ᑑᑕᕒᐋᓇᒦ 7
7
ᑳᑎᐯᒋᑫᒡ ᑳᑎᐱᓇᐌᐎᓯᒡ ᐅᐱᒫᑎᓰᒪᐞ
(Exodus 34.11-16)
1 # Act 13.19. ᑳᑎᐯᒋᑫᒡ ᑭᑭᔐᒪᓂᑑᒥᐙ ᓴ ᑭᑲ ᐃᔑᐎᓂᑯᐙ ᐃᐃᒫ ᐊᑮᕽ ᒋᐲᑎᑫᔥᑳᐌᒃ ᒋᑎᐱᓇᐌᐎᓯᔦᒃ᙮ ᓂᑯᒋ ᑕᔥ ᐅᑲ ᐃᓈᒶᐙᐞ ᐃᐃ ᑳᐹᑏᓉᐙᓇᑭᓯᓂᒡ ᐯᒫᑎᓯᓂᒡ ᐊᐲ ᐊᓂ ᐲᑎᑫᔥᑳᔦᒃ᙮ ᓃᔣᓶᐙᓐ 7 ᓴ ᑕᔑᐗᒃ ᐯᒫᑎᓯᐙᒡ ᓇᐗᒡ ᐯᔮᑏᓄᐙᒡ, ᓇᐗᒡ ᑲᔦ ᒣᔥᑲᐌᑖᑯᓯᐙᒡ ᐊᐲᒡ ᑮᓇᐙ, ᐐᓐ ᓴ ᐅᑲ ᒫᒌᔮᒪᐙᐞ᙮ ᒦᐗᐞ ᐃᑕᔥ ᐅᐅ ᑫᓵᑭᑖᒪᐙᒡ, ᐁᑦ Hittites ᑳᑎᓄᐎᓂᒡ ᑲᔦ ᑭᕒᑲᔒ Girgashites, ᐁᒧᕒᐄ Amorites, ᑫᓇᓐ Canaanites, ᐯᕒᐃᓰ Perizzites, ᑭᐲ Hivites, ᑲᔦ ᒌᐸᔅ Jebusites ᑳᑎᓄᐎᓂᒡ᙮ 2ᐊᐲ ᑕᔥ ᑳᑎᐯᒋᑫᒡ ᑭᑭᔐᒪᓂᑑᒥᐙ ᑑᑕᐙᒡ ᒋᔖᑰᒋᐃᒣᒃ, ᒦᔥ ᐁᔑᓈᑾᒃ ᐐᑫ ᐱᑯ ᒋᓂᔑᐗᓈᒋᐃᒣᒃ᙮ ᑳᐐᓐ ᐃᑕᔥ ᑭᑲ ᐃᓈᓯᐙᐙᒃ ᒋᒥᓄ ᐐᒌᐌᒀ, ᑳᐐᓐ ᑲᔦ ᑭᑲ ᑰᐹᑌᓂᒫᓯᐙᐙᒃ᙮ 3ᑳᐐᓐ ᑲᔦ ᑭᑲ ᐐᑎᑫᒫᓯᐙᐙᒃ᙮ ᑳᐐᓐ ᑲᔦ ᑭᑖᓂᓯᐙᒃ ᐅᑲ ᐐᑎᑫᒫᓯᐙᐙᐞ ᐅᑯᓯᓯᓂ, ᑭᑯᓯᓯᐙᒃ ᑲᔦ ᑳᐐᓐ ᐅᑲ ᐐᑎᑫᒫᓯᐙᐙᐞ ᐅᑖᓂᓯᓂ᙮ 4ᑭᑯᓯᓯᐙᒃ ᐅᔕ ᐅᑲ ᑲᔥᑭᐃᑯᐙᐞ ᐃᐃ ᐃᑴᐗᐞ ᒋᐱᒥᓂᔕᐙᓯᒀ ᑳᑎᐯᒋᑫᓂᒡ ᒣᔥᑾᒡ ᐃᑕᔥ ᐅᑲ ᐱᒥᓂᔕᐙᐙᐞ ᐅᒪᓂᑑᒥᓂ᙮ ᒦᑕᔥ ᐃᐃ ᑳᑎᐯᒋᑫᒡ ᐅᓂᔥᑳᑎᓯᐎᓐ ᒋᐅᑎᓯᑯᐌᒃ, ᐋᐱᒋ ᑕᔥ ᑕᑭᑖᑕᐱᓭ ᒋᓂᔑᐗᓈᒋᐃᑯᔦᒃ᙮ 5#Deu 12.3. ᒦᑕᔥ ᑫᑑᑕᐌᒀ; ᑭᑲ ᐲᑯᐱᑖᐙᒻ ᓴ ᑳᔑ ᐸᑭᑎᓈᓱᐙᒡ, ᑭᑲ ᐱᑭᔥᑲᐊᒧᐙᒻ ᑲᔦ ᑳᑭᑌᓂᒫᐙᒡ ᐊᓯᓃᐞ, ᑭᑲ ᑮᔥᑲᐊᒧᐙᒻ ᑲᔦ ᒥᑎᑰᐞ ᐌᒋ ᑭᑭᓇᐙᑌᑖᑯᓯᒡ ᐃᑴᐎ ᒪᓂᑑᑳᓐ ᐋᔕᕒᐊ Asherah ᑳᐃᓂᓐᒡ, ᑭᑲ ᒑᑭᓴᒪᐙᐙᐞ ᑲᔦ ᐅᒪᓂᑑᑳᓂᐙᐞ᙮ 6#Exo 19.5; Deu 4.20; 14.2; 26.18; Tit 2.14; 1Pe 2.9. ᑮᓇᐙ ᐄᑐᒃ ᑳᑎᐯᒋᑫᒡ ᑭᑭᔐᒪᓂᑑᒥᐙ ᑭᑎᐱᓇᐌᐎᓰᒥᑯᐙ; ᑳᑎᐯᒋᑫᒡ ᑭᑭᔐᒪᓂᑑᒥᐙ ᐐᓐ ᑭᑮ ᐅᒋ ᐅᓀᓂᒥᑯᐙ ᐁᔑᐊᔮᓂᒡ ᑲᑭᓇ ᐯᒫᑎᓯᓂᒡ ᐅᐅᒫ ᐊᑮᕽ, ᒣᒥᑕᑫ ᑯ ᒋᑎᓄᐎᐌᒃ ᐅᐱᒫᑎᓰᒪᐞ᙮
7ᑳᐐᓐ ᐃᑕᔥ ᐐᓐ ᑳᑎᐯᒋᑫᒡ ᑭᑑᒋ ᓵᑭᐃᑯᓰᐙ, ᑭᑑᒋ ᐅᓀᓂᒥᑯᓰᐙ ᑲᔦ ᐅᓵᒻ ᒫᐗᒡ ᑮᓇᐙ ᐁᐹᑏᓄᔦᒃ ᐅᐅᒫ ᐊᑮᕽ, ᑮᓇᐙ ᐄᑐᒃ ᒫᐗᒡ ᑭᑕᑳᓰᓄᒻ ᑳᑕᔑᐙᒡ ᐊᐎᔭᒃ ᐯᒫᑎᓯᐙᒡ᙮ 8ᒦ ᓴ ᐃ ᐌᒋ ᑑᑕᐎᓀᒃ ᑳᑎᐯᒋᑫᒡ ᐁᓵᑭᐃᓀᒃ, ᐁᐐ ᐃᔑᒋᑫᒡ ᑳᑮ ᐃᔑ ᐋᔩᒋ ᐊᔓᑕᒪᐙᑯᐸᓀᓐ ᑭᑫᑌᔭᐋᒥᐙᐞ᙮ ᒦ ᓴ ᐃ ᑳᑎᐯᒋᑫᒡ ᑳᑮ ᐅᒋ ᓵᑭᒋᐎᓂᓀᒃ ᐅᒪᔥᑲᐎᓰᐎᓐ ᐁᑮ ᐋᐸᒋᑑᒡ ᐌᑎ ᐄᒋᐸᑮᕽ Egypt ᑳᑮ ᑕᔑ ᑲᒀᑕᑭ ᒥᑕᓄᑮᐃᑰᔦᑭᐸᓐ᙮ ᐯᕒᐆ Pharaoh ᑳᑮ ᑭᒋᐅᑭᒫᐎᒡ ᑳᑮ ᑲᒀᑕᑭᐃᓀᒃ᙮ 9#Exo 20.5,6; 34.6,7; Num 14.18; Deu 5.9,10. ᑭᑫᑕᒧᒃ ᐃᑕᔥ ᑳᑎᐯᒋᑫᒡ ᑭᑭᔐᒪᓂᑑᒥᐙ ᒦ ᐁᑕ ᐊᐊᐌ ᑭᔐᒪᓂᑑ, ᐁᑌᐺᔦᑖᑯᓯᒡ᙮ ᐁᑲᓇᐌᑕᕽ ᑲᔦ ᑳᑮ ᐃᔑ ᐊᔓᑕᕽ ᐁᐐ ᐃᔑ ᓵᑭᐋᒡ ᐃᐃ ᒥᑖᔂᒃ 1,000 ᑳᐊᔮᓂᑫ ᓂᑖᐎᑭᐃᑎᓂᒡ ᑳᓵᑭᐃᑯᒡ, ᑫᓇᐌᑕᒥᓂᒡ ᑲᔦ ᐁᓈᑯᓂᑫᒡ᙮ 10ᐃᐃ ᑕᔥ ᐐᓐ ᑳᔒᑫᓂᒥᑯᒡ ᑳᐐᓐ ᑕᑆᑕᐐᓰ ᐱᓂᔅᑴ ᐱᑯ ᒋᓇᓇᐊᓵᒡ, ᒋᓂᔑᐗᓈᒋᐋᒡ ᑲᔦ ᐃᐃ ᑳᔒᑫᓂᒥᑯᒡ᙮ 11ᑕᑲ ᓴ ᑕᔥ ᐌᐌᓂ ᐃᔑᒋᑫᒃ ᒋᐱᒥᓂᔕᐊᒧᐌᒃ ᐅᑎᓈᑯᓂᑫᐎᓇᓐ, ᐅᑎᑭᑐᐎᓇᓐ ᑲᔦ, ᐅᑑᓇᔓᐌᐎᓇᓐ ᑲᔦ ᓅᑯᒻ ᑳᑮᔑᑲᒃ ᑳᐐᑕᒪᐎᓇᑰᒃ᙮
ᐁᔑᔕᐌᑖᑯᓯᐙᒡ ᑳᓇᐃᑕᒧᐙᒡ
(Deuteronomy 28.1-14)
12 # Deu 11.13-17. ᑮᔥᐱᓐ ᐃᑕᔥ ᓇᐃᑕᒧᐌᒃ ᐅᓄ ᐃᓈᑯᓂᑫᐎᓇᓐ, ᐌᐌᓂ ᑲᔦ ᐃᔑᒋᑫᐌᒃ ᒋᐱᒥᓂᔕᐊᒧᐌᒃ, ᒦᑕᔥ ᑳᑎᐯᒋᑫᒡ ᑭᑭᔐᒪᓂᑑᒥᐙ ᒋᑲᓇᐌᑕᕽ ᑳᑮ ᐊᔓᑕᕽ ᐁᐐ ᐃᔑ ᓵᑭᐃᐌᒡ, ᑳᑮ ᐋᔩᒋ ᐊᔓᑕᒪᐙᑯᐸᓀᓐ ᑭᑫᑌᔭᐋᒥᐙᐸᓃᐞ᙮ 13ᒦᔥ ᒋᓵᑭᐃᓀᒃ, ᒋᔕᐌᓂᒥᓀᒃ ᑲᔦ, ᑭᑲ ᐃᔑᐃᑯᐙ ᑲᔦ ᒋᐊᓂ ᐹᑏᓄᔦᒃ᙮ ᐅᑲ ᐃᔑ ᔕᐌᓂᒫᐞ ᑲᔦ ᐃᑴᐗᐞ ᒋᐅᓃᒑᓂᓯᓂᒡ᙮ ᐅᑲ ᐃᔑᑑᓐ ᑲᔦ ᑭᑕᑮᒥᐙ ᒋᓂᑖᐎᑭᒋᑫᒪᑲᓂᓂᒃ᙮ ᑕᐃᔑᒋᑫ ᑲᔦ ᒋᐊᓂ ᐹᑏᓄᓂᒡ ᐸᑴᔑᑲᓇᓐ, ᐅᔥᑭ ᔔᒥᓈᐴᓂ ᑲᔦ, ᐱᒥᑌᓂ ᑲᔦ᙮ ᑕᐃᔑᒋᑫ ᑲᔦ ᒋᓂ ᐹᑏᓄᓂᒡ ᑭᐱᔑᑮᒥᐙᐞ, ᑭᒫᓇᒑᓂᔑᒥᐙᐞ ᑲᔦ ᐃᐃᒫ ᐊᑮᕽ ᑳᑮ ᐃᔑ ᐋᔩᒋ ᐊᔓᑕᒪᐙᑯᐸᓀᓐ ᑭᑫᑌᔭᐋᒥᐙᐸᓃᐞ ᐁᐐ ᒦᓂᓀᒃ᙮ 14ᑮᓇᐙ ᓴ ᒫᐗᒡ ᑭᔕᐌᑖᑯᓯᒻ ᑳᑕᔑᐙᒡ ᑯᑕᒃ ᐊᐎᔭᒃ ᐯᒫᑎᓯᐙᒡ; ᑳᐐᓐ ᓴ ᐃᓂᓂ, ᑯᒫ ᑲᔦ ᐃᑴ ᐅᑲ ᑆᓇᐎᑑᓰᓐ ᒋᐅᓃᒑᓂᓯᒡ ᐁᔑᐊᔮᔦᒃ᙮ ᒦᔥ ᐯᔑᑾᓐ ᑭᑕᐗᑳᓂᐙᒃ ᑫᐃᔑᓭᐙᒡ᙮ 15ᑳᑎᐯᒋᑫᒡ ᐃᑕᔥ ᑭᑲ ᐅᑖᐱᓇᒫᑯᐙ ᑲᑭᓇ ᐋᑯᓯᐎᓇᓐ; ᑳᐐᓐ ᓴ ᑭᑲ ᐃᓈᐱᓀᐃᑯᓰᐙ ᐃᓂ ᐋᑯᓯᐎᓇᓐ ᑫᒀᓂᓴᑫᑖᑾᓂᓂᑭᓐ ᐄᒋᐸᑮᕽ Egypt ᑳᑮ ᐊᔮᓂᑭᓐ᙮ ᐃᐃ ᓴ ᑳᔒᑫᓂᒥᒥᓀᒃ ᐃᐃ ᐅᑲ ᐊᔨᓈᐱᓀᐋᐞ᙮ 16ᑭᑲ ᒑᑭᐋᐙᒃ ᐃᑕᔥ ᑲᑭᓇ ᐯᒫᑎᓯᐙᒡ ᑳᑎᐯᒋᑫᒡ ᑭᑭᔐᒪᓂᑑᒥᐙ ᑫᒦᓂᓀᒃ ᒋᒑᑭᐃᒣᒃ, ᑳᐐᓐ ᓴ ᑭᑲ ᑰᐹᓯᓇᐙᓯᐙᐙᒃ, ᑳᐐᓐ ᑭᑲ ᐊᓇᒥᐁᑕᐙᓯᐙᐙᐞ ᐅᒪᓂᑑᒥᐙᐞ, ᐋᓃᔥ ᒦ ᐃᒫ ᑫᐅᒋ ᑳᒋᒋᐃᑰᔦᒃ᙮
17ᒫᑭᔖ ᓴ ᐅᐌ ᑭᑲ ᐃᑭᑐᒻ, ᓇᐗᒡ ᓴ ᐐᓇᐙ ᐃᑭ ᐯᒫᑎᓯᐙᒡ ᐹᑏᓄᐗᒃ ᐊᐲᒡ ᓃᓇᐎᓐᑦ! ᐋᑎ ᑫᑮ ᐅᒋ ᒫᒌᔮᒧᑮᔮᕽ? 18ᑳᐐᓐ ᓴ ᑭᑲ ᑯᓵᓯᐙᐙᒃ; ᒦᔥ ᐌᐌᓂ ᑫᔑ ᒫᒥᑲᐎᔦᒃ ᐋᓃᓐ ᑳᑎᐯᒋᑫᒡ ᑭᑭᔐᒪᓂᑑᒥᐙ ᑳᑑᑕᐙᒡ ᐯᕒᐆᓐ Pharaoh, ᐃᐃ ᑲᔦ ᑲᑭᓇ ᐅᐱᒫᑎᓰᒥᓂ᙮ 19ᑭᔥᑮᔑᑯᐙᕽ ᐄᑐᒃ ᑭᑮ ᐅᒋ ᐙᐸᑕᒧᐙᒻ ᐄᒋᑉ ᑳᑎᓄᐎᓂᒡ ᑮᑲᑴᒋᐋᒡ, ᑭᑭᓇᐙᒋᒋᑲᓇᓐ, ᒫᒪᑳᒋᒋᑫᐎᓇᓐ ᑲᔦ ᑳᒫᒪᑳᓯᓈᑾᓂᓂᑭᓐ ᑳᑮ ᑑᑕᕽ, ᑮᐋᐸᒋᑑᒡ ᐅᒪᔥᑲᐎᓰᐎᓐ ᔑᑾ ᐅᓲᑫᑖᑯᓯᐎᓐ᙮ ᒦᑕᔥ ᐃᐃ ᐃᓇᑫ ᑳᑎᐯᒋᑫᒡ ᑭᑭᔐᒪᓂᑑᒥᐙ ᑳᑮ ᐃᔑ ᓵᑭᒋᐎᓂᓀᒃ᙮ ᒦᑕᔥ ᐯᔑᑾᓐ ᑫᑑᑕᐙᒡ ᐃᐃ ᑲᑭᓇ ᐯᒫᑎᓯᓂᒡ ᑳᑯᓯᒣᒃ᙮ 20ᐋᒋᑯ ᑕᔥ ᑲᔦ ᑳᑎᐯᒋᑫᒡ ᑭᑭᔐᒪᓂᑑᒥᐙ ᐅᑲᓈᒧᐞ ᐅᑲ ᐃᔑᓂᔕᐊᒪᐙᐞ ᑳᑮ ᑳᓲᑕᐎᒥᓀᒃ ᐲᓂᔥ ᒋᒑᑭᐃᒥᓐᒡ᙮ 21ᑳᐐᓐ ᓴ ᑭᑲ ᑯᓵᓯᐙᐙᒃ, ᐋᓃᔥ ᑳᑎᐯᒋᑫᒡ ᑭᑭᔐᒪᓂᑑᒥᐙ ᐊᔮ ᒣᑴᔭᐄ ᐁᔑᐊᔮᐌᒃ᙮ ᐐᑫ ᐅᔕ ᑭᒋ ᐃᓀᑖᑯᓯ, ᐐᑫ ᑲᔦ ᑯᑖᓀᑖᑯᓯ᙮ 22ᒦᔥ ᑳᑎᐯᒋᑫᒡ ᑭᑭᔐᒪᓂᑑᒥᐙ ᐃᑯᒋ ᒋᐃᓈᒶᐙᒡ ᐃᐃ ᑯᑕᒃ ᐯᒫᑎᓯᓂᒡ ᑫᓂ ᐃᔖᔦᒃ, ᐯᐸᑮ ᑯᑌᑕ ᐋᔮᑲᐤ᙮ ᑳᐐᓐ ᓴ ᑭᑲ ᑲᔥᑭᑑᓰᒻ ᔐᒫᒃ ᑲᑭᓇ ᒋᒑᑭᐁᒀ, ᐅᓵᒻ ᐋᓃᔥ ᐱᑾᒋ ᐊᔭᐋᐎᔕᒃ ᑕᓅᑌ ᐅᓵᒦᓄᐗᒃ ᐙᑳᔭᐄ ᑫᐃᔑᐊᔮᔦᑭᐸᓐ᙮ 23ᑳᑎᐯᒋᑫᒡ ᑭᑭᔐᒪᓂᑑᒥᐙ ᓴ ᐅᑲ ᐲᓈᐞ ᑳᔒᑫᓂᒥᒥᓀᒃ ᒋᔖᑰᒋᐃᒣᒃ, ᒦᔥ ᑫᐃᔑ ᐃᔑᐋᒡ ᒋᐗᐙᓀᑕᒥᓂᒡ ᐲᓂᔥ ᐐᑫ ᒋᒑᑭᐃᒣᒃ᙮ 24ᑭᑲ ᒦᓂᑯᐙ ᑲᔦ ᑭᒋ ᐅᑭᒫᐞ ᒋᔖᑰᒋᐃᒣᒃ, ᒦᔥ ᒋᑭᓰᐊᒧᐌᒃ ᐅᐐᓱᐎᓂᓂ ᐅᐅᒫ ᔒᐹᑮᔑᒃ, ᑳᐐᓐ ᓴ ᐊᐎᔭ ᐅᑲ ᑲᔥᑭᑑᓰᓐ ᒋᑭᐱᑎᓂᓀᒃ, ᐲᓂᔥ ᒋᐊᓂ ᒑᑭᐁᒀ᙮ 25ᑭᑲ ᐊᒀᑭᓱᒫᒻ ᐃᑕᔥ ᑲᔦ ᐅᑑᔑᒋᑲᓂᐙᐞ ᒪᓂᑑᑳᓇᐞ᙮ ᑫᑯ ᑕᔥ ᒥᓴᐌᓂᒫᑫᒃ ᐊᐊ ᐅᓵᐎ ᔔᓂᔮ ᐙᐱᒃ, ᐊᐊ ᑲᔦ ᐙᐹᐱᑯ ᔔᓂᔮ ᐙᐱᒃ ᑳᐊᔮᒡ ᐃᐃᒫ ᒪᓂᑑᑳᓂᕽ, ᑫᑯ ᑲᔦ ᐅᑖᐱᓈᑫᒃ, ᑫᐅᒋ ᑳᒋᒋᐃᑰᓯᐌᒃ᙮ ᒦ ᐄᑐᒃ ᐃᐃ ᑳᑎᐯᒋᑫᒡ ᑭᑭᔐᒪᓂᑑᒥᐙ ᑳᑲᒀᓂᓴᑫᑕᕽ᙮ 26ᑳᐐᓐ ᐃᑕᔥ ᑭᑲ ᐲᑎᑲᑑᓰᒻ ᑫᑰᓐ ᑭᑖᐎᓂᐙᕽ ᑫᒀᓂᓴᑫᑖᑾᒃ, ᒫᑭᔖ ᓴ ᐯᔑᑾᓐ ᑭᑲ ᐃᔑ ᒪᒐᑭᒥᑰᒻ ᑳᔑ ᒪᒐᑭᑌᑭᓐ᙮ ᐐᑫ ᓴ ᑯ ᔒᑫᑕᒧᒃ, ᑲᒀᓂᓴᑫᑕᒧᒃ ᑲᔦ, ᐋᓃᔥ ᐸᑳᓐ ᐃᓇᑭᒋᑳᑌᐗᓐ ᐁᐐ ᓂᔑᐗᓈᒋᒋᑳᑌᑭᓐ᙮
Právě zvoleno:
ᑑᑕᕒᐋᓇᒦ 7: OJBS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Ojibwe Shorter Bible (Syllabic Script) © 2008 Canadian Bible Society
ᑑᑕᕒᐋᓇᒦ 7
7
ᑳᑎᐯᒋᑫᒡ ᑳᑎᐱᓇᐌᐎᓯᒡ ᐅᐱᒫᑎᓰᒪᐞ
(Exodus 34.11-16)
1 # Act 13.19. ᑳᑎᐯᒋᑫᒡ ᑭᑭᔐᒪᓂᑑᒥᐙ ᓴ ᑭᑲ ᐃᔑᐎᓂᑯᐙ ᐃᐃᒫ ᐊᑮᕽ ᒋᐲᑎᑫᔥᑳᐌᒃ ᒋᑎᐱᓇᐌᐎᓯᔦᒃ᙮ ᓂᑯᒋ ᑕᔥ ᐅᑲ ᐃᓈᒶᐙᐞ ᐃᐃ ᑳᐹᑏᓉᐙᓇᑭᓯᓂᒡ ᐯᒫᑎᓯᓂᒡ ᐊᐲ ᐊᓂ ᐲᑎᑫᔥᑳᔦᒃ᙮ ᓃᔣᓶᐙᓐ 7 ᓴ ᑕᔑᐗᒃ ᐯᒫᑎᓯᐙᒡ ᓇᐗᒡ ᐯᔮᑏᓄᐙᒡ, ᓇᐗᒡ ᑲᔦ ᒣᔥᑲᐌᑖᑯᓯᐙᒡ ᐊᐲᒡ ᑮᓇᐙ, ᐐᓐ ᓴ ᐅᑲ ᒫᒌᔮᒪᐙᐞ᙮ ᒦᐗᐞ ᐃᑕᔥ ᐅᐅ ᑫᓵᑭᑖᒪᐙᒡ, ᐁᑦ Hittites ᑳᑎᓄᐎᓂᒡ ᑲᔦ ᑭᕒᑲᔒ Girgashites, ᐁᒧᕒᐄ Amorites, ᑫᓇᓐ Canaanites, ᐯᕒᐃᓰ Perizzites, ᑭᐲ Hivites, ᑲᔦ ᒌᐸᔅ Jebusites ᑳᑎᓄᐎᓂᒡ᙮ 2ᐊᐲ ᑕᔥ ᑳᑎᐯᒋᑫᒡ ᑭᑭᔐᒪᓂᑑᒥᐙ ᑑᑕᐙᒡ ᒋᔖᑰᒋᐃᒣᒃ, ᒦᔥ ᐁᔑᓈᑾᒃ ᐐᑫ ᐱᑯ ᒋᓂᔑᐗᓈᒋᐃᒣᒃ᙮ ᑳᐐᓐ ᐃᑕᔥ ᑭᑲ ᐃᓈᓯᐙᐙᒃ ᒋᒥᓄ ᐐᒌᐌᒀ, ᑳᐐᓐ ᑲᔦ ᑭᑲ ᑰᐹᑌᓂᒫᓯᐙᐙᒃ᙮ 3ᑳᐐᓐ ᑲᔦ ᑭᑲ ᐐᑎᑫᒫᓯᐙᐙᒃ᙮ ᑳᐐᓐ ᑲᔦ ᑭᑖᓂᓯᐙᒃ ᐅᑲ ᐐᑎᑫᒫᓯᐙᐙᐞ ᐅᑯᓯᓯᓂ, ᑭᑯᓯᓯᐙᒃ ᑲᔦ ᑳᐐᓐ ᐅᑲ ᐐᑎᑫᒫᓯᐙᐙᐞ ᐅᑖᓂᓯᓂ᙮ 4ᑭᑯᓯᓯᐙᒃ ᐅᔕ ᐅᑲ ᑲᔥᑭᐃᑯᐙᐞ ᐃᐃ ᐃᑴᐗᐞ ᒋᐱᒥᓂᔕᐙᓯᒀ ᑳᑎᐯᒋᑫᓂᒡ ᒣᔥᑾᒡ ᐃᑕᔥ ᐅᑲ ᐱᒥᓂᔕᐙᐙᐞ ᐅᒪᓂᑑᒥᓂ᙮ ᒦᑕᔥ ᐃᐃ ᑳᑎᐯᒋᑫᒡ ᐅᓂᔥᑳᑎᓯᐎᓐ ᒋᐅᑎᓯᑯᐌᒃ, ᐋᐱᒋ ᑕᔥ ᑕᑭᑖᑕᐱᓭ ᒋᓂᔑᐗᓈᒋᐃᑯᔦᒃ᙮ 5#Deu 12.3. ᒦᑕᔥ ᑫᑑᑕᐌᒀ; ᑭᑲ ᐲᑯᐱᑖᐙᒻ ᓴ ᑳᔑ ᐸᑭᑎᓈᓱᐙᒡ, ᑭᑲ ᐱᑭᔥᑲᐊᒧᐙᒻ ᑲᔦ ᑳᑭᑌᓂᒫᐙᒡ ᐊᓯᓃᐞ, ᑭᑲ ᑮᔥᑲᐊᒧᐙᒻ ᑲᔦ ᒥᑎᑰᐞ ᐌᒋ ᑭᑭᓇᐙᑌᑖᑯᓯᒡ ᐃᑴᐎ ᒪᓂᑑᑳᓐ ᐋᔕᕒᐊ Asherah ᑳᐃᓂᓐᒡ, ᑭᑲ ᒑᑭᓴᒪᐙᐙᐞ ᑲᔦ ᐅᒪᓂᑑᑳᓂᐙᐞ᙮ 6#Exo 19.5; Deu 4.20; 14.2; 26.18; Tit 2.14; 1Pe 2.9. ᑮᓇᐙ ᐄᑐᒃ ᑳᑎᐯᒋᑫᒡ ᑭᑭᔐᒪᓂᑑᒥᐙ ᑭᑎᐱᓇᐌᐎᓰᒥᑯᐙ; ᑳᑎᐯᒋᑫᒡ ᑭᑭᔐᒪᓂᑑᒥᐙ ᐐᓐ ᑭᑮ ᐅᒋ ᐅᓀᓂᒥᑯᐙ ᐁᔑᐊᔮᓂᒡ ᑲᑭᓇ ᐯᒫᑎᓯᓂᒡ ᐅᐅᒫ ᐊᑮᕽ, ᒣᒥᑕᑫ ᑯ ᒋᑎᓄᐎᐌᒃ ᐅᐱᒫᑎᓰᒪᐞ᙮
7ᑳᐐᓐ ᐃᑕᔥ ᐐᓐ ᑳᑎᐯᒋᑫᒡ ᑭᑑᒋ ᓵᑭᐃᑯᓰᐙ, ᑭᑑᒋ ᐅᓀᓂᒥᑯᓰᐙ ᑲᔦ ᐅᓵᒻ ᒫᐗᒡ ᑮᓇᐙ ᐁᐹᑏᓄᔦᒃ ᐅᐅᒫ ᐊᑮᕽ, ᑮᓇᐙ ᐄᑐᒃ ᒫᐗᒡ ᑭᑕᑳᓰᓄᒻ ᑳᑕᔑᐙᒡ ᐊᐎᔭᒃ ᐯᒫᑎᓯᐙᒡ᙮ 8ᒦ ᓴ ᐃ ᐌᒋ ᑑᑕᐎᓀᒃ ᑳᑎᐯᒋᑫᒡ ᐁᓵᑭᐃᓀᒃ, ᐁᐐ ᐃᔑᒋᑫᒡ ᑳᑮ ᐃᔑ ᐋᔩᒋ ᐊᔓᑕᒪᐙᑯᐸᓀᓐ ᑭᑫᑌᔭᐋᒥᐙᐞ᙮ ᒦ ᓴ ᐃ ᑳᑎᐯᒋᑫᒡ ᑳᑮ ᐅᒋ ᓵᑭᒋᐎᓂᓀᒃ ᐅᒪᔥᑲᐎᓰᐎᓐ ᐁᑮ ᐋᐸᒋᑑᒡ ᐌᑎ ᐄᒋᐸᑮᕽ Egypt ᑳᑮ ᑕᔑ ᑲᒀᑕᑭ ᒥᑕᓄᑮᐃᑰᔦᑭᐸᓐ᙮ ᐯᕒᐆ Pharaoh ᑳᑮ ᑭᒋᐅᑭᒫᐎᒡ ᑳᑮ ᑲᒀᑕᑭᐃᓀᒃ᙮ 9#Exo 20.5,6; 34.6,7; Num 14.18; Deu 5.9,10. ᑭᑫᑕᒧᒃ ᐃᑕᔥ ᑳᑎᐯᒋᑫᒡ ᑭᑭᔐᒪᓂᑑᒥᐙ ᒦ ᐁᑕ ᐊᐊᐌ ᑭᔐᒪᓂᑑ, ᐁᑌᐺᔦᑖᑯᓯᒡ᙮ ᐁᑲᓇᐌᑕᕽ ᑲᔦ ᑳᑮ ᐃᔑ ᐊᔓᑕᕽ ᐁᐐ ᐃᔑ ᓵᑭᐋᒡ ᐃᐃ ᒥᑖᔂᒃ 1,000 ᑳᐊᔮᓂᑫ ᓂᑖᐎᑭᐃᑎᓂᒡ ᑳᓵᑭᐃᑯᒡ, ᑫᓇᐌᑕᒥᓂᒡ ᑲᔦ ᐁᓈᑯᓂᑫᒡ᙮ 10ᐃᐃ ᑕᔥ ᐐᓐ ᑳᔒᑫᓂᒥᑯᒡ ᑳᐐᓐ ᑕᑆᑕᐐᓰ ᐱᓂᔅᑴ ᐱᑯ ᒋᓇᓇᐊᓵᒡ, ᒋᓂᔑᐗᓈᒋᐋᒡ ᑲᔦ ᐃᐃ ᑳᔒᑫᓂᒥᑯᒡ᙮ 11ᑕᑲ ᓴ ᑕᔥ ᐌᐌᓂ ᐃᔑᒋᑫᒃ ᒋᐱᒥᓂᔕᐊᒧᐌᒃ ᐅᑎᓈᑯᓂᑫᐎᓇᓐ, ᐅᑎᑭᑐᐎᓇᓐ ᑲᔦ, ᐅᑑᓇᔓᐌᐎᓇᓐ ᑲᔦ ᓅᑯᒻ ᑳᑮᔑᑲᒃ ᑳᐐᑕᒪᐎᓇᑰᒃ᙮
ᐁᔑᔕᐌᑖᑯᓯᐙᒡ ᑳᓇᐃᑕᒧᐙᒡ
(Deuteronomy 28.1-14)
12 # Deu 11.13-17. ᑮᔥᐱᓐ ᐃᑕᔥ ᓇᐃᑕᒧᐌᒃ ᐅᓄ ᐃᓈᑯᓂᑫᐎᓇᓐ, ᐌᐌᓂ ᑲᔦ ᐃᔑᒋᑫᐌᒃ ᒋᐱᒥᓂᔕᐊᒧᐌᒃ, ᒦᑕᔥ ᑳᑎᐯᒋᑫᒡ ᑭᑭᔐᒪᓂᑑᒥᐙ ᒋᑲᓇᐌᑕᕽ ᑳᑮ ᐊᔓᑕᕽ ᐁᐐ ᐃᔑ ᓵᑭᐃᐌᒡ, ᑳᑮ ᐋᔩᒋ ᐊᔓᑕᒪᐙᑯᐸᓀᓐ ᑭᑫᑌᔭᐋᒥᐙᐸᓃᐞ᙮ 13ᒦᔥ ᒋᓵᑭᐃᓀᒃ, ᒋᔕᐌᓂᒥᓀᒃ ᑲᔦ, ᑭᑲ ᐃᔑᐃᑯᐙ ᑲᔦ ᒋᐊᓂ ᐹᑏᓄᔦᒃ᙮ ᐅᑲ ᐃᔑ ᔕᐌᓂᒫᐞ ᑲᔦ ᐃᑴᐗᐞ ᒋᐅᓃᒑᓂᓯᓂᒡ᙮ ᐅᑲ ᐃᔑᑑᓐ ᑲᔦ ᑭᑕᑮᒥᐙ ᒋᓂᑖᐎᑭᒋᑫᒪᑲᓂᓂᒃ᙮ ᑕᐃᔑᒋᑫ ᑲᔦ ᒋᐊᓂ ᐹᑏᓄᓂᒡ ᐸᑴᔑᑲᓇᓐ, ᐅᔥᑭ ᔔᒥᓈᐴᓂ ᑲᔦ, ᐱᒥᑌᓂ ᑲᔦ᙮ ᑕᐃᔑᒋᑫ ᑲᔦ ᒋᓂ ᐹᑏᓄᓂᒡ ᑭᐱᔑᑮᒥᐙᐞ, ᑭᒫᓇᒑᓂᔑᒥᐙᐞ ᑲᔦ ᐃᐃᒫ ᐊᑮᕽ ᑳᑮ ᐃᔑ ᐋᔩᒋ ᐊᔓᑕᒪᐙᑯᐸᓀᓐ ᑭᑫᑌᔭᐋᒥᐙᐸᓃᐞ ᐁᐐ ᒦᓂᓀᒃ᙮ 14ᑮᓇᐙ ᓴ ᒫᐗᒡ ᑭᔕᐌᑖᑯᓯᒻ ᑳᑕᔑᐙᒡ ᑯᑕᒃ ᐊᐎᔭᒃ ᐯᒫᑎᓯᐙᒡ; ᑳᐐᓐ ᓴ ᐃᓂᓂ, ᑯᒫ ᑲᔦ ᐃᑴ ᐅᑲ ᑆᓇᐎᑑᓰᓐ ᒋᐅᓃᒑᓂᓯᒡ ᐁᔑᐊᔮᔦᒃ᙮ ᒦᔥ ᐯᔑᑾᓐ ᑭᑕᐗᑳᓂᐙᒃ ᑫᐃᔑᓭᐙᒡ᙮ 15ᑳᑎᐯᒋᑫᒡ ᐃᑕᔥ ᑭᑲ ᐅᑖᐱᓇᒫᑯᐙ ᑲᑭᓇ ᐋᑯᓯᐎᓇᓐ; ᑳᐐᓐ ᓴ ᑭᑲ ᐃᓈᐱᓀᐃᑯᓰᐙ ᐃᓂ ᐋᑯᓯᐎᓇᓐ ᑫᒀᓂᓴᑫᑖᑾᓂᓂᑭᓐ ᐄᒋᐸᑮᕽ Egypt ᑳᑮ ᐊᔮᓂᑭᓐ᙮ ᐃᐃ ᓴ ᑳᔒᑫᓂᒥᒥᓀᒃ ᐃᐃ ᐅᑲ ᐊᔨᓈᐱᓀᐋᐞ᙮ 16ᑭᑲ ᒑᑭᐋᐙᒃ ᐃᑕᔥ ᑲᑭᓇ ᐯᒫᑎᓯᐙᒡ ᑳᑎᐯᒋᑫᒡ ᑭᑭᔐᒪᓂᑑᒥᐙ ᑫᒦᓂᓀᒃ ᒋᒑᑭᐃᒣᒃ, ᑳᐐᓐ ᓴ ᑭᑲ ᑰᐹᓯᓇᐙᓯᐙᐙᒃ, ᑳᐐᓐ ᑭᑲ ᐊᓇᒥᐁᑕᐙᓯᐙᐙᐞ ᐅᒪᓂᑑᒥᐙᐞ, ᐋᓃᔥ ᒦ ᐃᒫ ᑫᐅᒋ ᑳᒋᒋᐃᑰᔦᒃ᙮
17ᒫᑭᔖ ᓴ ᐅᐌ ᑭᑲ ᐃᑭᑐᒻ, ᓇᐗᒡ ᓴ ᐐᓇᐙ ᐃᑭ ᐯᒫᑎᓯᐙᒡ ᐹᑏᓄᐗᒃ ᐊᐲᒡ ᓃᓇᐎᓐᑦ! ᐋᑎ ᑫᑮ ᐅᒋ ᒫᒌᔮᒧᑮᔮᕽ? 18ᑳᐐᓐ ᓴ ᑭᑲ ᑯᓵᓯᐙᐙᒃ; ᒦᔥ ᐌᐌᓂ ᑫᔑ ᒫᒥᑲᐎᔦᒃ ᐋᓃᓐ ᑳᑎᐯᒋᑫᒡ ᑭᑭᔐᒪᓂᑑᒥᐙ ᑳᑑᑕᐙᒡ ᐯᕒᐆᓐ Pharaoh, ᐃᐃ ᑲᔦ ᑲᑭᓇ ᐅᐱᒫᑎᓰᒥᓂ᙮ 19ᑭᔥᑮᔑᑯᐙᕽ ᐄᑐᒃ ᑭᑮ ᐅᒋ ᐙᐸᑕᒧᐙᒻ ᐄᒋᑉ ᑳᑎᓄᐎᓂᒡ ᑮᑲᑴᒋᐋᒡ, ᑭᑭᓇᐙᒋᒋᑲᓇᓐ, ᒫᒪᑳᒋᒋᑫᐎᓇᓐ ᑲᔦ ᑳᒫᒪᑳᓯᓈᑾᓂᓂᑭᓐ ᑳᑮ ᑑᑕᕽ, ᑮᐋᐸᒋᑑᒡ ᐅᒪᔥᑲᐎᓰᐎᓐ ᔑᑾ ᐅᓲᑫᑖᑯᓯᐎᓐ᙮ ᒦᑕᔥ ᐃᐃ ᐃᓇᑫ ᑳᑎᐯᒋᑫᒡ ᑭᑭᔐᒪᓂᑑᒥᐙ ᑳᑮ ᐃᔑ ᓵᑭᒋᐎᓂᓀᒃ᙮ ᒦᑕᔥ ᐯᔑᑾᓐ ᑫᑑᑕᐙᒡ ᐃᐃ ᑲᑭᓇ ᐯᒫᑎᓯᓂᒡ ᑳᑯᓯᒣᒃ᙮ 20ᐋᒋᑯ ᑕᔥ ᑲᔦ ᑳᑎᐯᒋᑫᒡ ᑭᑭᔐᒪᓂᑑᒥᐙ ᐅᑲᓈᒧᐞ ᐅᑲ ᐃᔑᓂᔕᐊᒪᐙᐞ ᑳᑮ ᑳᓲᑕᐎᒥᓀᒃ ᐲᓂᔥ ᒋᒑᑭᐃᒥᓐᒡ᙮ 21ᑳᐐᓐ ᓴ ᑭᑲ ᑯᓵᓯᐙᐙᒃ, ᐋᓃᔥ ᑳᑎᐯᒋᑫᒡ ᑭᑭᔐᒪᓂᑑᒥᐙ ᐊᔮ ᒣᑴᔭᐄ ᐁᔑᐊᔮᐌᒃ᙮ ᐐᑫ ᐅᔕ ᑭᒋ ᐃᓀᑖᑯᓯ, ᐐᑫ ᑲᔦ ᑯᑖᓀᑖᑯᓯ᙮ 22ᒦᔥ ᑳᑎᐯᒋᑫᒡ ᑭᑭᔐᒪᓂᑑᒥᐙ ᐃᑯᒋ ᒋᐃᓈᒶᐙᒡ ᐃᐃ ᑯᑕᒃ ᐯᒫᑎᓯᓂᒡ ᑫᓂ ᐃᔖᔦᒃ, ᐯᐸᑮ ᑯᑌᑕ ᐋᔮᑲᐤ᙮ ᑳᐐᓐ ᓴ ᑭᑲ ᑲᔥᑭᑑᓰᒻ ᔐᒫᒃ ᑲᑭᓇ ᒋᒑᑭᐁᒀ, ᐅᓵᒻ ᐋᓃᔥ ᐱᑾᒋ ᐊᔭᐋᐎᔕᒃ ᑕᓅᑌ ᐅᓵᒦᓄᐗᒃ ᐙᑳᔭᐄ ᑫᐃᔑᐊᔮᔦᑭᐸᓐ᙮ 23ᑳᑎᐯᒋᑫᒡ ᑭᑭᔐᒪᓂᑑᒥᐙ ᓴ ᐅᑲ ᐲᓈᐞ ᑳᔒᑫᓂᒥᒥᓀᒃ ᒋᔖᑰᒋᐃᒣᒃ, ᒦᔥ ᑫᐃᔑ ᐃᔑᐋᒡ ᒋᐗᐙᓀᑕᒥᓂᒡ ᐲᓂᔥ ᐐᑫ ᒋᒑᑭᐃᒣᒃ᙮ 24ᑭᑲ ᒦᓂᑯᐙ ᑲᔦ ᑭᒋ ᐅᑭᒫᐞ ᒋᔖᑰᒋᐃᒣᒃ, ᒦᔥ ᒋᑭᓰᐊᒧᐌᒃ ᐅᐐᓱᐎᓂᓂ ᐅᐅᒫ ᔒᐹᑮᔑᒃ, ᑳᐐᓐ ᓴ ᐊᐎᔭ ᐅᑲ ᑲᔥᑭᑑᓰᓐ ᒋᑭᐱᑎᓂᓀᒃ, ᐲᓂᔥ ᒋᐊᓂ ᒑᑭᐁᒀ᙮ 25ᑭᑲ ᐊᒀᑭᓱᒫᒻ ᐃᑕᔥ ᑲᔦ ᐅᑑᔑᒋᑲᓂᐙᐞ ᒪᓂᑑᑳᓇᐞ᙮ ᑫᑯ ᑕᔥ ᒥᓴᐌᓂᒫᑫᒃ ᐊᐊ ᐅᓵᐎ ᔔᓂᔮ ᐙᐱᒃ, ᐊᐊ ᑲᔦ ᐙᐹᐱᑯ ᔔᓂᔮ ᐙᐱᒃ ᑳᐊᔮᒡ ᐃᐃᒫ ᒪᓂᑑᑳᓂᕽ, ᑫᑯ ᑲᔦ ᐅᑖᐱᓈᑫᒃ, ᑫᐅᒋ ᑳᒋᒋᐃᑰᓯᐌᒃ᙮ ᒦ ᐄᑐᒃ ᐃᐃ ᑳᑎᐯᒋᑫᒡ ᑭᑭᔐᒪᓂᑑᒥᐙ ᑳᑲᒀᓂᓴᑫᑕᕽ᙮ 26ᑳᐐᓐ ᐃᑕᔥ ᑭᑲ ᐲᑎᑲᑑᓰᒻ ᑫᑰᓐ ᑭᑖᐎᓂᐙᕽ ᑫᒀᓂᓴᑫᑖᑾᒃ, ᒫᑭᔖ ᓴ ᐯᔑᑾᓐ ᑭᑲ ᐃᔑ ᒪᒐᑭᒥᑰᒻ ᑳᔑ ᒪᒐᑭᑌᑭᓐ᙮ ᐐᑫ ᓴ ᑯ ᔒᑫᑕᒧᒃ, ᑲᒀᓂᓴᑫᑕᒧᒃ ᑲᔦ, ᐋᓃᔥ ᐸᑳᓐ ᐃᓇᑭᒋᑳᑌᐗᓐ ᐁᐐ ᓂᔑᐗᓈᒋᒋᑳᑌᑭᓐ᙮
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Ojibwe Shorter Bible (Syllabic Script) © 2008 Canadian Bible Society