Oblíbené biblické verše z Ruma 13

Sdílet

Ay lag tam kalong kalong gamatangan te, “Tain manga nu fabul aw ku ngay fakaumsigun at mauri?” Tam fagbulun, ani tuwa faningi tam Fagsegan at ngay fagbulun. Faningi tuwa tam Fun Isus ugali.

Galay tam e bedan sa tam iba, salii tuwa. Ay nu nafasali tuwa tam tam bedan, kanya mandi intabu wan. Ay roro di katanya nu antam kesug tam iba. Nu antam kesug tam iba, dangay e fakatabuwan. Teway sik taw nu nasaful tuwa kesug tiba, igfaning yangay ro tam Diyus at ngay suguwan.

Fagayu taw faningi tuwa at ngay fun ste swa daga, teway tam Diyus wan at kinkumsig laman kanya fag ngay taw igmagurang. We taw mafamagurang ste swa daga, tam Diyus nu dway nafili.

teway katabu wan at yabi. Gakayamagun wan. At masuwad, tam Fun Isus gakadasugun wan. Nu katanya, katsi, lag tam fagbulun tagsiginans marum fag ngay fagbulun. Tam fagfagbulunanun, tagsiginan tuwas mayamag fag ngay fagbulun, teway kanya tuwa fag ngay fagbulun tam fanbabo Satanas.

Ay nu gfaning tuwa tam kanya fag sadik suguwan, di long ro tam nanfagbulun tam Diyus at ngay fagsalagun. Teway nu kesug watam tam fadugsay, di long ro tam nanfagbulun mauri sanya fag taw.

Nu katanya, fasaki tuwa nu gsali tam tam buwis. Ay dangay e amatanganan igfalingun tam ngay fun. Amatangani tuwa te, “Kanya tam fun wan, ay iglabi tuwa antam nu e fagmadaragangun.”