Oblíbené biblické verše z Ioane 6

Sdílet

Na tali mai ia Iehu, “Ko au ko te falaoa o te ola. Ko nā tino e ōmamai kia te au, e hē toe fia kakaia lele; ko nā tino e talitonu mai kia te au, e hē toe fia inua lele.

Ko te Agaga o te Atua te maua ai te ola; ko te mālohi o te tagata e matuā hēai lava he aogā. Ko nā kupu kua tautala atu ai au kia te koutou, e maua ai e koutou te ola mai te Agaga o te Atua.

Koutou nahe gālulue mo nā meakai e pala; kae gālulue mo nā meakai e tūmau pea lava te lelei, ma e maua ai te ola e hēgata. Ko nā meakai iēnei ka fōki atu kia te koutou e te Ataliki o te Tagata, auā kua ia te ia te fakatagaga mai te Atua te Tamana.”

Auā ko te mea e fofou ki ei toku Tamana, ko nā tino uma e kilātou talia te Ataliki ma talitonu kia te ia, ke maua e kilātou te ola e fakavavau. Ma ka kō fakatutūa kilātou ki te ola, i te aho mulimuli.”

Na tali mai ia Iehu, “Ko te mea e fofou ki ei te Atua, ko koutou ke talitonu ki tē na ia uga maia.”

Ko nā tino uma lele e fōki mai e toku Tamana kia te au, e ōmamai lava kia te au. E hē kō tetekea lele he tino e hau kia te au

Na tali mai ia Himona Petelu, “Te Aliki, ko kimātou e olo kia te ai? E ia te koe nā kupu e maua ai te ola e fakavavau.

Ko au ko te falaoa o te ola na fanaifo mai te lagi. Kāfai koutou e kakai ki ei, e maua e koutou te ola e fakavavau. Ko te falaoa ka fōki atu e au, ko toku kakano, e fōki atu kae ke fakaola ai te lalolagi.”

E hē mafai nā tino ke ōmamai kia te au, vaganā e takitaki mai kia te au e te Tamana, tē na ia uga maia au; ma e kō fakatutūa kilātou ki te ola, i te aho mulimuli.

Auā ko te falaoa e fōki atu e te Atua ko ia tēnā e fanaifo mai te lagi ma fōki atu te ola ki te lalolagi.”

Ko au ko te falaoa o te ola.

Ma na tago ai ia Iehu ki nā falaoa, kua fakafetai ki te Atua, oi na fakahoa ai ki nā tino uma nae nonofo i kinā. Na fai vēnā foki e ia ki nā ika e luagamata, ma na lava lele ai ma totoe mo kilātou uma tau toka tahi. Kua mākokona uma kilātou, oi na vāgana atu ai ia Iehu ki ona hoko, “Fakaputu uma mai nā toegā meakai; nahe fakamāumaua lele he mea.”

Pe kua kātoa he tolu pe he fa maila ki gātai te mamao o te mea kua aloalo ki ei to lātou vaka, oi na kitea ai e kilātou ia Iehu e havali i luga o te kilitai ma kua pili mai ki te vaka, ma na mātataku lele ai kilātou. “Koutou nahe mātataku, ko au tēnei,” na vāgana mai ai ia Iehu ki ona hoko.