Oblíbené biblické verše z Lukɨ 15

Sdílet

Sarevɨ sai ganɨmaangeryawɨnnei kaanna wɨna. Sara kaanna wɨna yake sai menya keiba kuna widavadaa'nyɨ ganɨmaangei tɨnna maranganna. Tɨnna maranganna yɨna yaka ganɨmaangere kale sahwarɨna yenyɨ'nanganna wiadaa'nyɨ kaanyave'na walyuna yaka gannya kaimɨraayarɨ walyagalamujɨraawɨna yɨna yaka maangwɨdaanyaba bu'buta marina.

Sare' dare'nanyɨ. Nɨmɨre kaimɨraaya dathai mena bainɨkei, kɨrɨ' dahaa' sai gaala ayɨna mwaalɨka. Mena yadakwokei, kɨrɨ' nemɨ ayɨna bɨramaa'mwolyɨra.’ Sara daka wapeyɨdɨka naanga pɨrɨ' yɨna.

Sarɨmɨnyɨ yɨhɨthɨvanɨge. Sasarebaaibɨ', Sɨgunyavɨ mwaaidɨvɨsara yɨlaaya yadɨvɨsarera. A'mwe naaidi naainɨyara ‘ “Nemɨ yɨda'maraangeina,” dadaa sɨmunya mudɨkebwi yawɨramaarya'neina mamwaalyɨgoinera!’ yawɨ'dɨvɨsara yɨ sahwaraavɨna yɨlaaya myadɨvɨsasɨ. Kɨrɨ' a'mwe kayaa'na yade pwai sɨmunya mudɨkebwi yawɨramaarajarɨna yɨlaaya naanga yadɨvɨsasɨ.

Baa'nana! Nɨmɨ wɨladaa'na ya'mujɨ nɨnnya nɨmwaryawɨnna ayɨna wɨde'nanyɨ. Sara ya'mujɨ nɨmwarɨ dara wɨdɨdeinyɨ. Nɨmwai, nɨmɨ kayaa'nanyabwi sana yɨweinyɨ. Sɨgunyavɨya Gotɨyarɨjɨ gɨmɨnyɨjɨ kayaa'nanyabwi sana yɨweinyɨ.

Bu'buta marina yadaa'nyɨ gawaalɨvaangei wɨdɨna ‘Nɨmwai, nɨmɨ kayaa'nanyabwi sana yɨweinyɨ. Sɨgunyavɨya Gotɨyarɨjɨ gɨmɨnyɨjɨ kayaa'nanyabwi sana yɨweinyɨ. Dahaa' nɨmɨ a'mwe nawɨ'nyainyɨ mɨ'. Nɨmɨnyɨna ayawɨdaa'nyɨ “Nɨmɨre kaimɨraayalyɨra,” nyɨdɨnneinyɨ mɨka!’

“A'mwe pwai sarɨmɨjɨyai sipɨzipɨya (100) waanɨ aadɨretɨya kɨnɨnnakei, nabaai sipɨzipɨya pwai sangineba yadaa'na kyojɨ sipɨzipɨyangɨ gyakwalaangei (99) naaidi naainɨyangɨ pimagɨ a'mwamaayaba yagalya'ma'na yojɨ kurɨvaarɨya nɨda'nadaapi kaanna wɨna sipɨzipɨya pwai yadaavajaina bɨramaarajahaa'na. Sarɨmɨjɨyai sara yadei midaaka!