ᐊᑭᑖᓱᓇᓐ 9
9
ᐗᑶ ᑳᑮᐃᔥᑯᑌᐙᓇᑾᒃ
15ᐊᐲ ᑕᔥ ᐁᑮᔑᑲᒃ ᑮᐅᓇᑭᑌᒃ ᑭᒋ ᐊᓇᒥᐁ ᐸᒀᓀᑲᒥᒃ, ᐗᑶ ᓴ ᑮᐋᑲᐙᓇᑾᓐ ᐁᔑᐊᔮᒃ ᐃᐃ ᑭᒋ ᐊᓇᒥᐁᐎᑲᒥᒃ᙮ ᑮᐅᓈᑯᔑᕽ ᐃᑕᔥ ᐲᓂᔥ ᐁᐊᓂ ᐙᐸᕽ ᑖᐱᔥᑰ ᐃᔥᑯᑌᕽ ᑮᐃᔑᓈᑾᓐ ᐃᐃ ᐗᑶ ᑳᑮ ᐊᔮᒃ ᐃᐃᒫ ᐃᔥᐱᒥᕽ ᑭᒋ ᐊᓇᒥᐁ ᐸᒀᓀᑲᒥᑯᕽ᙮ 16ᒦᑕᔥ ᐃᑯ ᐃ ᒨᔕᒃ ᑳᐃᔑ ᐋᑲᐎ ᐗᑸᐗᕽ ᐁᑮᔑᑲᒃ, ᐁᑎᐱᑲᒃ ᐃᑕᔥ ᐃᔥᑯᑌᕽ ᑮᐃᔑᓈᑾᓐ᙮ 17ᐊᐲ ᑕᔥ ᐃᑯ ᐗᑸᓂ ᐁᐅᒋ ᐅᐱᔥᑳᓂᒃ ᐃᐃᒫ ᑭᒋ ᐊᓇᒥᐁ ᐸᒀᓀᑲᒥᑯᕽ, ᒦ ᓴ ᐃ ᐃᔅᕒᐃᔭᓬᐊᒃ Israel ᑳᐃᔑ ᒫᒌ ᑯᓯᐙᒡ᙮ ᐋᓃᑎ ᑕᔥ ᐃᑯ ᐁᔑ ᑭᐱᒌᒪᑲᓂᓂᒃ ᐃᐃ ᐗᑸᓂ, ᒦ ᓴ ᐃᒫ ᐃᔅᕒᐃᔭᓬᐊᒃ ᑳᐃᔑ ᑲᐯᔑᐙᒡ᙮ 18ᐃᔅᕒᐃᔭᓬᐊᒃ ᐃᑕᔥ ᐁᐊᓅᓂᑯᐙᒡ ᑳᑎᐯᒋᑫᓂᒡ ᒋᒫᒑᐙᒡ, ᒦ ᓴ ᑯ ᐃ ᑳᐃᔑᒋᑫᐙᒡ᙮ ᐁᐊᓅᓂᑯᐙᒡ ᑲᔦ ᒋᑲᐯᔑᐙᒡ, ᒦ ᓴ ᑯ ᐃ ᑳᐃᔑᒋᑫᐙᒡ᙮ ᒥᓂᒃ ᐃᑕᔥ ᐃᑯ ᑳᑭᐱᒋᔥᑳᓂᒃ ᐃᐃ ᐗᑶ ᐃᐃᒫ ᑭᒋ ᐊᓇᒥᐁ ᐸᒀᓀᑲᒥᑯᕽ, ᒦ ᓴ ᑯ ᐃᒫ ᑳᐊᔮᐙᒡ᙮ 19ᒥᓴᐙ ᓴ ᑯ ᑭᓉᔥ ᑮᐊᔮᓂᒃ ᐃᐃ ᐗᑶ ᐃᐃᒫ ᑭᒋ ᐊᓇᒥᐁ ᐸᒀᓀᑲᒥᑯᕽ, ᐃᔅᕒᐃᔭᓬᐊᒃ ᓴ ᐅᑮ ᑲᓇᐌᑖᓈᐙ ᑳᑎᐯᒋᑫᓂᒡ ᑳᑮᐃᑯᐙᒡ, ᑳᐐᓐ ᐃᑕᔥ ᑮᒫᒌ ᑯᓯᓰᐗᒃ᙮ 20ᓂᑯᑎᕽ ᐃᑕᔥ ᓃᐱᐗᐄᔥ ᑕᓱ ᑮᔑᒃ ᐃᐃ ᐗᑶ ᑮᐊᔮ ᐃᐃᒫ ᑭᒋ ᐊᓇᒥᐁ ᐸᒀᓀᑲᒥᑯᕽ; ᐁᐃᑯᐙᒡ ᐃᑕᔥ ᐃᑯ ᑳᑎᐯᒋᑫᓂᒡ ᒋᑲᐯᔑᐙᒡ, ᒦ ᐃ ᑳᐃᔑᒋᑫᐙᒡ᙮ ᐁᐃᑯᐙᒡ ᐃᑕᔥ ᐃᑯ ᒋᒫᒑᐙᒡ, ᒦ ᐃ ᑳᐃᔑᒋᑫᐙᒡ᙮ 21ᓂᑯᑎᕽ ᐃᑕᔥ ᐯᔑᑯ ᑎᐱᒃ ᐁᑕ ᑮᑭᐱᒌᒪᑲᓐ ᐃᐃ ᐗᑶ, ᐁᑭᔐᐹᐗᑲᒃ ᐃᑕᔥ ᑮᐅᐱᔥᑳ, ᒦᔥ ᑳᐃᔑ ᒫᒑᐙᒡ᙮ ᒥᓴᐙ ᑯ ᐁᑮᔑᑲᓂᓂᒃ, ᑯᒫ ᑲᔦ ᐁᑎᐱᑲᓂᓂᒃ ᐁᐅᐱᔥᑳᓂᒃ ᐃᐃ ᐗᑸᓂ, ᒦ ᓴ ᑯ ᐃ ᑳᐃᔑ ᒫᒑᐙᒡ᙮ 22ᒥᓂᒃ ᓴ ᑳᑮ ᐊᔮᓂᒃ ᐃᐃ ᐗᑶ ᐃᐃᒫ ᑭᒋ ᐊᓇᒥᐁ ᐸᒀᓀᑲᒥᑯᕽ, ᓃᔓᑮᔑᒃ, ᑯᒫ ᑲᔦ ᐯᔑᑯ ᑮᓯᔅ, ᑯᒫ ᑲᔦ ᐯᔑᑯᐱᐴᓐ ᐃᔅᕒᐃᔭᓬᐊᒃ ᓴ ᑳᐐᓐ ᑮᒫᒌ ᑯᓯᓰᐗᒃ, ᑳᑮ ᐃᔑ ᑲᐯᔑᐙᒡ ᓴ ᑮᐊᔮᐗᒃ᙮ ᐊᐲ ᑕᔥ ᐁᐅᐱᔥᑳᓂᒃ ᐃᐃ ᐗᑶ, ᒦ ᓴ ᐃ ᑳᐃᔑ ᒫᒌ ᑯᓯᐙᒡ᙮ 23ᐁᑮᐃᑯᐙᒡ ᐃᑕᔥ ᑳᑎᐯᒋᑫᓂᒡ ᒋᑲᐯᔑᐙᒡ, ᒦ ᓴ ᑯ ᐃ ᑳᐃᔑᒋᑫᐙᒡ᙮ ᐁᑲᓅᓂᑯᐙᒡ ᐃᑕᔥ ᑲᔦ ᒋᒫᒌ ᑯᓯᐙᒡ, ᒦ ᓴ ᑯ ᐃ ᑳᐃᔑᒋᑫᐙᒡ᙮ ᐅᑮ ᓇᐃᑕᐙᐙᓐ ᓴ ᑳᑎᐯᒋᑫᓂᒡ ᑳᑮ ᐃᓈᑯᓂᑫᓂᒡ᙮ ᑮᐃᔑᒋᑫᐗᒃ ᑳᑮ ᐃᔑ ᐊᓅᓈᓂᒡ ᒨᓯᓲᓐ ᒋᐃᓈᑯᓂᑯᐙᒡ᙮
Právě zvoleno:
ᐊᑭᑖᓱᓇᓐ 9: OJBS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Ojibwe Shorter Bible (Syllabic Script) © 2008 Canadian Bible Society