Oblíbené biblické verše z लु 7

Sdílet

ओना इया़तेञ मेतामकाना, “नुयाक् का़इको, ओने आ़डि ओकोच्‌ताय, इका़आकानताया, एनते दुला़ड़े सोदोरकेदा आ़डितेत्; ओनाते थोड़ा इका़क्‌तायिच् दो थोड़ागेये दुक्‌ला़ड़ा।” आदो उनि मायजिवे मेतादेया, आमाक् का़इको दो इका़आकानतामा।

आदो जिसु मायजिवे मेतादेया, “आमाक् बिसवा़सगेये बाञचावाकात्‌मेया, निरा़इते सेनजोङमे।”

आर तायोमसेच्‌रे उनियाक् जाङगा ठेन तेङगोकाते राराक्आते मेंत्‌दाक्‌ते उनियाक् जाङगाकिन लोक्‌होत्ए पोरतोनकेदा आर आयाक्‌ बोहोक् उप्‌तेये जोत्‌केदा आर उनियाक् जाङगाय चोक् चोक्आदा आर ओना माहकावक् सुनुमे ओजोक्‌आत्‌ताया।

ओनाते इञते आम ठेन चालाक् लेक हों बा़ञ बुजहा़उलेना; मेनखान काथा बाड़े रोड़ गोत्‌काम आर गुतिकोड़ा दोए बोगेक्‌तिञा। एनते इञ हों एकतिया़रि लाताररे दोहोकान होड़ कानाञ आर इञ लाताररे पालटोन मेनाक्‌कोतिञा; आर मित्‌टेच् इञ मेताय खान, ‘चालाक्‌मे आदोए चालाक्आ; आर एटाक्इच् हिजुक्‌मे आदोए हिजुक्आ, आर इञरेन गुतिञ मेताय खान, नोवा का़मिमे, आदोए का़मिया।’” आदो जिसु नोवाकोय आँजोमकेत् खान उनि रेयाङे हाहाड़ायेना आर आ़चुरेनते आच् पाँजाकान गादेल होड़े मेतात्‌कोवा, “मेतापेकानाञ, इसराएलको मोदरे हों नुन माराङ बिसवा़स दो बा़ञ ञामआकादा।”

उन जोखेच्‌गे जिसु दो आ़डि होड़ रोग आर दुक आर बा़ड़िच् जिउको खोने बोगेकात्‌कोवा आर आ़डि उता़र काँड़ाँ होड़ ञेल ओचोको ला़गित्ए दायावात्‌कोवा। आदोए रोड़ रूवा़ड़ात्‌किना, “दो सेनकाते जोहान बाड़े ला़इयायबेन ओकाकोबेन ञेलकेत् आरबेन आँजोमकेत्; बाङमा, काँड़ाँ होड़को ञेञेलकाना, लेडहा होड़को ताड़ामेदा, मुरहुच् जोम होड़को साफाक्‌काना, काला होड़को आँजोमकाना, गोच् होड़को जिवेत् बेरेदोक्‌काना आर रेङगेच्‌ ओरेच्‌को ठेन भागे सोमबात ला़इयोगोक्‌काना।