ܙܟ݂ܪܝܐ 5
5
ܚܸܙܘܵܐ ܫܬܝܼܬܵܝܵܐ: ܟܸܪܟ݂ܵܐ ܒܸܦܪܵܚܵܐ
1ܘܕܝܼܪܝܼ ܘܡܘܼܪܸܡ ܠܝܼ ܥܲܝܢܝܼ̈ ܘܗܵܐ، ܚܙܹܐ ܠܝܼ ܟܸܪܟ݂ܵܐ ܒܸܦܪܵܚܵܐ. 2ܘܐ݇ܡܝܼܪܹܗ ܐܸܠܝܼ، ”ܡܘܿܕܝܼ ܐܲܢ݇ܬ ܒܸܚܙܵܝܵܐ ܝܘܸܬ؟“ ܘܐ݇ܡܝܼܪܝܼ، ”ܐܵܢܵܐ ܒܸܚܙܵܝܵܐ ܝܘܸܢ ܟܸܪܟ݂ܵܐ ܒܸܦܪܵܚܵܐ؛ ܝܘܼܪܟܹܗ ܥܸܣܪܝܼ ܝܲܡܝܼܢܹ̈ܐ، ܘܦܸܬܘܹܗ ܥܣܲܪ ܝܲܡܝܼܢܹ̈ܐ.“ 3ܘܐ݇ܡܝܼܪܹܗ ܐܸܠܝܼ، ”ܐܵܗܵܐ ܝܠܵܗ̇ ܠܵܘܛܬܵܐ ܕܒܸܦܠܵܛܵܐ ܝܠܵܗ̇ ܥܲܠܔ ܦܵܬܵܐ ܕܟܠܵܗ̇ ܐܲܪܥܵܐ، ܣܵܒܵܒ ܟܠܔ ܕܓܵܢܹܒ݂، ܡ̣ܢ ܕܐܵܗܵܐ ܓܹܒܵܐ ܕܟܸܪܟ݂ܵܐ ܐܲܝܟ݂ ܕܟܬܝܼܒ݂ܬܵܐ ܝܠܵܗ̇ ܓܵܘܹܗ، ܒܸܬ ܦܵܐܹܫ ܓ݂ܠܝܼܒܵܐ، ܘܟܠܔ ܕܝܵܡܹܐ، ܡ̣ܢ ܕܗ̇ܘ ܓܹܒܵܐ ܕܟܸܪܟ݂ܵܐ ܐܲܝܟ݂ ܕܟܬܝܼܒ݂ܬܵܐ ܝܠܵܗ̇ ܓܵܘܹܗ، ܒܸܬ ܦܵܐܹܫ ܓ݂ܠܝܼܒܵܐ. 4ܒܸܬ ܦܲܠܛܸܢܵܗ̇،“ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ”ܘܒܸܬ ܥܵܒ݂ܪܵܐ ܠܒܲܝܬܵܐ ܕܓܹܢܵܒ݂ܵܐ، ܘܠܒܲܝܬܵܐ ܕܗ̇ܘ ܕܝܵܡܹܐ ܒܫܸܡܝܼ ܒܕܲܓܵܠܘܼܬܵܐ، ܘܒܸܬ ܥܲܪܩܸܠܵܐ ܓܵܘ ܒܲܝܬܹܗ، ܘܒܸܬ ܬܵܝܡܵܐ ܠܹܗ ܒܲܝܬܹܗ، ܘܠܩܲܝܣܘܼ̈ܗܝ ܘܠܟܹܐܦܘܼ̈ܗܝ.“
ܚܸܙܘܵܐ ܫܒ݂ܝܼܥܵܝܵܐ: ܒܲܟ݂ܬܵܐ ܒܓܵܘܵܐ ܕܐܹܦܵܐ
5ܘܦܠܝܼܛ ܠܹܗ ܡܲܠܲܐܟ݂ܵܐ ܕܗܲܡܙܘܼܡܹܐ ܝܗ݇ܘܵܐ ܥܲܡܝܼ، ܘܐ݇ܡܝܼܪܹܗ ܐܸܠܝܼ، ”ܕܹܐ ܡܲܪܸܡ ܥܲܝܢܘܼ̈ܟ݂ ܘܚܙܝܼ ܡܘܿܕܝܼ ܝܠܵܗ̇ ܐܵܗܵܐ ܕܒܸܦܠܵܛܵܐ ܝܠܵܗ̇.“ 6ܘܐ݇ܡܝܼܪܝܼ، ”ܡܘܿܕܝܼ ܝܠܵܗ̇؟“ ܘܐ݇ܡܝܼܪܹܗ، ”ܐܵܗܵܐ ܣܵܠܵܐ ܝܠܹܗ ܕܒܸܦܠܵܛܵܐ ܝܠܹܗ.“ ܘܐ݇ܡܝܼܪܹܗ، ”ܐܵܗܵܐ ܝܠܵܗ̇ ܡܲܒܝܲܢܬܲܝܗܝ ܒܟܠܵܗ̇ ܐܲܪܥܵܐ.“ 7ܘܗܵܐ، ܟܲܟܪܵܐ ܕܐܲܒ݂ܵܪܵܐ، ܕܝܼܗ݇ܘܵܐ ܟܲܣܵܝܬܵܐ ܕܣܵܠܵܐ، ܦܝܼܫ ܠܹܗ ܡܘܼܪܡܵܐ، ܘܚܕܵܐ ܒܲܟ݂ܬܵܐ ܝ݇ܬܝܼܒ݂ܬܵܐ ܒܓܵܘܵܐ ܕܣܵܠܵܐ. 8ܘܐ݇ܡܝܼܪܹܗ، ”ܐܵܗܵܐ ܝܠܵܗ̇ ܪܲܫܝܼܥܘܼܬܵܐ.“ ܘܕܸܪܝܵܐ ܠܹܗ ܠܓܵܘ ܣܵܠܵܐ، ܘܕܪܹܐ ܠܹܗ ܟܲܟܪܵܐ ܕܐܲܒ݂ܵܪܵܐ ܥܲܠܔ ܦܘܼܡܹܗ. 9ܘܡܘܼܪܸܡ ܠܝܼ ܥܲܝܢܝܼ̈ ܘܚܙܹܐ ܠܝܼ، ܘܗܵܐ، ܬܲܪܬܹܝ ܒܲܟ݂ܬܵܬܹ̈ܐ ܒܸܦܠܵܛܵܐ، ܘܐܝܼܬ ܗ݇ܘܵܘ ܠܗܘܿܢ ܓܘܼܠܦܵܢܹ̈ܐ ܐܲܝܟ݂ ܓܘܼܠܦܵܢܹ̈ܐ ܕܠܲܓܠܵܓ، ܘܦܵܘܚܵܐ ܒܓܘܼܠܦܵܢܲܝ̈ܗܝ، ܘܡܘܼܪܸܡ ܠܗܘܿܢ ܠܣܵܠܵܐ ܒܹܝܠܔ ܐܲܪܥܵܐ ܘܫܡܲܝܵܐ. 10ܘܐ݇ܡܝܼܪܝܼ ܠܡܲܠܲܐܟ݂ܵܐ ܕܗܲܡܙܘܼܡܹܐ ܝܗ݇ܘܵܐ ܥܲܡܝܼ، ”ܠܐܲܝܟܵܐ ܠܲܒܘܼܠܹܐ ܝܢܵܐ ܠܣܵܠܵܐ؟“ 11ܘܐ݇ܡܝܼܪܹܗ ܐܸܠܝܼ، ”ܠܸܒܢܵܝܵܐ ܩܵܬܘܼܗ̇ ܗܲܝܟܠܵܐ ܒܐܲܪܥܵܐ ܕܣܸܢܥܵܪ، ܘܒܸܬ ܦܵܐܹܫ ܡܘܼܩܘܝܼܵܐ، ܘܒܸܬ ܦܵܝܫܵܐ ܡܘܼܬܸܒ݂ܬܵܐ ܬܵܡܵܐ ܥܲܠܔ ܒܸܢܝܲܬܘܼܗ̇.“
Právě zvoleno:
ܙܟ݂ܪܝܐ 5: ABTAB
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Aramaic Bible Translation Assyrian Bible © 2025 Aramaic Bible Translation