ܙܟ݂ܪܝܐ 13
13
ܕܲܟ݂ܵܝܬܵܐ ܡ̣ܢ ܒܝܼܫܘܼܬܵܐ
1”ܒܗ̇ܘ ܝܵܘܡܵܐ ܒܸܬ ܗܵܘܝܵܐ ܥܲܝܢܵܐ ܕܡ̈ܝܼܵܐ ܦܬܝܼܚܬܵܐ ܠܒܹܝܬ ܕܵܘܝܼܕ ܘܠܥܵܡܪ̈ܵܢܹܐ ܕܐܘܿܪܸܫܠܸܡ ܠܕܲܟ݂ܘܼܝܲܝ ܡ̣ܢ ܚܛܝܼܬܵܐ ܘܡ̣ܢ ܛܲܡܐܘܼܬܵܐ. 2ܘܒܸܬ ܗܵܘܝܵܐ ܒܗ̇ܘ ܝܵܘܡܵܐ،“ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ”ܒܸܬ ܩܵܛܥܹܢ ܠܫܸܡܵܢܹ̈ܐ ܕܨܵܢܲܡܹ̈ܐ ܡ̣ܢ ܐܲܪܥܵܐ، ܘܠܹܐ ܦܵܝܫܝܼ ܕܟ݂ܝܼܪܹܐ ܡܸܢܕܪܸܫ، ܘܐܘܼܦ ܢܒ݂ܝܼܹ̈ܐ ܘܪܘܼܚܵܐ ܛܲܡܐܹܐ ܒܸܬ ܛܲܠܩܸܢ ܡ̣ܢ ܐܲܪܥܵܐ. 3ܘܒܸܬ ܗܵܘܝܵܐ ܕܟܲܕ ܢܲܒܹܐ ܐ݇ܢܵܫܵܐ ܡܸܢܕܪܸܫ، ܒܸܬ ܐܵܡܪܝܼ ܐܸܠܹܗ ܒܵܒܘܼܗܝ ܘܝܸܡܹܗ، ܕܝ݇ܠܝܼܕ ܠܗܘܿܢ ܐܸܠܹܗ، ’ܠܹܐ ܚܵܝܹܝܬ، ܣܵܒܵܒ ܕܘܼܓܠܵܐ ܗܘܼܡܙܸܡ ܠܘܼܟ݂ ܒܫܸܡܵܐ ܕܡܵܪܝܵܐ،‘ ܘܒܸܬ ܟ̰ܵܪܙܝܼ ܠܹܗ ܒܵܒܘܼܗܝ ܘܝܸܡܹܗ، ܕܝ݇ܠܝܼܕ ܠܗܘܿܢ ܐܸܠܹܗ، ܟܲܕ ܢܲܒܹܐ. 4ܘܒܸܬ ܗܵܘܝܵܐ ܒܗ̇ܘ ܝܵܘܡܵܐ، ܕܒܸܬ ܢܵܟ݂ܦܝܼ ܢܒ݂ܝܼܹ̈ܐ، ܟܠܔ ܚܲܕ ܡ̣ܢ ܚܸܙܘܹܗ ܟܲܕ ܢܲܒܹܐ، ܘܠܹܐ ܠܵܒ݂ܫܝܼ ܡܲܥܦܪܵܐ ܕܣܲܥܪܵܐ ܠܕܲܓܘܼܠܹܐ، 5ܘܒܸܬ ܐܵܡܹܪ ܟܠܔ ܚܲܕ، ’ܠܹܐ ܝܘܸܢ ܢܒ݂ܝܼܵܐ ܐܵܢܵܐ، ܐ݇ܢܵܫܵܐ ܦܲܠܵܚܵܐ ܕܐܲܪܥܵܐ ܝܘܸܢ ܐܵܢܵܐ، ܣܵܒܵܒ ܐ݇ܢܵܫܵܐ ܩܢܹܐ ܠܹܗ ܐܸܠܝܼ ܡ̣ܢ ܝܵܠܕ݇ܘܼܬܝܼ.‘ 6ܘܒܸܬ ܐܵܡܪܝܼ ܐܸܠܹܗ، ’ܡܘܿܕܝܼ ܝܢܵܐ ܐܲܢܹܐ ܡܲܚܘܵܬܹ̈ܐ ܒܹܝܠܔ ܐܝܼܕܵܬܘܼ̈ܟ݂؟‘ ܘܒܸܬ ܐܵܡܹܪ، ’ܕܦܝܼܫ ܠܝܼ ܡܸܚܝܵܐ ܓܵܘ ܒܲܝܬܵܐ ܕܡܲܚܸܒܵܢܝܼ̈.‘
ܡܚܵܝܬܵܐ ܕܪܵܥܝܵܐ ܘܒܲܪܒܲܙܬܵܐ ܕܥܸܪ̈ܒܹܐ
7ܝܵܐ ܣܲܝܦܵܐ، ܪܥܘܿܫ ܕܲܠܩܘܼܒ݂ܠܔ ܪܵܥܝܝܼ، ܘܕܲܠܩܘܼܒ݂ܠܔ ܓܲܒ݂ܪܵܐ ܕܝܼܠܹܗ ܚܲܒ݂ܪܝܼ،“ ܒܹܐܡܵܪܵܐ ܝܠܹܗ ܡܵܪܝܵܐ ܚܲܝܠܬܵܢܵܐ، ”ܡܚܝܼ ܠܪܵܥܝܵܐ ܘܒܸܬ ܦܵܝܫܝܼ ܒܘܼܪܒܸܙܹܐ ܥܸܪ̈ܒܹܐ، ܘܒܸܬ ܡܲܦܬܸܠܸܢ ܐܝܼܕܝܼ ܥܲܠܔ ܙܥܘܿܪܹ̈ܐ. 8ܘܒܸܬ ܗܵܘܝܵܐ ܒܟܠܵܗ̇ ܐܲܪܥܵܐ،“ ܒܹܐܡܵܪܵܐ ܝܠܹܗ ܡܵܪܝܵܐ، ”ܬܪܹܝ ܣܵܗܡܹ̈ܐ ܓܵܘܘܼܗ̇ ܒܸܬ ܦܵܝܫܝܼ ܩܛܝܼܥܹܐ ܘܡܵܝܬܝܼ، ܘܕܬܠܵܬܵܐ ܒܸܬ ܦܵܐܹܫ ܫܒ݂ܝܼܩܵܐ ܒܓܵܘܘܼܗ̇. 9ܘܒܸܬ ܡܲܥܒܸܪܸܢ ܠܣܵܗܡܵܐ ܕܬܠܵܬܵܐ ܒܢܘܼܪܵܐ، ܘܒܸܬ ܨܲܪܸܦܸܢܗܘܿܢ ܐܲܝܟ݂ ܕܨܲܪܸܦܝܼ ܠܣܹܐܡܵܐ، ܘܒܸܬ ܒܲܚܪܸܢܗܘܿܢ ܐܲܝܟ݂ ܕܒܲܚܪܝܼ ܠܕܲܗܒ݂ܵܐ؛ ܗ̇ܘ ܒܸܬ ܩܵܪܹܐ ܒܫܸܡܝܼ، ܘܐܵܢܵܐ ܒܸܬ ܓ̰ܲܘܸܒܸܢܹܗ، ܒܸܬ ܐܵܡܪܹܢ، ’ܛܵܝܸܦܝܼ ܝܠܹܗ،‘ ܘܗ̇ܘ ܒܸܬ ܐܵܡܹܪ، ’ܡܵܪܝܵܐ ܐܲܠܵܗܝܼ ܝܠܹܗ.‘“
Právě zvoleno:
ܙܟ݂ܪܝܐ 13: ABTAB
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Aramaic Bible Translation Assyrian Bible © 2025 Aramaic Bible Translation