Oblíbené biblické verše z Ɓalɔma 1

Sdílet

Kʉɓanɨ, ɨmɨ, nangɔkwamʉ soni aɓɨakɨa Ɨsaʉ yɛta Iɗo. Ɨyɔ, ya ndʉ angu ngɨyɔ Asɔɓɨɨ akɔheiso ɓombi ɓaɓomu ngʉɓa ɓanɔ báya, apʉnganɨa nɔ Ɓayuda, akpatanɨa tɨa kʉ nɔ, ʉɓa, ɓangɔmʉ Ɓayuda.

Dɔ, Ɨsaʉ yɛta Iɗo yakɔpana ɓɔ, Asɔɓɨɨ asɨka mombi ndʉ a ngbingbii apɛɨ angɔ, ta ambɔ mombi ɔngɔ anɔ báya. Nɔ, yatɛndanakɨa amati ɔ Mabii ɓanɨ ɓɔ: «Mombi ata ngbingbii a꞊dya uɓei ta ingbaa akɔ báya.»

Mombi angɔkwanamʉ anɨna Asɔɓɨɨ nɔ mesu. Yakamɛngana, ɓombi ɓɔkangeni yaka ngɨangɔ a꞉ɨkɨa akɔ dɔdɔ, ɓapemiso tɨa kʉ nɔ yaka ngɨyɛ mesu kangɔkwananamʉ anɨna. Ɓapemiso ɓɔ ɨyɔ a, Asɔɓɨɨ ingono, nɔ, angu ngɨangɔ angɔsiomʉ. Ya akʉʉ ɔ yaka ngɨyɛnɛnɨ, ɨyɛ mʉkɔmbʉ wa-ɔɔ amʉtʉ weɓo.

Yaɓanɨ dɔ, gʉtʉ ndʉ ɓanɨmbɨa Asɔɓɨɨ, ɓangɔmʉ nayɔ atʉkʉa ndʉ aka yɔkwanana-ɔɔ, gʉtʉ pɔ nayɔ atosio ʉbɨba. Ambenigɔɓɔpe, itungwio ngɨyeɓo yɛka tɨa ɓɨɓɨ, nɔ, mɨtɨma ngɨyeɓo sɔkɔmʉ nɔ nɨmbɨmbɨanaka, yɛ꞉ka tɨta ndʉ umomo.

Ɓa꞉sɨa yaka yɔ ingono ngɨyɔ Asɔɓɨɨ, nɔ, ɓɔpʉnga kpataka tɨta mʉjɛɛ. Ɓɔɓio abibiso nɔ kyananakɨa lɨkyɛmʉ ngɨlɛ Asɔɓɨɨ a꞉kɨa, ɓɔsɨa nayɔ abibiso ɨyɔ makwɔngɔ ngɨa a꞉kɨa lɨkyɛmʉ liɓomu. Ɨyɔ, ɔkwananɔ nɔ ʉbɨba masi ta maɓomu! Yaɓanɨ.

Asɔɓɨɨ a꞉pananiso ʉnganga ngʉwangɔ anɨngwa akʉʉ ɔ ɓisi, akʉʉ ɔ ɓombi ɓaɓomu ngʉɓa ɓakɨa migbo yɔ mɨkyananakɨa yɛta ɓɨɓɨ di di di. Mɨkyananakɨa yɛta ɓɨɓɨ ngɨyɛnɛnɨ yeɓo, ya꞉nangyo ɓɔ ingono yatiɓiomʉ anɨnɨanɨa.

Ya akʉʉ ɔ yaka ngɨyɛnɛnɨ, ɨyɛ, Asɔɓɨɨ a꞉ɓʉsɨa-ɔɔ akpataka mʉsasa wɔ ndʉtʉ ngʉwa wenjiso soni. Kʉɓanɨ, ɓoi ngʉɓeɓo ɓa꞉sɨa jonokio nɔ ɓague tɨta sɨa, nɔ, ɓɔɓio ajonokio tɨta ati eɓo ɓoi. Ngbanga kʉɓanɨ, ɓague ɓɔsɨa anujonokio nɔ ɓoi, nɔ, ɓɔɓio anɨkwa mʉsasa wɔ ndʉtʉ tɨa kʉ ati eɓo ɓague. Ya yaka yɔ soni ɓague akɨana ati eɓo ɓanɨ. Kʉɓanɨ, ɓakɔhatanaka ɓʉkaɓʉkaɨ ngʉɓa ɓɔsisekio nɔ ɓʉjɛka ngʉɓɔnanɨ, tɨta eɓo ɓakwɔɓɔngɔ. Ndʉ ɨɓɔ ɓa꞉yaa anɨmbɨa Asɔɓɨɨ, kʉdɔ, ɨyɔ, Asɔɓɨɨ a꞉ɓʉsɨa akɔkpata tɨta nɨmbɨmbɨanaka yɛta ɓɨɓɨ ngɨyeɓo, nɔ, ɓɔɓio akɨa yaka ngɨyɛ yɔsisekiomʉ ɓɔ mombi ɨkɨa.

Ɨɓɔ, ɓakɔsɨkana ndʉ ɓa ɓombi ɓɔ nɨmbɨmbɨanaka, ɨnadɔ ɓɔɓieni ta nɔ ɓujangijangi. Akɔ ɨda ngɨyɛ bibiso Asɔɓɨɨ ngɨa angɔwo, ɨɓɔ, ɓabibiso tɨta lisisenio lɔ ɓombi ngʉɓa ɓawo woni, nɔ lisisenio lɔ ɓanoi, nɔ ɓanama, nɔ ɓasɨɨ.