Oblíbené biblické verše z रोमी 10

Sdílet

च्‍यिबेमाना का़हलेॱआङ ख्‍येगी येशूला चो़वो यिहन म़ेदी राहङगी खागी लोक पेहसीन, ओहले किन्‍ज्‍योगी मिहरोला टोहङग्‍योया़लेगी सोम्‍बो ज़्‍याङ च्‍य़ू नाङसीन म़ेदी राहङगी सेमला यिह छ्य़ेसीन माना ख्‍ये थार्च्‍ये येह।

च्‍यिबेमाना मिहकी यिहगी यिह छ्य़ेदीॱराङ किन्‍ज्‍योगी दिनला टाहङबु सी़हगे ओहले खोगी यिह छ्य़ेक्‍योगी तामया़ राहङगी खागी लोक पेहती थार्पा ज्‍योर्के।

ओ़ह सोङबे तेहपाती ङ्यिहन्‍दीमाॱराङ ओहङगे यिहम्‍बा ओहले ङ्यिहन्‍गेन्‍गी ल़ेहती मास्‍यीकागी सुङ प्रा साल्‍दी ओहङगे यिहम्‍बा।

सुङरापगी दि ल़ेहमु सुङ नाङगे, “मास्‍यीकाला यिह छ्य़ेगे सुज्‍यीॱआङ ङोहजाला छ्यिच्‍ये म़ेह।” च्‍यिबेमाना यहूदी दाङ लेहमेन क्‍यिहपाला च्‍यिॱआङ ख्‍येपार म़ेह। ओ़ह चो़वोॱराङ थाम्‍ज्‍यीगी चो़वो यिहम्‍बा, ओहले मिहरोला क्‍याप्‍केया़ला मिहरोगी बोलो-छ्योलो मेलाम नाङज्‍ये येह। च्‍यिबेमाना “चो़वोगी छेनला क्‍याप्‍केन मिह थाम्‍ज्‍यीगी थार्पा ज्‍योर्च्‍ये येह।”

स्‍येकेन्‍गी मिह माहताङबा पेहतीनी काह-ठि पेहती स्‍येच्‍ये ले? छ्य़ेगी दि ल़ेहमु सुङ नाङगे, “या़हबु लेहङगु स्‍य़ेकेया़की काङबा काहजे या़हबु!”

यिहॱनाङ मास्‍यीकाला यिह मा़हछ्येबा पेहती काह-ठि पेहती मिहरोला क्‍याप्‍च्‍ये? मिहरोगी तेहन्‍दाला मा़हथेबा पेहती काह-ठि पेहती मिहरोला यिह छ्य़ेज्‍ये? मिहरोगी तेहन्‍दाला सुज्‍यीगी माहस्‍येपाला काह-ठि पेहती मिहरोगी तेहन्‍दाला थे़ज्‍ये?

च्‍यिबेमाना यिह छ्य़ेगेया़ टाहङबु सी़ह ख़ूज्‍यु म़ेदीराङ मास्‍यीकागी छ्य़े-ठिम छाङबु जे नाङसीन।