Oblíbené biblické verše z Ɓalɔma 2

Sdílet

Ʉwɛ, wa ndɨ atunguo ɓɔ waɓwanaka akɔ mʉkɔmbʉ wɔ Asɔɓɨɨ ɓwanakani? Ʉwɛ, ngɨa wakio mʉkɔmbʉ wɔ ɓombi ngʉɓa ɓakɨa ɨkananja yɔ yaka ngɨyɛnɛnɨ, yakamɛngana, ʉwɛ wa ɓata akɨa ngbanga kʉndʉ ɨyɛnɛnɨ. Asɔɓɨɨ a iɗo nɔgbɛ, nɔ a kʉ nɔ mʉtɨma wɔta ʉta nɔgbɛ, kʉ nɔ mʉtɨma wɔ pɛya yaka nɔgbɛ. Ʉwɛ, wa ndɨ anɨna yaka ngɨyɛnɛnɨ ta ɓʉtʉʉ? Wangɔmʉ anɨmbɨa ɓɔ iɗo iɗo ngɨangɔ, yakwanana nɔwɛ asalɨa anicho mʉtɨma ta nɔ ingono?

Ʉwɛ, ngɨa wakio mʉkɔmbʉ ngʉwɔ mangɛ, ɓio anɨ kʉndʉ anɨ, ɓangɔkwananamʉ nɔwɛ anɨnɨa ikoko kʉɓanɨ. Dɔ, ngbinga ngɨa wa-ɔɔ akio mʉkɔmbʉ ngʉwɔ mangɛ, wakiono kʉ nɔ ʉwɔsɔɔ, dɔ ʉwɛ, wakɔkɨa yaka ngbanga kʉndʉ ɨyɛnɛnɨ.

Dɔ, Asɔɓɨɨ angɔnapiokomʉ ɨyɔ ɓombi nɔ mababa.

Yaɓanɨ dɔ, sɔkɔmʉ ɓombi ngʉɓa, ɓanʉka mapanʉ ta nɔ machwei akɛ, ɓa ngbingbii apɛɨ ɔ Asɔɓɨɨ. Yakamɛngana, ya ɓombi ngʉɓa ɓakyananakɨa ʉpanʉ.

Ya ɓanɨ dɔ, Asɔɓɨɨ e꞊njo sina mombi nɔ mombi mʉkaya akpatanakɨa kʉ nɔ yaka ngɨangɔ a꞉ɨkɨa.

Yakamɛngana, akɔ ɓombi ngʉɓa ɓa ɨɓɔ ahata ta ɓʉkɨa ngʉɓeɓo, nɔ, ɓɔyaa yaka yɔ ingono, nɔ, ɓɔɓio akpataka ta yaka yɛta ɓɨɓɨ, ʉnganga wɔta ʉja ngʉwa Asɔɓɨɨ wɛ꞊ka sina akʉʉ eɓo.

Yakamɛngana, ʉwɛ, wa mʉtʉ ɓumu, nɔ, wangɔmʉ akʉnda anecho mʉtɨma. Kʉɓanɨ, wamɔmanaka mʉkɔmbʉ wɔta ʉja, aɓisi ngʉɓa Asɔɓɨɨ apananiso sinani-ɔɔ, ʉnganga ngʉwangɔ, nɔ, kio mʉkɔmbʉ ngbingbii.