ܡܙܡܘܪ̈ܐ 113 (ܩܝܓ)
113 (ܩܝܓ)
ܗܲܠܸܠܘܼܝܵܐ.
1ܫܲܒܚܘܼܢ، ܝܵܐ ܪܹ̈ܓܵܘܵܬܹܐ ܕܡܵܪܝܵܐ،
ܫܲܒܚܘܼܢ ܠܫܸܡܵܐ ܕܡܵܪܝܵܐ.
2ܗܵܘܹܐ ܫܸܡܵܐ ܕܡܵܪܝܵܐ ܒܘܼܪܟ݂ܵܐ،
ܡ̣ܢ ܐܵܕܝܼܵܐ ܘܗܲܠ ܥܵܠܲܡ.
3ܡ̣ܢ ܙܪܵܩܵܐ ܕܫܸܡܫܵܐ ܗܲܠ ܓܢܵܝܬܹܗ،
ܦܵܐܹܫ ܫܘܼܒܚܵܐ ܫܸܡܵܐ ܕܡܵܪܝܵܐ.
4ܪܵܡܵܐ ܝܠܹܗ ܥܲܠ ܟܠܲܝܗܝ ܐܸܡܘܵܬܹ̈ܐ ܡܵܪܝܵܐ،
ܥܸܠܸܠ ܡ̣ܢ ܫܡܲܝܵܐ ܝܠܹܗ ܐܝܼܩܵܪܹܗ.
5ܡܵܢܝܼ ܝܠܹܗ ܐܲܝܟ݂ ܡܵܪܝܵܐ ܐܲܠܵܗܲܢ،
ܕܟܹܐ ܝܵܬܹܒ݂ ܒܪܵܘܡܵܐ،
6ܕܟܹܐ ܟܵܐܹܦ ܠܸܚܙܵܝܵܐ
ܒܫܡܲܝܵܐ ܘܒܐܲܪܥܵܐ؟
7ܟܹܐ ܡܲܩܸܡ ܡ̣ܢ ܥܲܦܪܵܐ ܡܸܣܟܹܢܵܐ،
ܡ̣ܢ ܣܘܼܠܬܵܐ ܟܹܐ ܡܲܪܸܡ ܣܢܝܼܩܵܐ،
8ܠܡܲܬܘܼܒܹܗ ܥܲܡ ܢܲܨܝܼܚܹ̈ܐ،
ܥܲܡ ܢܲܨܝܼܚܹ̈ܐ ܒܓܵܘܵܐ ܕܥܲܡܹܗ.
9ܟܹܐ ܝܲܗ݇ܒܸܠ ܒܲܝܬܵܐ ܠܥܩܲܪܬܵܐ،
ܠܸܗܘܵܝܵܐ ܝܸܡܵܐ ܚܕܝܼܬܵܐ ܕܒܢܘܿܢܹ̈ܐ. ܗܲܠܸܠܘܼܝܵܐ.
Právě zvoleno:
ܡܙܡܘܪ̈ܐ 113 (ܩܝܓ): ABTAB
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Aramaic Bible Translation Assyrian Bible © 2025 Aramaic Bible Translation