ᑑᑕᕒᐋᓇᒦ 6
6
ᑮᐃᓈᑯᓂᑣ ᐃᔅᕒᐃᔭᓬᐊᒃ ᒋᓵᑭᐋᐙᒡ ᑭᔐᒪᓂᑑᓐ
1ᒦᐗᓐ ᐃᑕᔥ ᐅᓄ ᑲᑭᓇ ᐃᓈᑯᓂᑫᐎᓇᓐ ᑳᑎᐯᒋᑫᒡ ᑭᑭᔐᒪᓂᑑᒥᐙ ᑳᑮ ᐃᓇᓅᔑᒡ ᒋᔑ ᑭᑭᓄᐊᒪᐎᓇᑰᒃ, ᒋᓇᐃᑕᒧᐌᒃ, ᒋᑑᑕᒧᐌᒃ ᑲᔦ ᐌᑎ ᐊᑮᕽ ᑳᐃᔖᐌᒃ ᑳᐐ ᑎᐱᓇᐌᐎᓯᔦᒃ᙮ 2ᑮᓇᐙ ᓴ, ᑭᓃᒑᓂᓯᐙᒃ ᑲᔦ, ᑰᔑᓯᐙᒃ ᑲᔦ, ᒋᑯᑖᓀᓂᒣᒃ ᑳᑎᐯᒋᑫᒡ ᑭᑭᔐᒪᓂᑑᒥᐙ, ᒋᑲᓇᐌᑕᒧᐌᒃ ᑲᑭᓇ ᐅᑎᑭᑐᐎᓇᓐ, ᐅᑎᓈᑯᓂᑫᐎᓇᓐ ᑲᔦ ᑳᐐᑕᒪᐎᓇᑰᒃ᙮ ᒥᓂᒃ ᐃᑯ ᑫᐱᒫᑎᓯᔦᒃ ᐃᐃ ᒋᐃᔑᒋᑫᔦᒃ ᒦᔥ ᑭᓉᔥ ᒋᐱᒫᑎᓯᔦᒃ᙮ 3ᑮᓇᐙ ᐃᔅᕒᐃᔭᓬᐊᒃ Israel, ᐅᒋᑕᑯ ᐃᔑᓈᑾᓐ ᒋᐱᓯᑕᒣᒃ, ᐌᐌᓂ ᑲᔦ ᒋᐃᔑᒋᑫᔦᒃ ᒋᐅᒋ ᒥᓄᓭᔦᒃ, ᒋᐊᓂ ᑭᒋ ᐹᑏᓄᔦᒃ ᑲᔦ᙮ ᒦ ᐋᓃᔥ ᑳᑎᐯᒋᑫᒡ ᑳᑮ ᐅᑭᔐᒪᓂᑑᒥᐙᒡ ᑭᑫᑌᔭᐋᒥᐙᒃ ᑳᑮ ᐃᔑ ᐊᔓᑕᒪᐎᓀᒃ ᐁᐐ ᒦᓂᓀᒃ ᐊᑮᓂ ᑳᔑ ᐌᓅᒋ ᓂᑖᐎᑭᓂᓂᒃ ᑫᑰᓐ᙮
4 # Mrk 12.29. ᐆ ᐃᔅᕒᐃᔭᓬᐊᒃ, ᑕᑲ ᓅᑕᒧᒃ! ᑳᑎᐯᒋᑫᒡ ᐄᑐᒃ ᑭᑭᔐᒪᓂᑑᒥᓈᓐ, ᐐᓐ ᐁᑕ ᒥᒋ ᐯᔑᑯ! 5#Mat 22.37; Mrk 12.30; Luk 10.27. ᒦᔥ ᒋᓵᑭᐁᑭᐸᓐ ᑳᑎᐯᒋᑫᒡ ᑭᑭᔐᒪᓂᑑᒥᐙ ᒥᓯᐌ ᐱᑯ ᑭᑌᐃᐙᕽ, ᒥᓯᐌ ᑲᔦ ᑭᑕᒑᑯᐙᕽ, ᐁᐲᒋᔦᒃ ᐃᑯ ᒋᓵᑭᐁᑭᐸᓐ᙮ 6#Deu 11.18-20. ᐅᓄ ᑕᔥ ᐃᑭᑐᐎᓇᓐ ᑳᐐᑕᒪᐎᓇᑰᒃ ᓅᑯᒻ ᑳᑮᔑᑲᒃ ᒨᔕᒃ ᑕᐊᔮᐗᓐ ᑭᑌᐃᐙᕽ! 7ᐌᐌᓂ ᑕᔥ ᑭᑲ ᑭᑭᓄᐊᒪᐙᐙᒃ ᑭᓃᒑᓂᓯᐙᒃ᙮ ᑭᑲ ᑕᔑᑕᒪᐙᐙᒃ ᐊᐲ ᑮᓇᒪᑕᐱᔦᒃ ᑭᑖᐎᓂᐙᕽ, ᑮᓂ ᐱᒧᓭᔦᒃ ᑲᔦ ᐃᑯᒋᑯ ᑮᐃᔖᔦᒃ, ᑮᐱᒥᔑᓀᒃ ᑲᔦ, ᐊᐲ ᑲᔦ ᑮᐗᓂᔥᑳᔦᒃ᙮ 8ᐊᑾᐱᑑᒃ ᑕᔥ ᐅᓄ ᑭᓂᒌᐙᕽ, ᑭᔅᑲᑎᑯᐙᕽ ᑲᔦ ᐃᔑ ᑭᑭᔥᑲᒧᒃ ᑫᐅᒋ ᐗᓃᑫᓯᐌᒃ! 9ᑭᐙᑳᐃᑲᓂᐙᕽ ᑲᔦ ᑳᔑ ᐊᔨᔥᒀᑌᒫᑎᑯᐗᕽ ᐃᐃᒫ ᑲᔦ ᑭᒋ ᐃᔥᒀᑌᒦᕽ ᐃᔑ ᐅᔑᐲᐊᒧᒃ ᐅᐅ ᑳᐃᓂᓇᑰᒃ!
ᒨᓯᔅ ᑮᑲᓅᓈᒡ ᐯᒫᑎᓯᓂᒡ ᒋᔕᔒᐱᑕᓯᓂᒃ
10 # Gen 12.7; Gen 26.3; Gen 28.13. ᐊᐲ ᑕᔥ ᐊᓂ ᐃᔑᓭᒃ ᑳᑎᐯᒋᑫᒡ ᑭᑭᔐᒪᓂᑑᒥᐙ ᐲᓂᓀᒃ ᐃᐃᒫ ᐊᑮᕽ ᑳᑮ ᐊᔓᑕᒪᐙᒡ ᑳᑮ ᐅᑫᑌᔭᐋᒥᔦᒃ ᐁᐸᕒᐊᐋᒪᓐ Abraham, ᐋᐃᓯᑰᓐ Isaac, ᒉᑲᐴᓐ Jacob ᑲᔦ, ᑭᑲ ᒦᓂᑯᐙ ᑭᒋ ᐆᑌᓇᐗᓐ ᑳᐅᓂᔑᔑᓂᓂᑭᓐ ᑮᓇᐙ ᑳᑮ ᐅᔑᑑᓯᐌᒃ᙮ 11ᐙᑳᐃᑲᓇᓐ ᓴ ᑲᔦ ᑕᒪᒨᔥᑭᓀᐗᓐ ᑫᑰᓇᓐ ᑳᐅᓂᔑᔑᑭᓐ, ᑮᓇᐙ ᑳᑮ ᐊᑑᓯᐌᒃ᙮ ᑕᐊᔮᐗᓐ ᑕᔥ ᐅᑕᐃᐹᓇᓐ ᑮᓇᐙ ᑳᑮ ᐙᓂᑳᑕᓯᐌᒃ᙮ ᔔᒥᓈᑎᑰᒃ ᑳᔑ ᓂᑖᐎᑭᐃᑣ, ᐋᓬᐃᑉ olive ᑎᓄᐙᑎᑰᒃ ᑲᔦ ᑕᐊᔮᐗᓐ ᑮᓇᐙ ᑳᑮ ᑭᑎᑳᑕᓯᐌᒃ᙮ ᐊᐲ ᑕᔥ ᐐᓯᓂᔦᒃ, ᐐᑫ ᑌᐐᓯᓂᔦᒃ, 12ᑫᒋᓈᒡ ᐃᑯ ᐊᔮᒀᒥᓯᒃ ᒋᐗᓃᑫᓄᑕᐙᓯᐌᒃ ᑳᑎᐯᒋᑫᒡ ᑳᑮ ᐱᐅᒋ ᓵᑭᒋᐎᓂᓀᒃ ᐌᑎ ᐄᒋᐸᑮᕽ Egypt ᑳᑮ ᑕᔑ ᐌᓵᓂᐃᑰᔦᒃ ᐁᒥᑕᓄᑮᐃᑰᔦᑭᐸᓐ᙮ 13#Mat 4.10; Luk 4.8. ᐐᓐ ᓴ ᐁᑕᑯ ᑭᑲ ᑯᑖᓀᓂᒫᐙ ᑭᑭᔐᒪᓂᑑᒥᐙ, ᐐᓐ ᐁᑕᑯ ᑲᔦ ᑭᑲ ᐊᓇᒥᐁᑕᐙᐙ, ᐐᓐ ᐁᑕᑯ ᑲᔦ ᐅᐐᓱᐎᓐ ᑭᑲ ᐊᐱ ᐐᑕᒧᐙᒻ᙮ 14ᑫᑯ ᑲᔦ ᐸᑳᓐ ᒪᓂᑑᒃ ᐱᒥᓂᔕᐙᑫᒀᓂᒃ, ᐃᓂ ᑲᔦ ᐯᒫᑎᓯᐙᒡ ᑳᐙᑳᔥᑲᐎᓀᒀ ᑳᐅᒪᓂᑑᒥᐙᒡ᙮ 15ᑳᑎᐯᒋᑫᒡ ᑭᑭᔐᒪᓂᑑᒥᐙ ᑳᐊᔮᒡ ᒣᑴᔭᐄ ᐁᔑᐊᔮᔦᒃ ᐋᓃᔥ ᑎᓄᐎ ᑳᐅᑌᑕᕽ ᑭᔐᒪᓂᑑ᙮ ᑳᑎᐯᒋᑫᒡ ᑭᑭᔐᒪᓂᑑᒥᐙ ᐅᓂᔥᑳᑎᓯᐎᓐ ᐅᔕ ᑕᐋᑴᑖᑾᓂᓂ ᑫᐅᑎᓯᑯᔦᒃ᙮ ᐗᐐᑫ ᑲᔦ ᑭᑲ ᓂᔑᐗᓈᒋᐃᑯᐙ ᐐᑳ ᒦᓇᐙ ᒋᐊᔮᐙᓯᐌᒃ ᐅᐅᒫ ᐊᑮᕽ᙮
16 # Mat 4.7; Luk 4.12; Exo 17.1-7. ᑫᑯ ᑲᔦ ᑲᑴᒋᐋᑫᒃ ᑳᑎᐯᒋᑫᒡ ᑭᑭᔐᒪᓂᑑᒥᐙ ᑳᑮ ᑑᑕᐌᑭᐸᓐ ᐌᑎ ᒪᓴ Massah ᐁᒋᑳᑌᒃ᙮ 17ᑫᒋᓈᒡ ᐃᔑᒋᑫᒃ ᒋᑲᓇᐌᑕᒧᐌᒃ ᑳᑎᐯᒋᑫᒡ ᑭᑭᔐᒪᓂᑑᒥᐙ ᐅᑎᑭᑐᐎᓇᓐ ᑲᔦ ᑳᒦᓂᓀᒃ᙮ 18ᑭᑲ ᐃᔑᒋᑫᒻ ᐃᑕᔥ ᑲᔦ ᑴᔭᑯᓈᑾᒃ, ᐌᓂᔑᔑᒃ ᑲᔦ ᐁᓈᓴᒦᒡ ᑳᑎᐯᒋᑫᒡ, ᒋᒥᓄᓭᔦᒃ᙮ ᒦᑕᔥ ᒋᐲᑎᑫᔥᑳᔦᒃ ᐃᐃ ᐊᑭ ᐌᓂᔑᔑᒃ ᒋᑎᐱᓇᐌᐎᓯᔦᒃ ᑳᑎᐯᒋᑫᒡ ᑳᑮ ᐊᔩᒋ ᐊᔓᑕᒪᐙᑯᐸᓀᓐ ᑭᑫᑌᔭᐋᒥᐙᐸᓃᐞ ᐁᐐ ᒦᓈᒡ᙮ 19ᐅᑲ ᓵᑭᑖᒪᐙᐞ ᐃᑕᔥ ᐃᓂ ᑲᑭᓇ ᑳᔒᑫᓂᒥᓀᒀ ᐗᐊᓂ ᐃᔖᔦᒃ, ᒋᐃᔑᓭᓂᒃ ᑳᑎᐯᒋᑫᒡ ᑳᑮ ᐃᑭᑐᑯᐸᓀᓐ᙮
20ᐊᓂ ᐊᔨᔑᓭᒃ ᐃᑕᔥ ᐊᐲ ᑭᑯᓯᓯᐙᒃ ᐅᐅ ᐃᔑ ᑲᑴᒋᒥᓀᒀ, ᐋᓃᓐ ᐃᑕᔥ ᐁᓍᑌᒃ ᐅᐅ ᑳᑎᐯᒋᑫᒡ ᑳᑮᐃᓂᓇᕽ ᒋᑲᓇᐌᑕᒧᐗᕽ ᐅᑎᑭᑐᐎᓇᓐ, ᐅᑎᓈᑯᓂᑫᐎᓇᓐ ᑲᔦ᙮ 21ᒦᔥ ᐅᐅ ᑫᔑ ᓇᑴᑕᐌᒀ, ᓃᓇᐎᓐᑦ ᓴ ᐯᕒᐆ Pharaoh ᓂᑮ ᑑᑖᑯᓈᓐ ᐁᑮ ᑲᒀᑕᑭ ᒥᑕᓄᑮᐃᓈᕽ ᐌᑎ ᐄᒋᐸᑮᕽ; ᑳᑎᐯᒋᑫᒡ ᐃᑕᔥ ᐌᑎ ᓂᑮ ᐅᒋ ᓵᑭᒋᐎᓂᑯᓈᓐ ᐅᒪᔥᑲᐎᓰᐎᓐ ᐁᑮ ᐋᐸᒋᑑᒡ᙮ 22ᒦᑕᔥ ᑳᑎᐯᒋᑫᒡ ᑳᑮ ᓈᑯᑑᒡ ᐁᑮ ᐙᐸᑕᒧᐙᑭᒡ ᑫᒋ ᐃᓀᑖᑾᓂᓂᑭᓐ, ᑫᒀᓂᓴᑫᑖᑾᓂᓂᑭᓐ ᑭᑭᓇᐙᒋᒋᑲᓇᓐ, ᒫᒪᑳᒋᒋᑫᐎᓇᓐ, ᐋᓃᓐ ᑳᑮ ᑑᑕᐙᒡ ᐯᕒᐆᓐ, ᑲᑭᓇ ᐅᐙᑳᐃᑲᓂᓃᕽ ᑲᔦ ᑳᑮ ᐊᔮᓂᒡ᙮ 23ᒦᑕᔥ ᑳᐅᒋ ᓵᑭᒋᐎᓂᓈᕽ ᐅᐅᒫ ᐁᑮ ᐲᓂᓈᕽ, ᐁᑮ ᒦᓂᓈᕽ ᐃᑕᔥ ᐅᐅ ᐊᑮᓂ ᑳᑮ ᐊᔩᒋ ᐊᔓᑕᒪᐙᑯᐸᓀᓐ ᑭᑫᑌᔭᐋᒥᓈᓃᐞ᙮ 24ᒦᑕᔥ ᑳᑎᐯᒋᑫᒡ ᑳᑮ ᐃᓈᑯᓂᓇᕽ ᒋᓇᐃᑕᒧᐗᕽ ᑲᑭᓇ ᐅᓄ ᐅᑎᑭᑐᐎᓇᓐ, ᒋᑯᑖᓀᓂᒪᕽ ᑳᑎᐯᒋᑫᒡ ᑭᑭᔐᒪᓂᑑᒥᓈᓐ᙮ ᒦᑕᔥ ᒨᔕᒃ ᒋᒥᓄᓭᔭᕽ, ᒦᑲᔦᐃ ᒋᐃᓀᑖᑯᓯᔭᕽ ᒋᐱᒫᑎᓯᔭᕽ ᑖᐱᔥᑰ ᓅᑯᒻ ᑳᐃᔑᐊᔮᔭᕽ᙮ 25ᑮᔥᐱᓐ ᓴ ᐌᐌᓂ ᓇᐃᑕᒧᐗᕽ ᐅᐅ ᒥᓯᐌ ᐃᓈᑯᓂᑫᐎᓐ, ᐁᓈᓴᒦᒡ ᑳᑎᐯᒋᑫᒡ ᑭᑭᔐᒪᓂᑑᒥᓈᓐ ᑳᑮ ᒦᓂᓇᕽ, ᒦ ᓴ ᐃᐌ ᑭᑾᔭᒀᑎᓯᐎᓂᓈᓐ ᑫᐃᓇᑭᑌᒃ, ᑭᑲᐃᓈᐙᒃ᙮
Právě zvoleno:
ᑑᑕᕒᐋᓇᒦ 6: OJBS
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Ojibwe Shorter Bible (Syllabic Script) © 2008 Canadian Bible Society
ᑑᑕᕒᐋᓇᒦ 6
6
ᑮᐃᓈᑯᓂᑣ ᐃᔅᕒᐃᔭᓬᐊᒃ ᒋᓵᑭᐋᐙᒡ ᑭᔐᒪᓂᑑᓐ
1ᒦᐗᓐ ᐃᑕᔥ ᐅᓄ ᑲᑭᓇ ᐃᓈᑯᓂᑫᐎᓇᓐ ᑳᑎᐯᒋᑫᒡ ᑭᑭᔐᒪᓂᑑᒥᐙ ᑳᑮ ᐃᓇᓅᔑᒡ ᒋᔑ ᑭᑭᓄᐊᒪᐎᓇᑰᒃ, ᒋᓇᐃᑕᒧᐌᒃ, ᒋᑑᑕᒧᐌᒃ ᑲᔦ ᐌᑎ ᐊᑮᕽ ᑳᐃᔖᐌᒃ ᑳᐐ ᑎᐱᓇᐌᐎᓯᔦᒃ᙮ 2ᑮᓇᐙ ᓴ, ᑭᓃᒑᓂᓯᐙᒃ ᑲᔦ, ᑰᔑᓯᐙᒃ ᑲᔦ, ᒋᑯᑖᓀᓂᒣᒃ ᑳᑎᐯᒋᑫᒡ ᑭᑭᔐᒪᓂᑑᒥᐙ, ᒋᑲᓇᐌᑕᒧᐌᒃ ᑲᑭᓇ ᐅᑎᑭᑐᐎᓇᓐ, ᐅᑎᓈᑯᓂᑫᐎᓇᓐ ᑲᔦ ᑳᐐᑕᒪᐎᓇᑰᒃ᙮ ᒥᓂᒃ ᐃᑯ ᑫᐱᒫᑎᓯᔦᒃ ᐃᐃ ᒋᐃᔑᒋᑫᔦᒃ ᒦᔥ ᑭᓉᔥ ᒋᐱᒫᑎᓯᔦᒃ᙮ 3ᑮᓇᐙ ᐃᔅᕒᐃᔭᓬᐊᒃ Israel, ᐅᒋᑕᑯ ᐃᔑᓈᑾᓐ ᒋᐱᓯᑕᒣᒃ, ᐌᐌᓂ ᑲᔦ ᒋᐃᔑᒋᑫᔦᒃ ᒋᐅᒋ ᒥᓄᓭᔦᒃ, ᒋᐊᓂ ᑭᒋ ᐹᑏᓄᔦᒃ ᑲᔦ᙮ ᒦ ᐋᓃᔥ ᑳᑎᐯᒋᑫᒡ ᑳᑮ ᐅᑭᔐᒪᓂᑑᒥᐙᒡ ᑭᑫᑌᔭᐋᒥᐙᒃ ᑳᑮ ᐃᔑ ᐊᔓᑕᒪᐎᓀᒃ ᐁᐐ ᒦᓂᓀᒃ ᐊᑮᓂ ᑳᔑ ᐌᓅᒋ ᓂᑖᐎᑭᓂᓂᒃ ᑫᑰᓐ᙮
4 # Mrk 12.29. ᐆ ᐃᔅᕒᐃᔭᓬᐊᒃ, ᑕᑲ ᓅᑕᒧᒃ! ᑳᑎᐯᒋᑫᒡ ᐄᑐᒃ ᑭᑭᔐᒪᓂᑑᒥᓈᓐ, ᐐᓐ ᐁᑕ ᒥᒋ ᐯᔑᑯ! 5#Mat 22.37; Mrk 12.30; Luk 10.27. ᒦᔥ ᒋᓵᑭᐁᑭᐸᓐ ᑳᑎᐯᒋᑫᒡ ᑭᑭᔐᒪᓂᑑᒥᐙ ᒥᓯᐌ ᐱᑯ ᑭᑌᐃᐙᕽ, ᒥᓯᐌ ᑲᔦ ᑭᑕᒑᑯᐙᕽ, ᐁᐲᒋᔦᒃ ᐃᑯ ᒋᓵᑭᐁᑭᐸᓐ᙮ 6#Deu 11.18-20. ᐅᓄ ᑕᔥ ᐃᑭᑐᐎᓇᓐ ᑳᐐᑕᒪᐎᓇᑰᒃ ᓅᑯᒻ ᑳᑮᔑᑲᒃ ᒨᔕᒃ ᑕᐊᔮᐗᓐ ᑭᑌᐃᐙᕽ! 7ᐌᐌᓂ ᑕᔥ ᑭᑲ ᑭᑭᓄᐊᒪᐙᐙᒃ ᑭᓃᒑᓂᓯᐙᒃ᙮ ᑭᑲ ᑕᔑᑕᒪᐙᐙᒃ ᐊᐲ ᑮᓇᒪᑕᐱᔦᒃ ᑭᑖᐎᓂᐙᕽ, ᑮᓂ ᐱᒧᓭᔦᒃ ᑲᔦ ᐃᑯᒋᑯ ᑮᐃᔖᔦᒃ, ᑮᐱᒥᔑᓀᒃ ᑲᔦ, ᐊᐲ ᑲᔦ ᑮᐗᓂᔥᑳᔦᒃ᙮ 8ᐊᑾᐱᑑᒃ ᑕᔥ ᐅᓄ ᑭᓂᒌᐙᕽ, ᑭᔅᑲᑎᑯᐙᕽ ᑲᔦ ᐃᔑ ᑭᑭᔥᑲᒧᒃ ᑫᐅᒋ ᐗᓃᑫᓯᐌᒃ! 9ᑭᐙᑳᐃᑲᓂᐙᕽ ᑲᔦ ᑳᔑ ᐊᔨᔥᒀᑌᒫᑎᑯᐗᕽ ᐃᐃᒫ ᑲᔦ ᑭᒋ ᐃᔥᒀᑌᒦᕽ ᐃᔑ ᐅᔑᐲᐊᒧᒃ ᐅᐅ ᑳᐃᓂᓇᑰᒃ!
ᒨᓯᔅ ᑮᑲᓅᓈᒡ ᐯᒫᑎᓯᓂᒡ ᒋᔕᔒᐱᑕᓯᓂᒃ
10 # Gen 12.7; Gen 26.3; Gen 28.13. ᐊᐲ ᑕᔥ ᐊᓂ ᐃᔑᓭᒃ ᑳᑎᐯᒋᑫᒡ ᑭᑭᔐᒪᓂᑑᒥᐙ ᐲᓂᓀᒃ ᐃᐃᒫ ᐊᑮᕽ ᑳᑮ ᐊᔓᑕᒪᐙᒡ ᑳᑮ ᐅᑫᑌᔭᐋᒥᔦᒃ ᐁᐸᕒᐊᐋᒪᓐ Abraham, ᐋᐃᓯᑰᓐ Isaac, ᒉᑲᐴᓐ Jacob ᑲᔦ, ᑭᑲ ᒦᓂᑯᐙ ᑭᒋ ᐆᑌᓇᐗᓐ ᑳᐅᓂᔑᔑᓂᓂᑭᓐ ᑮᓇᐙ ᑳᑮ ᐅᔑᑑᓯᐌᒃ᙮ 11ᐙᑳᐃᑲᓇᓐ ᓴ ᑲᔦ ᑕᒪᒨᔥᑭᓀᐗᓐ ᑫᑰᓇᓐ ᑳᐅᓂᔑᔑᑭᓐ, ᑮᓇᐙ ᑳᑮ ᐊᑑᓯᐌᒃ᙮ ᑕᐊᔮᐗᓐ ᑕᔥ ᐅᑕᐃᐹᓇᓐ ᑮᓇᐙ ᑳᑮ ᐙᓂᑳᑕᓯᐌᒃ᙮ ᔔᒥᓈᑎᑰᒃ ᑳᔑ ᓂᑖᐎᑭᐃᑣ, ᐋᓬᐃᑉ olive ᑎᓄᐙᑎᑰᒃ ᑲᔦ ᑕᐊᔮᐗᓐ ᑮᓇᐙ ᑳᑮ ᑭᑎᑳᑕᓯᐌᒃ᙮ ᐊᐲ ᑕᔥ ᐐᓯᓂᔦᒃ, ᐐᑫ ᑌᐐᓯᓂᔦᒃ, 12ᑫᒋᓈᒡ ᐃᑯ ᐊᔮᒀᒥᓯᒃ ᒋᐗᓃᑫᓄᑕᐙᓯᐌᒃ ᑳᑎᐯᒋᑫᒡ ᑳᑮ ᐱᐅᒋ ᓵᑭᒋᐎᓂᓀᒃ ᐌᑎ ᐄᒋᐸᑮᕽ Egypt ᑳᑮ ᑕᔑ ᐌᓵᓂᐃᑰᔦᒃ ᐁᒥᑕᓄᑮᐃᑰᔦᑭᐸᓐ᙮ 13#Mat 4.10; Luk 4.8. ᐐᓐ ᓴ ᐁᑕᑯ ᑭᑲ ᑯᑖᓀᓂᒫᐙ ᑭᑭᔐᒪᓂᑑᒥᐙ, ᐐᓐ ᐁᑕᑯ ᑲᔦ ᑭᑲ ᐊᓇᒥᐁᑕᐙᐙ, ᐐᓐ ᐁᑕᑯ ᑲᔦ ᐅᐐᓱᐎᓐ ᑭᑲ ᐊᐱ ᐐᑕᒧᐙᒻ᙮ 14ᑫᑯ ᑲᔦ ᐸᑳᓐ ᒪᓂᑑᒃ ᐱᒥᓂᔕᐙᑫᒀᓂᒃ, ᐃᓂ ᑲᔦ ᐯᒫᑎᓯᐙᒡ ᑳᐙᑳᔥᑲᐎᓀᒀ ᑳᐅᒪᓂᑑᒥᐙᒡ᙮ 15ᑳᑎᐯᒋᑫᒡ ᑭᑭᔐᒪᓂᑑᒥᐙ ᑳᐊᔮᒡ ᒣᑴᔭᐄ ᐁᔑᐊᔮᔦᒃ ᐋᓃᔥ ᑎᓄᐎ ᑳᐅᑌᑕᕽ ᑭᔐᒪᓂᑑ᙮ ᑳᑎᐯᒋᑫᒡ ᑭᑭᔐᒪᓂᑑᒥᐙ ᐅᓂᔥᑳᑎᓯᐎᓐ ᐅᔕ ᑕᐋᑴᑖᑾᓂᓂ ᑫᐅᑎᓯᑯᔦᒃ᙮ ᐗᐐᑫ ᑲᔦ ᑭᑲ ᓂᔑᐗᓈᒋᐃᑯᐙ ᐐᑳ ᒦᓇᐙ ᒋᐊᔮᐙᓯᐌᒃ ᐅᐅᒫ ᐊᑮᕽ᙮
16 # Mat 4.7; Luk 4.12; Exo 17.1-7. ᑫᑯ ᑲᔦ ᑲᑴᒋᐋᑫᒃ ᑳᑎᐯᒋᑫᒡ ᑭᑭᔐᒪᓂᑑᒥᐙ ᑳᑮ ᑑᑕᐌᑭᐸᓐ ᐌᑎ ᒪᓴ Massah ᐁᒋᑳᑌᒃ᙮ 17ᑫᒋᓈᒡ ᐃᔑᒋᑫᒃ ᒋᑲᓇᐌᑕᒧᐌᒃ ᑳᑎᐯᒋᑫᒡ ᑭᑭᔐᒪᓂᑑᒥᐙ ᐅᑎᑭᑐᐎᓇᓐ ᑲᔦ ᑳᒦᓂᓀᒃ᙮ 18ᑭᑲ ᐃᔑᒋᑫᒻ ᐃᑕᔥ ᑲᔦ ᑴᔭᑯᓈᑾᒃ, ᐌᓂᔑᔑᒃ ᑲᔦ ᐁᓈᓴᒦᒡ ᑳᑎᐯᒋᑫᒡ, ᒋᒥᓄᓭᔦᒃ᙮ ᒦᑕᔥ ᒋᐲᑎᑫᔥᑳᔦᒃ ᐃᐃ ᐊᑭ ᐌᓂᔑᔑᒃ ᒋᑎᐱᓇᐌᐎᓯᔦᒃ ᑳᑎᐯᒋᑫᒡ ᑳᑮ ᐊᔩᒋ ᐊᔓᑕᒪᐙᑯᐸᓀᓐ ᑭᑫᑌᔭᐋᒥᐙᐸᓃᐞ ᐁᐐ ᒦᓈᒡ᙮ 19ᐅᑲ ᓵᑭᑖᒪᐙᐞ ᐃᑕᔥ ᐃᓂ ᑲᑭᓇ ᑳᔒᑫᓂᒥᓀᒀ ᐗᐊᓂ ᐃᔖᔦᒃ, ᒋᐃᔑᓭᓂᒃ ᑳᑎᐯᒋᑫᒡ ᑳᑮ ᐃᑭᑐᑯᐸᓀᓐ᙮
20ᐊᓂ ᐊᔨᔑᓭᒃ ᐃᑕᔥ ᐊᐲ ᑭᑯᓯᓯᐙᒃ ᐅᐅ ᐃᔑ ᑲᑴᒋᒥᓀᒀ, ᐋᓃᓐ ᐃᑕᔥ ᐁᓍᑌᒃ ᐅᐅ ᑳᑎᐯᒋᑫᒡ ᑳᑮᐃᓂᓇᕽ ᒋᑲᓇᐌᑕᒧᐗᕽ ᐅᑎᑭᑐᐎᓇᓐ, ᐅᑎᓈᑯᓂᑫᐎᓇᓐ ᑲᔦ᙮ 21ᒦᔥ ᐅᐅ ᑫᔑ ᓇᑴᑕᐌᒀ, ᓃᓇᐎᓐᑦ ᓴ ᐯᕒᐆ Pharaoh ᓂᑮ ᑑᑖᑯᓈᓐ ᐁᑮ ᑲᒀᑕᑭ ᒥᑕᓄᑮᐃᓈᕽ ᐌᑎ ᐄᒋᐸᑮᕽ; ᑳᑎᐯᒋᑫᒡ ᐃᑕᔥ ᐌᑎ ᓂᑮ ᐅᒋ ᓵᑭᒋᐎᓂᑯᓈᓐ ᐅᒪᔥᑲᐎᓰᐎᓐ ᐁᑮ ᐋᐸᒋᑑᒡ᙮ 22ᒦᑕᔥ ᑳᑎᐯᒋᑫᒡ ᑳᑮ ᓈᑯᑑᒡ ᐁᑮ ᐙᐸᑕᒧᐙᑭᒡ ᑫᒋ ᐃᓀᑖᑾᓂᓂᑭᓐ, ᑫᒀᓂᓴᑫᑖᑾᓂᓂᑭᓐ ᑭᑭᓇᐙᒋᒋᑲᓇᓐ, ᒫᒪᑳᒋᒋᑫᐎᓇᓐ, ᐋᓃᓐ ᑳᑮ ᑑᑕᐙᒡ ᐯᕒᐆᓐ, ᑲᑭᓇ ᐅᐙᑳᐃᑲᓂᓃᕽ ᑲᔦ ᑳᑮ ᐊᔮᓂᒡ᙮ 23ᒦᑕᔥ ᑳᐅᒋ ᓵᑭᒋᐎᓂᓈᕽ ᐅᐅᒫ ᐁᑮ ᐲᓂᓈᕽ, ᐁᑮ ᒦᓂᓈᕽ ᐃᑕᔥ ᐅᐅ ᐊᑮᓂ ᑳᑮ ᐊᔩᒋ ᐊᔓᑕᒪᐙᑯᐸᓀᓐ ᑭᑫᑌᔭᐋᒥᓈᓃᐞ᙮ 24ᒦᑕᔥ ᑳᑎᐯᒋᑫᒡ ᑳᑮ ᐃᓈᑯᓂᓇᕽ ᒋᓇᐃᑕᒧᐗᕽ ᑲᑭᓇ ᐅᓄ ᐅᑎᑭᑐᐎᓇᓐ, ᒋᑯᑖᓀᓂᒪᕽ ᑳᑎᐯᒋᑫᒡ ᑭᑭᔐᒪᓂᑑᒥᓈᓐ᙮ ᒦᑕᔥ ᒨᔕᒃ ᒋᒥᓄᓭᔭᕽ, ᒦᑲᔦᐃ ᒋᐃᓀᑖᑯᓯᔭᕽ ᒋᐱᒫᑎᓯᔭᕽ ᑖᐱᔥᑰ ᓅᑯᒻ ᑳᐃᔑᐊᔮᔭᕽ᙮ 25ᑮᔥᐱᓐ ᓴ ᐌᐌᓂ ᓇᐃᑕᒧᐗᕽ ᐅᐅ ᒥᓯᐌ ᐃᓈᑯᓂᑫᐎᓐ, ᐁᓈᓴᒦᒡ ᑳᑎᐯᒋᑫᒡ ᑭᑭᔐᒪᓂᑑᒥᓈᓐ ᑳᑮ ᒦᓂᓇᕽ, ᒦ ᓴ ᐃᐌ ᑭᑾᔭᒀᑎᓯᐎᓂᓈᓐ ᑫᐃᓇᑭᑌᒃ, ᑭᑲᐃᓈᐙᒃ᙮
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Ojibwe Shorter Bible (Syllabic Script) © 2008 Canadian Bible Society