Oblíbené biblické verše z Maruko 13

Sdílet

muramawan kananku nirekudayan, kaawiles kanmu mapapiya. mawmu na kerevat semaseker patari puludus na trau mu 'azika'azi muvaaw.>>

taranapaw i inmu, kasenekin, 'alrana 'azi mu malrazam za raredek nu aidan izu na tuki.

a 'emevang kanmu nazu, urungaw mu mukuwa i hoing mu, amanan na iyanguwayan mavangavang za rarengay za eman, palru nu azu, na Viruwa i itras papuanger za eman, zi marengaya za eman i inmu; 'alranu nanmu nirengay amelri nanmu ngay i inmu, a mawna Vangesar Lu'em pakalrang kanmu zi marengay.

uwalremes na lingatr na dare', mawmu nanku ngay 'azi uwalremes munayun.>>

<<kema ta kanizu na uri zazuwa na wari zi na tuki, iniyan za trau za kalrazam; na tēnsi i itras 'azi malrazam, zi na Alrak mu 'azi malrazam, mawmau i Ama na malrazam.

amanan na mawili i dalrep kana lrengaw na matatengez zi i dawilr na matengangetengez na lremak mare'alav. 'azika'azi mupana nanni na lremak; mawmu amelri marengay za meredek lra zantu uwaludusan na pinakalrangan i punapunan.

semeneng, kasenekin i inmu, 'alrana 'azi mu malrazam za uwaruma' nu aidan na miyaruma', aulra uwaruma' nu 'araremeng, aulra nu parekazuwa 'esungan, aulra nu 'iyadenan, aulra nu mupana na kadaw lra. nu maherareher muruma' i intaw mu, 'aziya mena'u kanmu za alralrupe'an ziyan. nanku nirengay kanmu na ngay kemazu maw marengay kana mapapiya: kasenekin i inmu.>>

na saya 'alrayan nu kimatatengez kana zuma a saya na 'alrayan; na saya na kanatal nu tatengez kana zuma na saya na kanatal; ulra i iyan ziya a ngunin zi a savelawan. nanni na lremak tu uwapana mu kamawan kana miaalrak na vavayan tu nanayan za kemiyarakaz.>>

mawmu na fukuing 'azika'azi piyanguwayan palenak kana trau ziyan.

ulra kazuwan a trau venavetra' mingadan kananku ngadan zi zuwa, marengay: <maw ku i Kiristo>, kemazu zi 'emuli'ulid lra kazuwan za trau.

<<taranapaw i inmu, 'alrana 'a'evang kanmu na trau, tuluzanay kana hoing; kiyalrepit mu i waazukan ruma'. muramawan kananku nirekudayan, uri katikezir mu kana menana'u demadikes zi na yawan i ngawayan, wasay kana fukuing.

'alrana mavetra' na Kiristo zi na mavetra' na patralritralri uri uwapana; puwapana za karepalripalri kirekamelri na lremak nazu, kemipiya za kinaruwayan zuwa venavetra'a kanantu pinalimi' na zinekalranan kana Viruwa i itras.

<<a melavat lra nazu na kakuwatrengan na wari mu, uwavalis na kadaw ka'uwaze'uzem, 'azi lra sasenan na vulan, na vitu'en uri uwatrerah kemay lingatr, na nirekudayan i rukup mu uhiyalrehilr.