Oblíbené biblické verše z Maruko 16

Sdílet

marengay kanazu i intaw: <<auwa mu i punapunan makaiyaiyan ziya, palenak za fukuing kana tratrautrau ziyan.

na pakutatena' na trau mu mikezang pupana kananni na karepalripalri: malrazam pakalrang kananku ngadan puveruk kana palrar nazu, marengay kana vekal kana ngay na lu'em, manay za lima melak kana unan, 'emaw kana mipadawak mu 'azi kikuwatreng, nu demikes kana kuwaaleng na trau mu, zi 'inava lra na kuwalengan.>>

na pakutatena' zi kisuwap mu, 'azika'azi muvaaw; na 'azi pakutatena' mu, kipupamelri.

mupatraran na temakesi, mukuwa palenaka kana fukuing makaiyaiyan ziya; i Luzu mukasa kanazu kikarun, pakalrang za karepalripalri, wasay kanantu ipalenak na vati maw za tatena'.] [

izu na vangesaran marengay: <<ikakaud! malrazam ku kanmu za maaya' kanizu na kitrehetreh i ziyuzika na Nazalē na trau i Yēsu. 'azi kazu i kani i intaw, marevaaw lra i intaw! na'uwi, ini mu maw nazu tu niretra'an kantaw na kinazuwan.

kazu i dadalan, kemianganger nazu: <<ulra i eman na karuwa puwalrang kanta kemulukulung pusaninin kana varasa' i sulray kana trevelran awa?>> ('alrana izu maw a ma'izang na varasa'.) mawmu teme'ang mena'u nazu mu, na varasa' mu kinulukulung lra pusaninin. kemakawang musavak kana trevelran nazu, mena'u za sasa vangesaran kemayan i tarawalran, mikavang za vulretri' a tatelraw na lrungpaw; salaw mare'alav nazu.