SHURAI 49
49
Jakob vei Akhai Chipaotao
1Jakob nou puh nahpoutu maitaoye kuloua paoe, “Neletao haihi tave jülowo, Enou haithailo neletao mai alili hi daie vepalai touyu khesü paopeilai.
2“Jakob nahpoutu maitao tave jülo alia keilo,
Neletao puo Israel vei paila keilowo.
3“Reuben, anah poutu atsükhana, ne hai avei khouchie,
alia avei khouchi thou shishiraio nasüe,
Anah poutu maitao hrohinou ne hai khaosou khanae ae khouchi bukhanae.
4Ne sü reidzüdu büwe,
ana ne sü matsü khana soulou hore,
daiolouzü nenou akhapfü sazüwure,
alia nepuo züphao sü souzhai peiwure.
5“Simeon ae Levi hai chinae,
Puhai nou basei poloua poushiyu vahso soure.
6Puhai vei kheichi phayu hisü E loulai moe,
Puhai vei pame hisü E loulai moe,
Daiolouzü puhai nou rarou lekha pfüa maiye southawe,
alia puhai nou panü soua chode phi shaode peiwe.
7Puhai vei lekha nasü panou chaa pfütheo,
daiolouzü haisü ngaopi shore, rarou hisü chaa bulai,
daiolouzü haisü khushore.
Enou puhaiye sü Jakob kikhamai hinou porasa touwulai,
alia Israel mai hrohinou puhaiye sü porarou peiwulai.
8“Judah, ne thaihou jürai maitao nou neye paosholai.
Ne bah nou neye ngaobamai vei ngu hinou leihloulai.
Ne thaihou jürai maitao nou neye nakouloua khurülai.
9Judah hai souveo khihaoe,
Puhye haiyu maiye southawua lah puh phehi dakhailou bubaie,
Puhnou zünü louzü züloulai ae tanü louzü taloulai Mailia puhye daihao louhoe.
10Judah bah hinou veo vei süpo bukou telai,
Puh vei tounah taonou vekou teloulai.
Tyahrü khemai nou puh hisü kalona pove peilai,#49.10 Haibüyu phae Tyahrü...peilai; Hebrew hi haina hai sheesha timoe.
alia puh chi züa puhye khurülai.
11Puhvei rheisüh teutu hai darkhabe ali hi khikhaitoue,
darkhabo aveih khana hi khikhai toue.
Puhvei sabanü hai darkhadzü horayu hinou shaowe.
12Puhvei nghithou sü darkhadzü keyu vanou holai,#49.12 Puhvei nghithou...holai; moa Puhvei nghithou hai zhaoh jünou ho hie, ae puhvei huh hai chonaodzü jünou kaa hie.
Puh husü chonaodzü keyu vanou kapha toulai.
13“Zebulun sü zai khupe hinou hrülai.
Phu buh sü dzüluki achaoyu buh soulai,
alia puhvei deirai hai Sidon hi koutelai.
14“Issakar hai khoushoyu rheisü ali büwe,
zhaokhome ahai ko hinou buyu bülai.
15Ana puhnou asoyu buh veiwe alia deisü buhvayu deie tea zhingaoloue.
Südonou puhsü kou pfüre donou puh khea kikouh loua alia pfüchi loua vah souyu qila soutare.
16“Dan nou puhvei maitao pei kholai.
Puletao hai-a Israel mai khü kukheli bülai.
17Dan hai ludupe hi buyu nghou ali bülai,
Lududo hi shishoyu nghou ali bülai,
rhei phi hi daopeilai,
sükua rhei pfülaiyu nasü thailo kaotalai.
18“Mapao, nevei khailu peiyu nasü Enou khoa bue.
19“Gadye sü vaotou mai menou huloulai,
ana puhnou reidakhai veloua puletaoye sü ngoulai loulai.
20“Asher vei deisü thouh alao palai,
Veo maili nou toulou veiyu touso sü puhnou peiloulai.
21“Naphtali hai veishoa teutu toupeiyu,
ae ladosoua tutayu shuh ali bülai.#49.21 Naphtali...bülai; moa Naphtali hai veishoa lapayu süübotao bülai.
22“Josef hai thouh veishoyu sübo nasüe,
dzüla ali pe hinou paopayu süübe nasüe.
Puhvei sübo khesü bouvo keilah palai.
23Ngaoba mainou puhye soutaosou dulai,
alia puhye sü voulou ae louthou nou poa thaingou talai.
24Ana puhvei lou sü lülaimoe,
alia puh baokao sü Khoukhoulai Jakob vei Ramai,
Zhaokhowo vei zhih hinou,
Israel maivei Chudu nanou soukhou peilai.
25Ne puo vei Ramai nou neye sü soukha peiwe,
Khoukhoulai Ramai nou neye sü shiha peiwe
Peilo buyu rakiva vei shiha ae deikhe buyu shiha,
kikhaorü ae tounah vei shiha khesü neye peiwe.
26Ne puo vei shiha hai akhai hayu deichi vei shiha jünou veihie,
akhai hayu deitao vei na jüpatao jünou kohie.
Haibüyu shihatao sü Josef pei hi panou bulou theo.
Chinamaitao hinou dokupa khaitouyu süna pei hi panou bulou theo.
27“Benjamin hai haishiyu nüsei bülai,
puhnou shona-a ae koukhe-a touso sü ngaoloulai.”
28Haitao hai Israel mai khü kiahai taoe,
alia haitao sü puletao puo nou puletao mailili hi shiha peia akhai chi paopeiyu chipao taoe.
Jakob Thaiyu ae Puhye poa Vuh peiyu
29Süthaisü Jakob nou puh nahpoutu maitao hisü haibüa kharochi peie, “Chuo Esü apuo-paoh maitao hi veta laire. Eye Hitmai puona Ephron vei dou hi buyu chuh qulu nahi apuo-paoh maitaoye koa vuh peio. 30Sünasü Abraham nou Hitmai puona Ephron hinou athaimai vuhyu buh soure donou hülouyu Mamre teinghi palo buyu Makpelah chuh qulu nasüe. 31Buh sühisü Abraham ae puh chapfü Sarah, Isaak ae puh chapfü Rebekah, alia Enou Leahye sü poa sühi vuh peie. 32Dou alia sühinou buyu chuh qulu nasü Hitmai hinou hüloue. Eye sühi pove vuh peio.” 33Jakob nou puh nah maitao hi chi paodouretao paodou cheyu thai, puhsü züphao hi dakhaipa zütare alia sühinou puhsü thaitare.
Právě zvoleno:
SHURAI 49: POUMBSI
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.
SHURAI 49
49
Jakob vei Akhai Chipaotao
1Jakob nou puh nahpoutu maitaoye kuloua paoe, “Neletao haihi tave jülowo, Enou haithailo neletao mai alili hi daie vepalai touyu khesü paopeilai.
2“Jakob nahpoutu maitao tave jülo alia keilo,
Neletao puo Israel vei paila keilowo.
3“Reuben, anah poutu atsükhana, ne hai avei khouchie,
alia avei khouchi thou shishiraio nasüe,
Anah poutu maitao hrohinou ne hai khaosou khanae ae khouchi bukhanae.
4Ne sü reidzüdu büwe,
ana ne sü matsü khana soulou hore,
daiolouzü nenou akhapfü sazüwure,
alia nepuo züphao sü souzhai peiwure.
5“Simeon ae Levi hai chinae,
Puhai nou basei poloua poushiyu vahso soure.
6Puhai vei kheichi phayu hisü E loulai moe,
Puhai vei pame hisü E loulai moe,
Daiolouzü puhai nou rarou lekha pfüa maiye southawe,
alia puhai nou panü soua chode phi shaode peiwe.
7Puhai vei lekha nasü panou chaa pfütheo,
daiolouzü haisü ngaopi shore, rarou hisü chaa bulai,
daiolouzü haisü khushore.
Enou puhaiye sü Jakob kikhamai hinou porasa touwulai,
alia Israel mai hrohinou puhaiye sü porarou peiwulai.
8“Judah, ne thaihou jürai maitao nou neye paosholai.
Ne bah nou neye ngaobamai vei ngu hinou leihloulai.
Ne thaihou jürai maitao nou neye nakouloua khurülai.
9Judah hai souveo khihaoe,
Puhye haiyu maiye southawua lah puh phehi dakhailou bubaie,
Puhnou zünü louzü züloulai ae tanü louzü taloulai Mailia puhye daihao louhoe.
10Judah bah hinou veo vei süpo bukou telai,
Puh vei tounah taonou vekou teloulai.
Tyahrü khemai nou puh hisü kalona pove peilai,#49.10 Haibüyu phae Tyahrü...peilai; Hebrew hi haina hai sheesha timoe.
alia puh chi züa puhye khurülai.
11Puhvei rheisüh teutu hai darkhabe ali hi khikhaitoue,
darkhabo aveih khana hi khikhai toue.
Puhvei sabanü hai darkhadzü horayu hinou shaowe.
12Puhvei nghithou sü darkhadzü keyu vanou holai,#49.12 Puhvei nghithou...holai; moa Puhvei nghithou hai zhaoh jünou ho hie, ae puhvei huh hai chonaodzü jünou kaa hie.
Puh husü chonaodzü keyu vanou kapha toulai.
13“Zebulun sü zai khupe hinou hrülai.
Phu buh sü dzüluki achaoyu buh soulai,
alia puhvei deirai hai Sidon hi koutelai.
14“Issakar hai khoushoyu rheisü ali büwe,
zhaokhome ahai ko hinou buyu bülai.
15Ana puhnou asoyu buh veiwe alia deisü buhvayu deie tea zhingaoloue.
Südonou puhsü kou pfüre donou puh khea kikouh loua alia pfüchi loua vah souyu qila soutare.
16“Dan nou puhvei maitao pei kholai.
Puletao hai-a Israel mai khü kukheli bülai.
17Dan hai ludupe hi buyu nghou ali bülai,
Lududo hi shishoyu nghou ali bülai,
rhei phi hi daopeilai,
sükua rhei pfülaiyu nasü thailo kaotalai.
18“Mapao, nevei khailu peiyu nasü Enou khoa bue.
19“Gadye sü vaotou mai menou huloulai,
ana puhnou reidakhai veloua puletaoye sü ngoulai loulai.
20“Asher vei deisü thouh alao palai,
Veo maili nou toulou veiyu touso sü puhnou peiloulai.
21“Naphtali hai veishoa teutu toupeiyu,
ae ladosoua tutayu shuh ali bülai.#49.21 Naphtali...bülai; moa Naphtali hai veishoa lapayu süübotao bülai.
22“Josef hai thouh veishoyu sübo nasüe,
dzüla ali pe hinou paopayu süübe nasüe.
Puhvei sübo khesü bouvo keilah palai.
23Ngaoba mainou puhye soutaosou dulai,
alia puhye sü voulou ae louthou nou poa thaingou talai.
24Ana puhvei lou sü lülaimoe,
alia puh baokao sü Khoukhoulai Jakob vei Ramai,
Zhaokhowo vei zhih hinou,
Israel maivei Chudu nanou soukhou peilai.
25Ne puo vei Ramai nou neye sü soukha peiwe,
Khoukhoulai Ramai nou neye sü shiha peiwe
Peilo buyu rakiva vei shiha ae deikhe buyu shiha,
kikhaorü ae tounah vei shiha khesü neye peiwe.
26Ne puo vei shiha hai akhai hayu deichi vei shiha jünou veihie,
akhai hayu deitao vei na jüpatao jünou kohie.
Haibüyu shihatao sü Josef pei hi panou bulou theo.
Chinamaitao hinou dokupa khaitouyu süna pei hi panou bulou theo.
27“Benjamin hai haishiyu nüsei bülai,
puhnou shona-a ae koukhe-a touso sü ngaoloulai.”
28Haitao hai Israel mai khü kiahai taoe,
alia haitao sü puletao puo nou puletao mailili hi shiha peia akhai chi paopeiyu chipao taoe.
Jakob Thaiyu ae Puhye poa Vuh peiyu
29Süthaisü Jakob nou puh nahpoutu maitao hisü haibüa kharochi peie, “Chuo Esü apuo-paoh maitao hi veta laire. Eye Hitmai puona Ephron vei dou hi buyu chuh qulu nahi apuo-paoh maitaoye koa vuh peio. 30Sünasü Abraham nou Hitmai puona Ephron hinou athaimai vuhyu buh soure donou hülouyu Mamre teinghi palo buyu Makpelah chuh qulu nasüe. 31Buh sühisü Abraham ae puh chapfü Sarah, Isaak ae puh chapfü Rebekah, alia Enou Leahye sü poa sühi vuh peie. 32Dou alia sühinou buyu chuh qulu nasü Hitmai hinou hüloue. Eye sühi pove vuh peio.” 33Jakob nou puh nah maitao hi chi paodouretao paodou cheyu thai, puhsü züphao hi dakhaipa zütare alia sühinou puhsü thaitare.
Právě zvoleno:
:
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
Poumai Naga Bible - SHEEYU BAIBEL
Copyright © 2009 by The Bible Society of India
Used by permission. All rights reserved worldwide.