SHURAI 50
50
1Süthaisü Josef nou puh puo hi kaokouloua krare alia puo pah münou teire. 2Josef nou puh puo thaiphao nasü tahmore donou pou napeio tea puh kilai maitao hisü kharochi peie. Sübüa puh kilai maitao nou puh puoye pou napeie. 3Tahmore donou pou nayu hai teithe raidai loure, daiolouzü sübüa souyu hai teithe süzhou louyu maizhaie. Alia Ejipt mainou puhye donou teithe rainai dopfü peie.
4Josef nou dopfüa krayu teile cheyu thaisü veo vei peikho maitao hisü puhnou paoe, “Zhuvea chipao haitao veo hi taho paopeio: 5Süolouzü apuo nou thaire phaki, puhnou Kanaan teidei hi souda khaitouyu khüh nahisü puhvei thaiphao nasü pove vuh peio tea Eye panou chaachou souwure. Südonou Eye panou apuo thaiphao nasü poho vuh peio, ae süthaisü E haihi dakhai ve-a bailai.”
6Veo nou chila peie, “Nenou chaachou souyu thaifüa nepuo thaiphao nasü poho vuh peio.”
7Südonou Josef nou puh puoye vuhre donou tare. Puhye koa satayu hai Pharaoh vei peikhomai hrülai, puh kikhamai hi tsümaitao, alia Ejipt hi matsümai hrülai koa tapeie. 8Josef kikhamai hrülai, puh thaihou jürai maitao, alia puh puo kikhamai hrülai-a puh puoye poa vuhre donou tae. Tamoa Goshen hi buyu hai puletao vei nahmaitao, zhaotu, nghitu ae kikhaorü likhi baie. 9Rhei pfüyu mai ae rheiluki pfüyu mai-a puhye koa tae. Puletao tayu maitao hai me aduli soua tae.
10Puletao nou Jordan teinghi palo Atad tea kuyu thaibuh hi veyu phaki, puletao nou sühi sünou levea-a teile taoli dopfüa krae. Josef nou teithe anai sü dopfüyu naanou soue. 11Kanaan nuhdu hi mainou puletao nou Atad hinou dopfüa krayu ngaoloua “Ejipt hi mainou daizhou koute leveayu naanou soua busa!” tea paore. Südonou buh sünasü Abel Mizraim (Dopfüyu buh) tea sapeie.
12Sükua Jakob nahmaitao nou puletao puo nou kharochi peiyu na thaifüa soupeie. 13Athai mai vuhyu buh soulai tea Abraham nou Hitmai puona Ephron hinou hülouyu Kanaan teidei hi buyu Mamre teinghi palo Makpelah chuh qulu hisü Jakob pfüphao pfükhe vuh peie. 14Josef nou puh puoye vuhyu thaisü puh thaihou jürai maitao, alia puhye sa-a tayu mai hrülai koa Ejipt hisü dakhai tare.
Josef nou Puh Thaihou Jürai Maitaoye Le Souva Peiyu
15Puletao puo thaiyu thaisü, Josef jürai maitao nou haibüa tsüchore, “Etao nou raichoki puh hi hashi soupei khaitouyu süna vanou puhnou chuo Eletaoye ngaora loua khü phoulai tea bua malae.” 16Südonou puletao nou Josef hisü haibüa chi paosei tare, “Etao puo thaimo jünou, puhnou Etao hi haibüa paoe, 17‘Nehi hashi soukhai touyu ne jürai maitao mah khaipeio tea Josef hi paopeio toue’. Südonou chuo ne puo Ramai kilai Etao nou soukhai touyu mah nasü khaipeio tea khowe.” Josef nou chipao haitao süloukhaie, puhsü krare.
18Puh jürai maitao-a tave puh phi hi nakouloua paoe, “Zhukhaio, Eletao hai nevei qila baie.”
19Ana Josef nou puletao hisü paoe, “Ngaopiso, daiolouzü Esü Ramai moe. 20Neletao nou ahi hashi soulai tea soue, ana Ramai nou sünasü chu hria buyu mai haitaoye souhri loure donou havei hilo souda thoupeie. 21Südonou halia ngaopiso, Enou neletaoye alia neletao nahmaiye kipeilai.” Sübüa puhnou puh jürai maitao hisü paila aveih nou paopeie alia le souva sapeie.
Josef Thaiyu
22Josef nou puh puo kikhamai koa Ejipt hinou hrükoue. Puhnou thaitayu phaki puhvei po hai kaihlia kirou pae. 23Puh hai Ephraim nahmai maiphao asü chena koute ngaolou hie, alia Manasseh nahpoutu Makhir nahmai-a puh khoubou hinou taopoa nahnahie. 24Puhnou chinamaitao hisü paoe, “Esü chuo thaita laire, ana Ramai nou neletaoye veikhai timoa salai peilai, alia dei haina hinou sapaloua Abraham, Isaak ae Jakob hi apaopei khaitouyu dei süna hisü neletaoye save thoupeilai.” 25Süthaisü Josef nou puhmaitao hisü “Ramai nou neletaoye buh sünahi save thoupeiyu kisü, neletao nou avei pfüphao hai poa buh sühi pove khaipeilai” tea chaachou soupeio toure. 26Sübüa Josef nou po 110 mailoua thaire. Puletao nou puhvei pfüphao sü tahmoyu pou naloua sübvü hisü thouloure.
Právě zvoleno:
SHURAI 50: POUMBSI
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
SHURAI 50
50
1Süthaisü Josef nou puh puo hi kaokouloua krare alia puo pah münou teire. 2Josef nou puh puo thaiphao nasü tahmore donou pou napeio tea puh kilai maitao hisü kharochi peie. Sübüa puh kilai maitao nou puh puoye pou napeie. 3Tahmore donou pou nayu hai teithe raidai loure, daiolouzü sübüa souyu hai teithe süzhou louyu maizhaie. Alia Ejipt mainou puhye donou teithe rainai dopfü peie.
4Josef nou dopfüa krayu teile cheyu thaisü veo vei peikho maitao hisü puhnou paoe, “Zhuvea chipao haitao veo hi taho paopeio: 5Süolouzü apuo nou thaire phaki, puhnou Kanaan teidei hi souda khaitouyu khüh nahisü puhvei thaiphao nasü pove vuh peio tea Eye panou chaachou souwure. Südonou Eye panou apuo thaiphao nasü poho vuh peio, ae süthaisü E haihi dakhai ve-a bailai.”
6Veo nou chila peie, “Nenou chaachou souyu thaifüa nepuo thaiphao nasü poho vuh peio.”
7Südonou Josef nou puh puoye vuhre donou tare. Puhye koa satayu hai Pharaoh vei peikhomai hrülai, puh kikhamai hi tsümaitao, alia Ejipt hi matsümai hrülai koa tapeie. 8Josef kikhamai hrülai, puh thaihou jürai maitao, alia puh puo kikhamai hrülai-a puh puoye poa vuhre donou tae. Tamoa Goshen hi buyu hai puletao vei nahmaitao, zhaotu, nghitu ae kikhaorü likhi baie. 9Rhei pfüyu mai ae rheiluki pfüyu mai-a puhye koa tae. Puletao tayu maitao hai me aduli soua tae.
10Puletao nou Jordan teinghi palo Atad tea kuyu thaibuh hi veyu phaki, puletao nou sühi sünou levea-a teile taoli dopfüa krae. Josef nou teithe anai sü dopfüyu naanou soue. 11Kanaan nuhdu hi mainou puletao nou Atad hinou dopfüa krayu ngaoloua “Ejipt hi mainou daizhou koute leveayu naanou soua busa!” tea paore. Südonou buh sünasü Abel Mizraim (Dopfüyu buh) tea sapeie.
12Sükua Jakob nahmaitao nou puletao puo nou kharochi peiyu na thaifüa soupeie. 13Athai mai vuhyu buh soulai tea Abraham nou Hitmai puona Ephron hinou hülouyu Kanaan teidei hi buyu Mamre teinghi palo Makpelah chuh qulu hisü Jakob pfüphao pfükhe vuh peie. 14Josef nou puh puoye vuhyu thaisü puh thaihou jürai maitao, alia puhye sa-a tayu mai hrülai koa Ejipt hisü dakhai tare.
Josef nou Puh Thaihou Jürai Maitaoye Le Souva Peiyu
15Puletao puo thaiyu thaisü, Josef jürai maitao nou haibüa tsüchore, “Etao nou raichoki puh hi hashi soupei khaitouyu süna vanou puhnou chuo Eletaoye ngaora loua khü phoulai tea bua malae.” 16Südonou puletao nou Josef hisü haibüa chi paosei tare, “Etao puo thaimo jünou, puhnou Etao hi haibüa paoe, 17‘Nehi hashi soukhai touyu ne jürai maitao mah khaipeio tea Josef hi paopeio toue’. Südonou chuo ne puo Ramai kilai Etao nou soukhai touyu mah nasü khaipeio tea khowe.” Josef nou chipao haitao süloukhaie, puhsü krare.
18Puh jürai maitao-a tave puh phi hi nakouloua paoe, “Zhukhaio, Eletao hai nevei qila baie.”
19Ana Josef nou puletao hisü paoe, “Ngaopiso, daiolouzü Esü Ramai moe. 20Neletao nou ahi hashi soulai tea soue, ana Ramai nou sünasü chu hria buyu mai haitaoye souhri loure donou havei hilo souda thoupeie. 21Südonou halia ngaopiso, Enou neletaoye alia neletao nahmaiye kipeilai.” Sübüa puhnou puh jürai maitao hisü paila aveih nou paopeie alia le souva sapeie.
Josef Thaiyu
22Josef nou puh puo kikhamai koa Ejipt hinou hrükoue. Puhnou thaitayu phaki puhvei po hai kaihlia kirou pae. 23Puh hai Ephraim nahmai maiphao asü chena koute ngaolou hie, alia Manasseh nahpoutu Makhir nahmai-a puh khoubou hinou taopoa nahnahie. 24Puhnou chinamaitao hisü paoe, “Esü chuo thaita laire, ana Ramai nou neletaoye veikhai timoa salai peilai, alia dei haina hinou sapaloua Abraham, Isaak ae Jakob hi apaopei khaitouyu dei süna hisü neletaoye save thoupeilai.” 25Süthaisü Josef nou puhmaitao hisü “Ramai nou neletaoye buh sünahi save thoupeiyu kisü, neletao nou avei pfüphao hai poa buh sühi pove khaipeilai” tea chaachou soupeio toure. 26Sübüa Josef nou po 110 mailoua thaire. Puletao nou puhvei pfüphao sü tahmoyu pou naloua sübvü hisü thouloure.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.