Oblíbené biblické verše z Ruma 12

Sdílet

Ay lag faning ste swa daga fag ngay taw at ugali. Ani tuwa fabayani tam Diyus nu gfasine tam amatanganan. Ay tam amatanganan nu masine tuwa, tam ugali umsine yangay. Ay sumaful tuwa tam igfili tagtungul tam fagbulun, takata tam Diyus fasadan. Ay tam Diyus fasadan sa antam, antuwa at masine fag ngay ugali, ay at maumsig fag ngay ugali, ay at yud e sagbat mauri.

Ku ngay fadugsay, aro ginan ku rirukan, nafoyung aw ayu sa baliwa tam Diyus nu kafanyu antam. Ay katsi nasaful wa tam ay, te tam Diyus kafanyu tuwa antam, e fagetun aw ayu. Get aw ayu te, mafonani tuwa sa tam Diyus. Tam bilug nu sedaw, foni wa sa tam Diyus, laman tam famauseganan anya. Tam ugali, fakatai tuwa tam Diyus ugali, kata Diyus fakaumsigun. Katanya tuwa tagtungul nu antam fauseganan tam Diyus.

Ay nasaful watam te, lumag wa ban tam fiya tam Diyus at ngay nafatuyanan sa antam. Nu katanya, useganani tuwa. Ay barisi tuwa katsi tam ngay natakan. Ay mafandarangini sigon.

Ku ngay fadugsay, at mafungkuk fag elongan, dangay tam galabawan at mauri. Ani tuwa baboi. Ay tam fanbabo, kanya tuwa tam fagbulun at masine.

Edkesugani tuwa dawdaw, teway sik dugsayan watam. Ay amatangani tuwa te, bundi si emu am naumsigan at mafanud. At mafanud, sim iba tuwa.

Nu kesug am ay iba, dangay si ay elongan fagtvngvd. Anggan tuwa si ay ngay amatanganan ay si ay ngay fagbulun. Afurati tuwa fagayu at mauri. Ay aumsigi sat masine fagayu.

Ay katvngvd ay fagsafulun, ani tuwa sungatani fasinei ay fagmasadiun.

Ku ngay fagwes, tibak taw dewa gfauri ayu, lag nanfasudan. Fabayani wa Diyus tagfagbulun katanya. Teway sat fanlongan Diyus glong te, “Aw wa ban tagfafoli sat tagfauri ayu. Aw wa ban tagfasudan.” Nu katanya, ku ngay fadugsay, lag fauri tibak taw.

Ay dangay glufuyanan nu gfagbulun tam tam Fun at ngay fagbulun. Umsiganani tuwa.

Ku ngay fadugsay, tam Diyus nafon angku ku fagbulun, laman igfoyung aw at fagalongun sa sangay taw. Ay nu katanya, katsi glong aw ayu te, lag fandaragang sa ay amatanganan. Faamatanganuni tuwa ay ngay fagbulun, te go Diyus kaumsig wa fiya. Teway nasaful watam te, nu sik ngay tagafanud watam, tam Diyus e nafon antam tam ngay fagmafabulun. Nu katanya, faamatanganuni tuwa nu gfagbulun tam.

Ay tibak taw fagbulun sa ayu deyud masine, lag nanfasudan. Fasinei tuwa ay ugali, laman tibak taw lumag te ay fagbulun masine tuwa.

Ay manabayani tuwa nu gudgufudan am. Lag fandaragang sa ay amatanganan te, “Aw wan taglabi ku iba.” Ay lag gamatangan te, “Sek aw tagfaygaluwan nin fag taw, wa ay katvngvd angku.” Lag falingun ay iba si ay amatanganan.

Fangkabat, “Tam fabarangyan nu kalunus wan, foni tuwa at fakonun. Ay nu kadanum wan, foni at fanginum. Nu katanya tam fagbulun, tam fabarangyan kapla wa ban dawdaw.”

Tibak taw dewa gfauri ayu, kalimata nu an am igfaning tam Isus, dewa katanya lag glong te, “Diyus nangus faurii wa anya.” Longi tuwa te, “Diyus nangus afanyui ka fag taw.” Ay galay ay iba guseganan, anggan am useganani yangay dawdaw. Ay galay ay iba kabalu, abalui yangay.

Nu nalag am ay fadugsay, te e nayudanan, foni tuwa. Ay masinei tuwa ay fagbulun sa ay ngay betaw.

Si sadik bilug, ngayu tuwa at afud. E alfuyu, e take, e bitis, ay ngayu yay sat dayu. Ay kanya fag ngay afud, saman wa saman at fagmafabulun. Ay itam tagafanud sa tam Fun Isus fag fulan taw, katanya yangay itam. Dewa tam ngayu, kata way tam sadik bilug, ay saman wa saman tam ngay fagmafabulun. Ay wa masine itam at sadi nu anway insaman at iba, teway sadik bilug way tam ngani.