Oblíbené biblické verše z Luka 6

Sdílet

veray kana trau, zi vaveray kanmu na Viruwa i itras, pawnung vavitawaw za ma'izang, trikatrukaw zi zekezekaw, rukezangu kananmu kinaruwayan murung, patemuyay 'emilra veray kanmu. mimanay mu za eman vakesiyu venakesiyu mu, na Viruwa i itras kemazu pimanay kana mararesan na vakesiyu venakesiyu veray kanmu.>>

na 'inava na trau kemay kanantu anger i savakan na inepetr na 'inavayan mupana a 'inava; na kuwatreng na trau kemay kanantu anger i savakan na inepetr na kuwatrengan mupana a kuwatreng. na trau nu matemuy za eman i anger, zi marengay za eman na udung.>>

'azi, kalramanu na 'alra, ka'inavayu temara nazu; pavulas za paisu kana trau, amanan mianger kipareveliyas. nu kemazu mu, uri kiyaveray mu za merevaw na pakasahar, pawnung uri utu alrak kana maraitraitras na Viruwa i itras, 'alrana i intaw kemazu mulraman temara kanazu na malalup kanantu 'inavayan za trau 'azi parevelaliyas zi na pimamelri kuwatreng na trau.

milramana mu, kamawan kananmu Temama i itras milramanan.>>

<<iparevativati kemuret za trau, zi 'azi taw mu sayvangi na Viruwa i itras; ikakuret za pinamelriyan za trau, zi 'azi kakuret kananmu pinamelriyan na Viruwa i itras; melapusa mu za trau, zi lalapusay mu na Viruwa i itras.

<<mawmu, inmu na kinger kananku ngay mu, marengaya ku kanmu, kalramanu nanmu 'alra, ka'inavayu na awiles kanmu; 'aperezu na penunang kanmu na trau, kiyanuni na semiri kanmu na trau.

nu maranger mu kemuda kitara za trau mu, kemazuwa mu temara kanazu.

ulra a trau semelretra' kanannu mudingan i sannin mu, arusay i sannin paselretra'an kantaw mu! ulra a trau melak kanannu kavang na pakatras mu, arusay na pakesavak paelaku kantaw mu! i eman nu kazu tu kiniyaami kannu mu, zi verayi i intaw; ulra a trau melak kanannu eman mu, amanan na mukuwa kiveraya.

<<na 'inava na kawi 'azi mivavuwa' za kuwatreng, na kuwatreng na kawi 'azi mivavuwa' za 'inava

nu 'inava zi nu kuwatreng na kawi mu malrazam ta mena'u kemay kanantu vuwa'. 'azi mu kaazu kana su'asu'ar malrutr za tepur, kemazu 'azi kaazu kana su'asu'ar i savakan malrutr za budo.