Oblíbené biblické verše z Joon 19

Sdílet

Toro iluwopiyodopure tovi Jisasol wain wuullomaiyo su tovi nyuno sumaiyokwe toga aro adokaikono. “Me'noganoo.” Adokaikono. Toro juno sumaiyokwe gamoro mido tov lugulo'na'no yiuno'no abolokaikono.

Toruda'ai lukomgu Jisasol gamoro womdo me'no sopiyoka tovino kuudo yau'no sumaiyokwe aro adokaikono. “Nuu kuuleyaluko anyunadopiyo.” Jisasolluro yogalo adoka su tov Gooti toolluro yogalo sakwollungiko puruvi suuwiyo imwojo'mokwono.

Aki su toro toga Jisasol gami ganeyago tokwe'aro gami uumjunyokwe kalo buuropino kwinyajuko toonyuge'aro to'mallu wobo toru da'mdowole anakwonokaikono. Toro nakwonyuno sumaiyokwe toga gami ganeyago tovi aro kuudokaikono. “Abolovoo, a'mwo akaigwol gumi kwolaiyo agujumo'nadopiko toollu doonono.” Toro wuujuno sumaiyokwe aki gami uumjunyokwe toonyu aro anyudokaikono. “Oo gumi juneyago agujumo'nadopiko tovi doonono!” Anyudokaikono. Su toro togada'ai nuvu Jisasolluro ganeyago tovi moro ago tomuuno mokavla'mno sumoneyokwe amollomwekelabiyajonyugono.

Toro kuvi kuruv Jisasollu kwonopo to'gwowi me'no aboloka toollu kwonopekono. Toro wonyuno sumaveyokwe gamoro suvlo tovallu marubuutovoporogano. Toro kuvi kuruv a'mwo mollurogudo pwol takubwopto tokwe Jisasolluro suumdo tovi ajuulowosokaikono. Toro ajuulowosoka toga mujako tokwe wonyo tokwe toval kwolabolovakono.

Jisasolluro suvlo tovallu marubuutovopo su tov Gooti toolluro yogalo ajakwollungiko puruvi suuwiyo imwojo'moneyokwe sumo'nokakwono. Yogalo su tov aro sakwollungikokwono. “Gamoro yogudo puru'monodo kuruv marubuutopinokwono.” Sakwollungikokwono. Aki Gooti toolluro yogalo sakwollungiko puruv arokwono. “A'mwo takubwopto tokwe ajuulowosupi tooro a'mwo ajuulowosungiko toollu noonpinekono.” Sakwollungikokwono.

Toruda'ai a'mwo mollurogudo tooro Jisasollu amogaibworomokavlopekono. Toro mogaibworomokavlo'mno sumaveyokwe Jisasol gavnokweyolluro i'noguropte tovi amollukwovomokavlavokaikono. Toro tooro plaino sumaveyokwe kwako puwai ai'movoporogano. Kwako su towai'no yovo tov Mibodopto To'busuko Kwakoveyorukono. Aki Hibruu yogaljo tovida'ai kwako su toru'no yovo tov Goolgootavo dodupudorukono.

Toro gunyukuurumolluno sumaveyokwe aki mollurogudo su tooro amodu'mago agabaiku'nyungiko tov Jisasolluro mido tovi kig pwolluro miguto to'busuko ibweyo'mno aki youro kwallujo tokwe'aro subweyoporogano.