Oblíbené biblické verše z Matius 5

Sdílet

Tok mèk-mok néy sènꞌòy pon namchakat peliteh dak namchèrkeb èn dadak bèldi. Tapik rik nak akal nadol peliteh nak èn balikh, supaye namchelakh ma kenèmbek sènꞌòy èn dékh nak. Gerèk nak keꞌjèk, nòm chare nèsgos nyob haros lah nyomjadik chènlakh ma sènꞌòy mòy. Maksod eh, bil sènꞌòy umnéh ma hal méj rik nyob teꞌèl, umnak akal umꞌèhmah ma Apak nyob èn sorga.”

Dak nyob gerèk chènlakh èn duniak rik rèhngah doh — gerèk néy kote èn balikh tangkòl, rik tok dapad mukèrdëk.

Beꞌadés lah sènꞌòy rik hup um kemën-kemën méj èn mad Tuhan, sebab umnak akal umnéh ma Allah!

Beꞌadés lah sènꞌòy rik kemën-kemën umchèn ilok rik kènmën, gerèk sènꞌòy chèꞌrok umchèn mugéy ròb sènꞌòy rik umbesagòl umchèn muꞌòng. Allah akal natèrsey ma umnak!

Tapik Yék imchal ma nyob: sayèkh lah ma mèsmus nyob, dak bepèꞌtak lah untok sènꞌòy rik kèhseh ma nyob.

“Beꞌadés lah sènꞌòy rik hèl-hal èn kelòj ruway um bok umꞌès-as ma Allah hék, sebab umnak lah rik Allah naterime ma kelòj Kerajaꞌan Eh.

Beꞌadés lah sènꞌòy rik betulong ma sènꞌòy mòy muma-méj èn kaban rik, sebab Allah akal nadéh umnak lah kuwòt Eh!

Beꞌadés lah sènꞌòy rik sèhdéh hup puꞌdoh, sebab Allah akal natèrlos enadés umnak.

Beꞌadés lah sènꞌòy rik umderite bil sènꞌòy mòy umkeseh ma umnak sebab umteꞌèl ilok rik kènmën, sebab umnak lah rik Allah naterime ma kelòj Kerajaꞌan Eh!

Beꞌadés lah sènꞌòy rik bekalõn ma sènꞌòy gèhnih, sebab Allah keꞌjèk akal nakalõn ma umnak.

Beꞌadés lah nyob bil sènꞌòy umpègyog, umkeseh, dak umsèꞌlok umchal hal-hal jèdhad tentang nyob sebab nyob hèhoh Yék. Belekh lah, nòm nèng-nèng tòp mok sènꞌòy umkeseh ma nabi-nabi Tuhan gerèk nak keꞌjèk. Jadik, beꞌadés geb lah, sebab Allah hòj natabéh upah rik rayak untok nyob èn sorga.”

Beꞌadés lah sènꞌòy rik lènmun hup um, sebab Allah akal naꞌog kenèmbek bumi jakal ma umnak.

Yèsus nachal wèl, “Nyob rik hèh-hoh ma Yék gerèk garam rik méj èn duniak doh. Tapik kalòw garam nak hòj nabelap, pastik tok dapad nambechuny wèl. Garam bèmlap nak hòj tok begunak wèl, had umbes dak sènꞌòy umjelog. Jadik agok gos gerèk garam rik tok begunak nak!

Haros lah nyob besayèkh ma kenèmbek sènꞌòy! Dak gerèk nak lah nyob akal nyomjadik kemën-kemën méj èn kenèmbek hal, samak gerèk Apak nyob èn sorga kemën-kemën méj èn kenèmbek hal.”

Tapik kalòw maksod nyob ‘Hek,’ chal lah ‘Hek.’ Kalòw ‘Hõy,’ chal lah ‘Hõy.’ Ilok-ilok wèl rik nyob tabeh nyomchal nak nalãj nòm Iblis.”

“Dak nyob hòj nyob keyòkh ilok rik Musa natènglèkh nak: ‘Kalòw sènꞌòy naperèdjèd ma mad atòw mòny sènꞌòy mòy, tèrlos lah nyob pèrjèd ma mad atòw mòny rik nak keꞌjèk.’ Tapik Yék ichal ma nyob: agok lah lawan ma sènꞌòy rik tèlꞌèl jèdhad ma nyob. Kalòw mok sènꞌòy nalepag ma kapõk tep hãh, perak lah namlepag kapõk yèl hãh keꞌjèk.

Jadik, kalòw mad tep hãh natèdꞌéd hãk bedose, kèrlok lah mad hãh nak dak bes! Lebéh méj nahõy néy bahagian esik hãh nak nòm kenèmbek esik hãh nak Tuhan nabes ma nerake. Dak kalòw tikh tep hãh natèdꞌéd hãk bedose, chòkh lah tikh hãh nak dak bes! Lebéh méj nahõy néy bahagian esik hãh nak nòm kenèmbek esik hãh nak Tuhan nabes ma nerake.”