Oblíbené biblické verše z Ɓalɔma 4

Sdílet

Ɨyɔ, a꞉ɓiomʉ nɔ ɓajatwoko akʉʉ ɔ yaka ngɨyɛ Asɔɓɨɨ a꞉mʉpanaka, nɔ, sɔkɔmʉ báya ngɨangɔ yɨ꞉dɔɓanaka kʉɓanɨ. Yakamɛngana, báya ngɨyɛnɛnɨ yangɔ, yɛ꞉ka ɓumu, nɔ, ɔ꞉pʉnga bibiso Asɔɓɨɨ. A꞉kɨa ɓanɨ dɔ, a꞉ɓio anɨmbɨa nɔ ingono ɓɔ, Asɔɓɨɨ anɔ angu akɨa yaka ngɨyɛ a꞉sugo ɓɔ a꞊kɨa.

Ya ta ɓanɨ ndʉ aka ɓa꞉tɛndakɨa-ɔɔ amati ɔ Mabii ɓɔ: «Dɔ ɨmɨ, na꞉napɨa aɓio ɨsɛ wɔ mababa kɔ ɓombi ɓaja». Abalama a abaa ngɨyeso apɛɨ ɔ Asɔɓɨɨ ngɨa a꞉mʉbaya. Ɨyɔ Asɔɓɨɨ akɛ, anɔ ʉpanʉ aheiso ɓombi ngʉɓa ɓa꞉sio, nɔ akɨa ɓayaka ngʉɓa ɓa꞉ɓiomʉ jɛnɛ pɛɨ akɔ uɓei, ɓɔ ɓiɓio tɨa ɓioni ɓʉɓʉnʉ.

Ɨyɔ Yeso, ɓa꞉mʉgaba aniwekio ɓʉɓɨɓɨ ngʉɓeso nɔ, ɓɔmʉjʉkaniso akɔ ingwo, dɔ, Asɔɓɨɨ ɨtɨsɨka ndʉ ɓombi ɓɔta ngbingbii apɛɨ angɔ.

Abalama a꞉baya, nɔ, ɔ꞉napɨana mʉtɨma akʉʉ ɔ yaka ngɨyɛ mombi angɔnapɨamʉ jɛnɛ-ɔɔ mʉtɨma, kʉdɔ, ɓɔ꞉mʉnapɨa aɓio tɨa ɨsɛ ɔ «mababa kɔ ɓombi ɓaja nɔgbɛ», akɔkpatanakɨa nɔ yaka ngɨyɛ Asɔɓɨɨ a꞉musigio jɛnɛ ɓɔ: «Ɓanɔnɔ ɓɔsɔɔ ɓa꞊ɓio sina ɓaja nɔgbɛ.»

Kʉɓanɨ, yaka ngɨyɛ Asɔɓɨɨ a꞉panaka ndʉ apɛpɛ, yakɔkpatanakɨa nɔ báya, ɓɔ dɔ ɓombi ɓɨnɨanɨa nayɔ ɨngbaa akɔ ɨjɨɔ ngɨangɔ. Yaka ngɨyɛnɛnɨ a꞉ɨpanaka, ya ingono, nɔ, ya akɔ ɓana ɓɔ Abalaama ta ɓaɓomu. Yiɓio Ɓayuda ngʉɓa ɓa꞉kyananakɨa mapanʉ, ga pɔ ɓombi ɓaɓomu ngʉɓa ɓa꞉baya Asɔɓɨɨ ngbanga ndʉ Abalama. Nɔ ɨyɔ Abalama, ɔ꞉natana aɓio tɨa kuku ngɨyeso ɓaɓomu.

«Ɨgyagya nɔ ɓombi ngʉɓa Makwɔɓɨɨ a꞉ɓɨpaakɨa mɨkyananakɨa yɛta gbaɨ, nɔ, ɔkutoko ɓʉɓɨɓɨ ngʉɓeɓo ta kutoko! Ɨgyagya nɔ mombi ngɨa Makwɔɓɨɨ angɔmʉ ɓata apopoko mboi yɔ ɓʉɓɨɓɨ ngʉɓangɔ!»

Dɔ, amati ɔ Mabii ya꞉tɛndanakɨa ɓɔ: Abalaama a꞉baya Asɔɓɨɨ, kʉdɔ, ɨyɔ Asɔɓɨɨ, a꞉mʉsɨka ndʉ mombi ata ngbingbii, akpatanakɨa ta nɔ báya ngɨangɔ.