Oblíbené biblické verše z Luka 18

Sdílet

Oi na fai ai e Iehu he talafakatuha ki ona hoko, ke kilātou iloa ai e tatau lava kilātou ke fakamākekeke oi tatalo, ma ke nahe fakavāivai lele.

Ka hē fehoahoani nei te Atua ki ona tagata e tatalo atu pea lava kia te ia i te ao ma te pō, mo tana fehoahoani? E i na tuai nei oi fehoahoani te Atua kia te kilātou? E lea atu au kia te koutou, ka vave lele oi fehoahoani te Atua kia te kilātou. Kae kāfai te Ataliki o te Tagata e hau, e i na ia maua nei he tino fakatuatua i te lalolagi?”

Na tali atu ia Iehu, “Ko nā mea e matuā hē mafai lava e te tagata, e mafai e te Atua.”

Mo he taimi mataloa lele na hēki talia lele e te fakamahino, kae mulimuli ake na vē ifo ia i tona loto, ‘E ui lava ko au e hē mataku i te Atua, ma hē fakaaloalo ki ho he tagata, kae ona kua fai pea lava te fafine ma fakahoehā kia te au, ka fehoahoani ai au ki ei, kae ke uma ai toku fītā i te hau ho!’ ”

Manatua te mea tēnei! Ko ai lava e hē ia talia te Mālō o te Atua e vē ko he tamaiti, ka hē hao atu lele ia ki ei.”

Kae kua kalaga atu ia Iehu ki nā tamaiti ke ōake kia te ia ma na lea vē atu ai, “Tuku nā tamaiti ke ōmamai kia te au nahe vavaoa, auā ko te Mālō o te Atua e mo kilātou e vē ko kilātou iēnei.

Kua vāgana atu ia Iehu ki ei, “Pupula la! Ko tō fakatuatua kua mālōlō ai koe.”

Na fehili mai ia Iehu ki ei, “Heā te lea vēnā mai ai koe ko au e lelei? E hēai he tino e lelei kae nā ko te Atua oioti lava.