Oblíbené biblické verše z Sito 2

Sdílet

marengay i Pētēro kanazu: <<i inmu kurisaesa uwasalr mapiya, pawnung pakalrang kanantu ngadan ni Yēsu Kiristo kisuwap, maruwaya mu kilapus za pinamelriyan, zi karuwa mu kituluz kanantu iveray na Viruwa i itras na Vangesar Lu'em.

nazu pakasa kipanadam kana sito, kurelrang kanantu wayway na uwakasayan na sevang, kipalrang pa'inava kana lramanan na aekanan, mukasa kiyanun.

tu katemuyay za Vangesar Lu'em nazu mapiya, paturus kanantu iveray na Vangesar Lu'em na kezang kemirakaz marengay kana zuma na ngay.

maherareher za ulra a lrengaw kemay i lingatr mulusu, kamawan za venali za ma'izang na lrengaw, matemuy kanantu kinayanan na ruma' peniya. mena'u ziya nazu tu nirekudayan kamawan za apuy na lidam, maretepitepi', mulusu maziyazi kana kurisaesa i zazek. tu katemuyay za Vangesar Lu'em nazu mapiya, paturus kanantu iveray na Vangesar Lu'em na kezang kemirakaz marengay kana zuma na ngay.

mukasa za anger nazu, kana wariwari kazu muwazuk i vangesar ruma', zi kazu ziya kana raruma'ruma' na trau kipalrang pa'inava za lramanan na aekanan, misemangalan penatezelr i anger zi mukasa mekan, semenay pulihu kana Viruwa i itras, marayas mareka'inavanava kana trau ziya. i Luzu tu puwapuwayay veray kanazu na muvaaw na trau kana wariwari.

marengay na Viruwa i itras: ini maw ku kakudayan nu uwaludus lra i punapunan: vaveray ku kananku Lu'em kana kurisaesa. nanmu lralrak rarengay pakalrazam kananku vati; nanmu vangesaran nana'u kana kirekamelri na nirekudayan; nanmu dawadawan katiya' kana kirekamelri na tiya'.

na sinziya mapiya patrutru mukasa za wayway i uwakasayan na sevang, na ulra ziyan na eman mu pinukasa peniya. zi tu tratrima'anay na 'uma zi pinieman nazu, paturusanay kanantu kinaranger na trau panini kana paisu veray mapapiya.

a azu, na venina ziyan kiyami kanantu ngadan ni Luzu na trau mu 'azika'azi muvaaw.

ka'aremeng na kadaw iniyan za senan; na vulan kamawan kana dara' zemiyar; i Luzu kanizu na kaayawan milihu na wari nu raredek pakangawayan mu, uri uwapana ini peniya.