Oblíbené biblické verše z Matius 6

Sdílet

Jadik, bèdlod lah nèng-nèng ma Kerajaꞌan Allah bok hoh lah ma nènchèn Rik Nak, dak kenèmbek rik nyob perlu nak akal Allah natabeh keꞌjèk ma nyob.

Jadik agok lah èd-id ma is jakal eh nak, sebab is jakal nak mok enèdꞌid rik mòy wèl. Senusah is doh hòj adik lah untok is doh.”

Sebab nak Yék ichal ma nyob: agok lah èd-id tentang nèsgos nyob, tentang ilok rik nyob nyomgéy bok nyomꞌòng. Dak agok lah èd-id tentang esik nyob bok ilok nyob nyomlòg. Nèsgos nak lebéh penting nòm nèygéy, dak esik nak lebéh penting nòm nèglòg.

Tapik bil nyob bepèꞌtak, mòj lah ma bilik dèꞌrik, chèrtekh lah rèngkak dak bepèꞌtak lah ma Apak nyob. Rik Nak mok keꞌjèk èn tempad kerèndëk nak, dak nanéh ilok rik nyob teꞌèl julak nak, bok akal naꞌog upah ma nyob.

Jadik, bepèꞌtak lah gerèk doh: Yah Apak kandék rik mok èn sorga, had Hãk hék lah Allah. Tulong lah supaye kenèmbek sènꞌòy muhormad ma Hãk. Kandék kiꞌas Hãk hamlãj hamjadik Rajak, dak nènchèn Hãk nambelakuk èn bumi bok gerèk èn sorga.

Og lah che kandék nèygéy rik kiperlu is doh.

Ampon lah dose kandék, gerèk kandék keꞌjèk kiꞌampon ma sènꞌòy rik umbetès-dos ma kandék.

Dak agok lah perak kandék ma kelòj tenarèk, tapik tèrgos lah kandék nòm kuwase Iblis. [Sebab Hãk lah Rajak rik bekuwase, rayak bok terkenal sampéy bilok-bilok. Amin.]

Dak kalòw nyob ampon ma sènꞌòy rik betès-dos ma nyob, Apak nyob èn sorga pon akal naꞌampon ma nyob keꞌjèk.

Néh lah ma mèn chèp èn langid. Chèp nak tok umtèm-tap menéh, tok umbechatuk nègtòg, dak tok mèk-mok dékh nèldol untok mudol nèygéy um. Tapik Apak nyob èn sorga naꞌog nèygéy ma umnak. Dak nyob jerok lebéh penting èn mad Allah nòm chèp nak!

“Agok lah chatuk harte rik ma rik nyob èn duniak doh. Sebab èn anuh garuj ròb karad nalèrꞌes ma harte nyob nak, dak sènꞌòy rik sèjyèj akal umsered mumòj untok museyèj harte nyob nak. Tapik chatuk lah harte èn sorga. Èn anak garuj ròb karad tok dapad namlèrꞌes ma harte nyob nak, dak sènꞌòy sèjyèj tok dapad musered mumòj untok museyèj ma harte nak. Èn lok nyob chatuk harte nyob, èn anak lah nènchèn hup nyob keꞌjèk.”

“Tok mèk-mok néy sènꞌòy pon dapad namkèrjak untok nar tuwan eh mase rik chachod. Sebab nanak akal nacheꞌẽs ma naꞌnéy tuwan eh, dak nasayèkh ma tuwan rik gèhnih. Nanak akal lebéh nasetiye ma néy tuwan eh, dak najèk ma rik gèhnih. Gerèk nak keꞌjèk lah ma nyob: nyob tok dapad nyomkèrjak untok Allah ròb untok kenaye keꞌjèk.

Jadik pechaye lah ma Allah! Rik Nak nalèkh ilok nyob perlu. Dak agok lah èd-id tentang nèglòg. Néh lah ma bungak rik hèn-hin èn béng: bungak nak tok kerèꞌjak bok tok tèlyèl. Tapik Yék ichal ma nyob: yab Rajak Salomo nak kaye geb, tapik tok nalèg-lòg méj gerèk bungak nak. Allah nahiyas rambang èn pantil nak, rik mok is doh tapik ma is jakal eh sènꞌòy nachòkh dak nachur ma os. Jadik, pastik lah Nanak akal najagak ma nyob bok naꞌog nèglòg ma nyob!

Tapik bil nyob nyomꞌog ma sènꞌòy hèl-hal, og lah julak-julak, sampéy tok mèk-mok chok-chok pon namlèkh ilok rik nyob teꞌèl nak. Dak Apak nyob, rik nèh-néh ilok rik nyob teꞌèl julak nak, akal naꞌog upah ma nyob.”

Yèsus nachal wèl, “Bejagak-jagak lah! Agok teꞌèl méj èn mad sènꞌòy hék, supaye munéh ma nyob. Kalòw nyob teꞌèl gerèk nak, nyob akal tok nyob terime upah nòm Apak nyob èn sorga.

“Dak bil nyob beꞌa-òd supaye nyompèꞌtak ma Allah, agok lah uy mad nyob lèꞌjãk, gerèk sènꞌòy rik had umbegèw-gòw méj. Umnak umꞌuy mad umnak rèmnyom untok mupèrnéh umnak umꞌa-òd, supaye sènꞌòy mòy muꞌèhmah ma umnak. Yék kemën ichal ma nyob, had unak hék lah upah rik umdapad. Tapik bil nyob beꞌa-òd bok bepèꞌtak ma Allah, lab lah mad nyob nak, dak ma-muh binyak èn sog nyob bok sikad lah gerèk biyase. Teꞌèl hal nak supaye tok mok chok namlèkh nyob beꞌa-òd, had Allah, Apak nyob hék. Dak Apak nyob, rik nèh-néh ilok rik nyob teꞌèl julak nak, akal naꞌog upah ma nyob.”