Maruko 16
16
marevaaw i Yēsu
(Matay 28.1-8; Luka 24.1-12; Yohanē 20.1-10)
1a melavat lra kana katalaulepan na wari, na Motara i Maliya, tainataw ni Yakob i Maliya, zi i Salomē mu tremima' za pakauwalringulr, auwa mitrula kanantu zazek ni Yēsu. 2semavalr a katalaulepan na wari, mawziya mupana na kadaw mu, zi mukuwa i trevelran nazu. 3-4kazu i dadalan, kemianganger nazu: <<ulra i eman na karuwa puwalrang kanta kemulukulung pusaninin kana varasa' i sulray kana trevelran awa?>> ('alrana izu maw a ma'izang na varasa'.) mawmu teme'ang mena'u nazu mu, na varasa' mu kinulukulung lra pusaninin. 5kemakawang musavak kana trevelran nazu, mena'u za sasa vangesaran kemayan i tarawalran, mikavang za vulretri' a tatelraw na lrungpaw; salaw mare'alav nazu.
6izu na vangesaran marengay: <<ikakaud! malrazam ku kanmu za maaya' kanizu na kitrehetreh i ziyuzika na Nazalē na trau i Yēsu. 'azi kazu i kani i intaw, marevaaw lra i intaw! na'uwi, ini mu maw nazu tu niretra'an kantaw na kinazuwan. 7pakunamun uwa pakalrazami nantu temakesi, paramamaw i Pētēro, rengayu: <kinganguwayan i intaw kanmu mukuwa i Galili, kazu i kazu, karuwa mu mena'u kantaw, kamawan kanantu nirengayan kanmu.> >>
8maherareher nazu zi makakaud, payas penusar muveruk i trevelran, pavekas muvuruk. 'azi marengay kani emaeman kanini na lremak nazu, 'alrana makakaud nazu.
ulra pidaya na awatranan lulun i pa'avalr i makalusu na ngay.
i Yēsu pakurena'u kana Motara i Maliya
(Matay 28.9-10; Yohanē 20.11-18)
[ 9a semavalr kana kasungalan na wari, a marevaaw lra i Yēsu mu, inguwanguwayan pakurena'u kana Motara i Maliya (i Yēsu venawi lra pupana kemay kanantu zazek za pituwa na palrar.) 10i intaw mukuwa marengaya kanazu na kurelrang kani Yēsu na trau; penauwa nana tu anger trematrangis nazu. 11nazu kinger za marevaaw i Yēsu zi mena'u lra i Maliya kantaw kananni na pakalrazam mu, mawmu 'azi pakutatena'.
pakurena'u kana zazuwa na temakesi
(Luka 24.13-35)
12kanini na lremak i likuzan mu, i Yēsu muvalis za zuma tu pinizazekan pakurena'u kana makuwa i zekalr na zazuwa na temakesi. 13ini na zazuwa muruma' marengay kana zuma na temakesi, 'azi ziyan pakutatena' nazu.
pakurena'u kana papulu' zi sasa na sito
(Matay 28.16-20; Luka 24.36-49; Yohanē 20.19-23; Sito 1.6-8)
14talikuzakuzan lra mu, i Yēsu pakurena'u kana kazu maekan na papulu' zi sasa na sito. maselru kanazu i intaw; 'alrana parainiyan za pakutatena'an zi maureng nazu, 'azi pakutatena' za marevaaw lra i intaw mu na mena'u lra kantaw na trau tu ipakalrazam. 15marengay kanazu i intaw: <<auwa mu i punapunan makaiyaiyan ziya, palenak za fukuing kana tratrautrau ziyan. 16na pakutatena' zi kisuwap mu, 'azika'azi muvaaw; na 'azi pakutatena' mu, kipupamelri. 17na pakutatena' na trau mu mikezang pupana kananni na karepalripalri: malrazam pakalrang kananku ngadan puveruk kana palrar nazu, marengay kana vekal kana ngay na lu'em, 18manay za lima melak kana unan, 'emaw kana mipadawak mu 'azi kikuwatreng, nu demikes kana kuwaaleng na trau mu, zi 'inava lra na kuwalengan.>>
kituluzaw muitras i Yēsu
(Luka 24.50-53; Sito 1.9-11)
19i Luzu Yēsu marengay kanazu kananni na ngay mu, tu kituluzaw lra mukaitrasan, kemayan kana Viruwa i itras i tarawalran. 20mupatraran na temakesi, mukuwa palenaka kana fukuing makaiyaiyan ziya; i Luzu mukasa kanazu kikarun, pakalrang za karepalripalri, wasay kanantu ipalenak na vati maw za tatena'.]
zuma ulra pidaya na awatranan lulun ulra puwaludus na ngay i makalusu.
[ 21 nazu na vavayan mukuwa kirepana'uwa kani Pētēro zi nantu 'ali'an, tu pakalrazamanay kanazu nantu kiningeran. 22 i likuzan mu, i Yēsu pakarun kanantu temakesi i intaw, kemay lauz palru i zaya, palenak kanizu na vangesar, 'azi kuwaatreng, maruwa veray kana trau za venavaaw munayun na vati.]
Právě zvoleno:
Maruko 16: TPN
Zvýraznění
Sdílet
Kopírovat
Chceš mít své zvýrazněné verše uložené na všech zařízeních? Zaregistruj se nebo se přihlas
© The Bible Society in Taiwan, 2023
