc, ‘Maawatoon pemaatisiwaatc i'imaa kaashi ayaawak, eantawenimakwaa cinoontamowaatc nintihkitowinan, cionci kihkentamowaatc cikohtaanenimiwaatc minihk iko kepimaatisiwaatc o'omaa ahkiink. Ninantawenimaak kaye cikihkino'amawaawaatc oniicaanihsiwaa'.’ ”
11 #
Exo 19.16-18; Heb 12.18,19. “Miitahsh i'i kaaishihcikeyek pehsho ekiih piishaayek, ekii ishi niipawiyek kaashi maaciiyaamatinaak kihci waciw. Ekiih kihci piskanek i'i kihci waciw, weti ishpimink ekii inahkonek i'i ishkote. Wiinke kaye ekii aakawaanahkwahk, wiinke kaye ekii aakawaapahtek i'i kihci waciw. 12Miihsh o'o kaakii'ininek kaaTipenciketc i'imaa ishkotenk kiionci kanooninek, ihkitowinan hsa ehta kikii noontaam, ekii noontawek awiya enoontaakositc, kaawiin tahsh awiya kikii waapamaahsiwaawaa. 13#Exo 31.18; 34.28; Deu 9.10. mii hsa tahsh i'i kaakii wiintamawinek aaniin keshi kanawentamowek ahshotamaakewinan kaakii onahtamawinek, cina'ihtamowek mitaahso (10) inaahkonikewinan kaakii oshipii'ank i'imaa napakaapihkahsiniink kaakii niishinitc. 14#Exo 21.1. Miihsh kaye'i ahpii kaaTipenciketc kaakii anooshihpan cikihkino'amawinakook ihkitowinan, inaahkonikewinan kaye, keishihcikewek i'maa ahkiink kaa‑ani ishaayek ewiih tipinawewisiyek.”
Moosihs Kiikanoonaatc Isriyala' Cimanitoohkehsinik
15“Kiinawaa tahsh ayaankwaamisik. Ekii waapamaahsiwek itahsh awiya ahpii kiihkiishikaninik kaaTipenciketc ishkotenk kiionci kanooninek weti Oorep kaaishinihkaatenik, 16#Exo 20.4. Mii hsa tahsh i'i ishi ayaankwaamisik cinihshiwanaaci'itisohsiwek. Keko oshihtamaasohkek manitoohkaanak ininiink, ihkwenk kaye ci‑ishinaakosiwaatc. 17#Rom 1.23. Kaaishinaakosiwaatc kaye awenen iko aya'aawihshak i'imaa ahkiink kaa‑ayaawaatc, iki kaye pinehshiinshak kaapapaamihsewaatc ishpimink. 18Keko kaye kaapapaamootewaatc tino ishi'aahkekwaanik, keko kaye ishi'aahkekwaanik ci‑ishinaakosiwaatc taapishkoo kinooshenk. 19Ayaankwaamisik kaye ahpii kii‑inaapiyek ishpimink kiiwaapamek kiisihs, tipihkikiisihs kaye, kahkina kaye wanankohshak, cishi maaciishkaahsiwek i'i nahke cianami'ehtawaahsiwekwaa, keko kaye pamiihtawaahkekwaanik. KaaTipenciketc kiKishemanitoomiwaa iitok okiih pakitinaa' o'o aaninta pemaatisinitc o'omaa ahkiink kaa‑ayaanitc cianami'ehtawaanitc. 20#Exo 19.5; Deu 7.6; 26.18; Titus 2.14; 1Pe 2.9. Kiinawaa tahsh wiin kaaTipenciketc kikii otaahpinikowaa, ekiih saakiciwininek weti Iicipahkiink (Egypt) piiwaapihko pootawaanaapihkonk kaakii inentaakwaninik, wiin iko ewiih tipinawewisiiminek kaapimaatisiyek noonkom kaakiishikaninik eishi'ayaayek. 21#Num 20.12. KaaTipenciketc tahsh niin ninkii maanaapamik kiinawaa onci. Miitahsh kaakii ishi aayiicikiishwetc ciaashawishkaawaahsiwak i'i Cwaartan (Jordan) siipi, cipiintikeshkaahsiwak i'i ahkiini kaaonishihshininik kaaTipenciketc kiKishemanitoomiwaa kaawii miininek citipentamowek. 22O'omaa tahsh niin inahke ahkiink ninka tashi ishkwaa pimaatis, kaawiin ninka aashawishkaahsii i'i Cwaartan siipi. Kiinawaa tahsh kika aashawishkaam citipinawewisiyek i'i kaaonishihshik ahki. 23Weweni tahsh ayaankwaamisik, ciwaniihkenotamowaahsiwek kaaTipenciketc kiKishemanitoomiwaa kaakii inahtamawinek i'i ahshotamaakewin. Kikii onci'ikoom iitok cioshihtamaatisohsiwek aaniin iko ci‑ishinaakosihsikwaa manitoohkaanak. 24#Heb 12.29. KaaTipenciketc, kiKishemanitoomiwaa aaniihsh taapishkoo inentaakosi ishkote kaa‑ankwaahkisowemakahk, kaawiin ohsha omanaaci'aahsii' kaakakwe naapishkaakotc.”
25“Ahpii kinwesh kiihtaanotamek i'i ahki, ani ayaawekwaa tahsh keoniicaanihsiyek, keoyooshihsiyek kaye, kiishpin itahsh ani maci'ishiwepisiyek, ani oshi'ekwaa tahsh kaye manitoohkaanak, anoociko kaye ani ishihcikeyek enaahsamiitc kaaTipenciketc kiKishemanitoomiwaa, mii hsa 'i cinihshki'ek. 26Ninkanootaan hsa kiishik, ahki kaye citipaacimikoyek noonkom kaakiishikahk, kiishpin shashiipihtawiyek, kaawiin kinwesh kika ayaahsiim i'imaa ahkiink. Kaawiin hsa kinwesh kika taanotansiim i'i ahki akaamink Cwaartan eyaak kaawii awi taanotamek, wiinke hsa kika nihshiwanaaci'ikoom. 27KaaTipenciketc hsa misiwe kika ishi ohswenikowaa eshi'ayaanitc kotak pemaatisinitc, aahpici tahsh pankii ehta kika ishko pimaatisim eshi'ayaawaatc kotak pemaatisiwaatc kaaTipenciketc kaawii ishiwininek. 28Miitahsh weti ketashi anami'ehtawekwaa manitoohkaanak mihtikonk, komaa kaye ahsiniink kaaonci oshi'intwaa. Kaawiin iitok waapihsiiwak, kaawiin kaye noontansiiwak, kaawiin kaye wiihsinihsiiwak, kaawiin kaye minaancikehsiiwak. 29Miitahsh weti keshi kakwe mihkawek kaaTipenciketc kiKishemanitoomiwaa, kika mihkawaawaa tahsh kiishpin kota enikohkote'eyek nanaantone'wek. 30Ahpii hsa wahsitaawihseyek, kahkina kaye ono otihsikoyek weti ani kakiishikahk, mii hsa 'i cikiiwenotawek kaaTipenciketc kiKishemanitoomiwaa, miihsh kaye cina'ihtawek. 31KaaTipenciketc ohsha kiKishemanitoomiwaa ehtinowitc kaakoohpaasinaaketc. Kaawiin hsa kika nakanikohsiiwaa, kaawiin kika nihshiwanaaci'ikohsiiwaa. Kaawiin kaye tawaniihkehsii wiin iko kaakii ayiici ahshotamawaakopanen kikehteya'aamiwaapanii'.”
32“Otaanaank itahsh inahke cipwaa nihtaawikiyek ishi anta kihkencikek, weti piko kaye maawac otaanaank ahpii ehkiishikahk Kishemanitoo kiioshi'aakopanen ininiwan o'omaa ahkiink. Misiwe hsa ehko kaapishi kiishikahk ishikakwetwen. Wiihkaa na kekoon o'o kiihpi kihci ishihse? Wiihkaa na o'o kekoon kiihpi inihtaakaaniwan? 33Wiihkaa na awiyak pemaatisiwaatc okiih pi noontawaawaan Kishemanitoon mekwe ishkotenk cionci kanoonikowaatc, cipimaatisiwaahpan itahsh taapishkoo kiinawaa kaakii ishihseyek? 34Wiihkaa na pahkaan manitoo opi kakwecihtoon pemaatisinitc cionci otaahpinamaasotc eshi'ayaanitc kotak pemaatisinitc, wiin itahsh iko ewiih tipinawewisitc. Mii 'iwe kaaTipenciketc kiKishemanitoomiwaa kaakiih tootawinek Iicipahkiink. Kikii waapantamowaam iitok kaakii ishi kakweci'iwetc, kaakii ishi mamaantaawihciketc, kaakii ishi maamahkaacihciketc, kaakii ishi miikaasotc, ekii aapacihtootc oninc kehci mashkawentaakwaninik. 35#Mrk 12.32. Kiinawaa iitok o'o kikii ishi waapanta'ikoom cikihkenimek kaaTipenciketc, wiin ehKishemanitoowitc. Kaawiin kotak manitoon ayaahsiiwan. 36Kikiih pakitinikowaa hsa kihci kiishikonk cionci noontawek, cikihkinowininek; ahkiink itahsh wiin kikiih pakitinikowaa ciwaapantamowek okihci ishkotem, mekwe ishkotenk kikii onci noontawaawaa ehkanooninek. 37Ekiih saaki'aatc itahsh kikehteya'aamiwaapanii', mii hsa 'i kaakii onci onaapamaatc opiiwesiimini. Wiin itahsh iko kikii wiiciiwikowaa Iicipahkiink kiionci saakiciwininek kiiaapacihtootc okihci mashkawisiiwin. 38Ewiih saakitaama'waatc eni ishaawek kotak pemaatisinitc nawac peyaahtiinonitc, nawac kaye meshkawentaakosinitc ahpiihc kiinawaa, ewii ishiwininek cipiintikeshkaawek otahkiiminiink kiinawaa ewii miininek citipinawewisiyek. 39Kihkentamok itahsh noonkom kaakiishikahk, kite'iwaank ishi kihkentamok kaaTipenciketc wiin ehKishemanitoowitc weti paashici ishpimink, weti kaye anaamink inahke ahkiink; kaawiin hsa kotak manitoo ayaahsii. 40Ishihcikewaahk hsa tahsh eshihsininik otihkitowinan, otinaahkonikewinan kaye, noonkom kaakiishikahk kaawiintamawinakook, miitahsh i'i ciminohseyek kiniicaanihsiwaak kaye, kooshihsiwaak kaye keni ayaawaatc kii‑ishkwaa ayaayek. Kinwesh itahsh kika pimaatisim i'imaa ahkiink kaaTipenciketc kiKishemanitoomiwaa kaamiininek mooshak iko eni ayaayek,” kii‑ihkito Moosihs (Moses).
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Ojibwe Shorter Bible (Roman Script) © 2008 Canadian Bible Society