ᓬᐃᐱᑎᑲᔅ 19
19
ᑭᔐᒪᓂᑑ ᑮᐃᓈᑯᓂᑫᒡ ᒋᓵᑭᐐᒌᐎᑎᕽ
11 # Exo 20.15; Deu 5.19; Exo 20.16; Deu 5.20. ᑳᑎᐯᒋᑫᒡ ᑕᔥ ᐃᑭᑐ, ᑫᑯ ᑮᒨᑎᑫᒃ, ᑫᑯ ᑲᔦ ᐗᔦᔑᒥᐌᑫᒃ, ᑫᑯ ᑲᔦ ᑮᐗᓂᒧᑖᑎᑫᒃ᙮ 12#Exo 20.7; Deu 5.11; Mat 5.33. ᑫᑯ ᑲᔦ ᓂᐐᓱᐎᓐ ᐊᐱᒧᑫᒃ ᑮᐊᔓᑕᒫᑫᔦᒃ ᑫᑰᓐ, ᒣᒥᑕᑫ ᑯᑕ ᐅᒋᑕ ᑮᐐ ᐃᔑᒋᑫᓯᐌᒃ ᑳᑮ ᐃᑭᑐᔦᒃ᙮ ᒦ ᐅᔕ ᐃᒫ ᐌᒋ ᒫᓀᒋᑳᑌᒃ ᓂᐐᓱᐎᓐ, ᓃᓐ ᐅᔕ ᑳᑎᐯᒋᑫᒡ ᑭᑭᔐᒪᓂᑑᒥᐙ᙮
13 # Deu 24.14,15. ᑫᑯ ᑲᔦ ᓂᔑ ᑲᒀᑕᑭᐋᑫᓐ ᑮᒋᐱᒫᑎᔅ, ᑫᑯ ᑮᒨᑎᒫᑫᓐ᙮ ᐃᐃᐌᓂ ᓴ ᐅᑲᔥᑭᒋᑫᐎᓐ ᐊᐊ ᑳᐊᓄᑮᑕᐎᒃ ᑫᑯ ᑭᒋᐎᓇᒪᐙᑫᓐ ᐯᔑᑯ ᑎᐱᒃ ᐲᓂᔥ ᒋᓂ ᐙᐸᓂᓂᒃ᙮ 14#Deu 27.18. ᑫᑯ ᑲᔦ ᒪᒋᐃᓈᑫᓐ ᐊᐎᔭ ᑳᐅᓯᑌᓯᒃ, ᑫᑯ ᑲᔦ ᐊᑖᐙᑫᓐ ᑫᑰᓂᓂ ᑫᐱᓱᑫᔑᕽ ᐊᐊ ᑳᐙᐱᓯᒃ᙮ ᒦ ᓴ ᐃ ᐁᔑᓈᑾᒃ ᒋᑯᑖᓀᓂᒪᑎᐸᓐ ᑭᑭᔐᒪᓂᑑᒥᐙ, ᓃᓐ ᐄᑐᒃ ᑳᑎᐯᒋᑫᒡ᙮
15 # Exo 23.6-8; Deu 16.19. ᑾᔭᒃ, ᐌᐌᓂ ᑲᔦ ᐃᓈᑯᓂᑫᒃ ᐊᐲ ᑮᐐ ᐅᓀᑕᒣᒃ ᐋᓃᓐ ᐊᐎᔭ ᑫᐃᓈᑯᓂᓐᒡ ᑮᑎᐹᑯᓂᑎᕽ᙮ ᑫᑯ ᐐᓐ ᓇᐗᒡ ᑰᐹᑌᓂᒫᑫᒃ ᑳᑭᑎᒫᑭᓯᒡ, ᑫᑯ ᑲᔦ ᑯᓵᑫᒀᓂᒃ ᑳᐌᓅᑎᓯᐙᒡ᙮ 16ᑫᑯ ᑲᔦ ᐸᐹ ᑮᐗᓂᒧᑫᓐ ᒥᓯᐌ ᒋᐸᐹ ᑕᔑᒪᒡ ᑳᔑ ᐊᔮᐙᒡ ᑮᒋᐱᒫᑎᓰᒃ᙮ ᐊᐲ ᓴ ᐊᐎᔭ ᑎᐹᑯᓂᑲᓂᐎᒡ ᐅᐱᒫᑎᓯᐎᓐ ᑕᔥ ᓇᓃᓵᓇᑎᓂᓂᒃ, ᐱᓵᓂᑯ ᑮᑭᑐᓐ ᑮᔥᐱᓐ ᑯᑕ ᑫᐃᑭᑐᔭᓐ ᒋᓈᑕᒫᑯᒡ᙮ ᓃᓐ ᓴ ᑳᑎᐯᒋᑫᒡ᙮
17 # Mat 18.15. ᑫᑯ ᑲᔦ ᔒᑫᓂᒫᑫᓐ ᑮᒋᐱᒫᑎᔅ ᐃᐃᒫ ᑭᑌᐃᕽ᙮ ᑲᑴ ᓇᓇᐃᓯᑑᓐ ᓴ ᑳᔑ ᐯᐸᑳᓀᓂᑎᔦᒃ, ᒫᑭᔖ ᑮᓐ ᒋᐅᒋ ᒪᒋᑑᑕᓯᐗᓐ ᐐᓐ ᐅᒋ᙮ 18#Mat 5.43; 19.19; 22.39; Mrk 12.31; Luk 10.27; Rom 13.9; Gal 5.14; Jas 2.8. ᑫᑯ ᒪᐎᓀᐙᑫᓐ ᐊᐎᔭ ᒋᑲᑴ ᓇᓇᐊᓴᒡ, ᑫᑯ ᑲᔦ ᔒᑫᓂᒫᑫᓐ ᑳᐐᒋ ᐅᒌᒪᑣ᙮ ᐁᐲᒋ ᓵᑭᐃᑎᓱᔭᓐ ᒦ ᐃ ᐊᐲᒋ ᓵᑭᐞ ᑮᒋᐱᒫᑎᔅ᙮ ᓃᓐ ᐅᔕ ᑳᑎᐯᒋᑫᒡ!
Právě zvoleno:
ᓬᐃᐱᑎᑲᔅ 19: OJBS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Ojibwe Shorter Bible (Syllabic Script) © 2008 Canadian Bible Society