Oblíbené biblické verše z Sito 3

Sdílet

semeneng, uwasalr pakavekal i inmu, uveliyas kana Viruwa i itras, zi lalapus kananmu pinamelriyan i intaw.

marengay i Pētēro kantaw: <<iniyan ku za kim zi ging, mawmu vaveray ku kana ulra ziyan kaninku: pakalrang ku kanantu ngadan na Nazalē na trau i Yēsu Kiristo semeratr kannu, karahan kakawang!>>

kemazu zi i Pētēro kemezeng kanantu lima na tarawalran, parahan kantaw. izu na trau tu kuy zi vetringilan payas lra mikezang, zi menekun, matikezir penatezelr lra, zi kemakawang. zi kurelrang kanazu musavak kana vangesar ruma' i intaw, kemakakawang zi menekunekun, semenay pulihu kana Viruwa i itras.

ini ngadan ni Yēsu tu pinupana na kezang pukezang lra kanini na matripu'. nanmu nina'uwan kinalrazam na mupana i zazek kanini na trau mu mawna nirehayan kana pakutatena' kanantu ngadan. 'alrana i intaw pakutatena' kani Yēsu zi 'inava lra patulre'ay i intaw; zi mena'u mu lra mapiya.