Oblíbené biblické verše z कुलुस्सियों 3

Sdílet

अरह् जे कोसी के कोसी गाशी दोष-ईल़्जाँम लाणों का, मतल्व हों; तअ ओका ओकी की ऊँडी सुवें, अरह् ओका ओकी के कसूर माँफ करह्; जैष्णें प्रभू ऐ तुवाँरे पाप माँफ करे, तेष्णें ही तुँऐं भे करह्।

धर्ती गाशली ने परह् स्वर्गिऐं चींजो गाशी आप्णा ध्याँन लाओं

जू किऐ तुँऐं करह् सेजो तंन-मंन शो करह्, ऐजो जाँणियों के आदमी खे ने; परह् प्रभू खे करी लों

ईन्देंखे पंण्मिश्वर के चूणें-छाँटे अंदें जैष्णें जू पबित्र अरह् प्यारे असो, बड़ी कृपा, भलाऐ, अरह् गरबाई-नींम्ताई, अरह् सय्नशिलता धारणा करह्।

मसीया की शिक्क्षा ठीक-ढंग शा तुँओं दा बास करह्, तुँऐं बड़ी सम्झदारी शे ओका ओकी खे शिक्क्षा अरह् ज्ञाँन देईया करह्; अरह् आप्णें-आप्णें मंन दा कृपा आरी पंण्मिश्वर का धन्यबाद देंदे-देंदे, तिनके भजन; सतुति अरह् आत्त्मिक गीत गाया करह्; तुँऐं भाँव किऐ बुलो, भाँव किऐ करह्, सब-कुछ प्रभू यीशू के नाँव शो करिया करह्, तुँऐं तिन्ही के जाँणें पिता पंण्मिश्वर खे धन्यबाद देंदे रंह्।

ईनू सोभी गाशी प्यार जू ऐक्त्ता का चींन असो, सदा तुँऐं ईदे बाँनिऐं अंदें रूऐ।

तअ: जबे तुँऐं मसीया आरी ऊबे जियाल़ी थुऐं, तअ सवर्गिऐ चींजों की खोज दे रंह्, जेथै मसीया हाजिर असो; अरह् पंण्मिश्वर के सुऐं ढबे बऐठी रंह्।

मसीया की शाँण्त्ति तुवाँरें दिल-सासो दो राज करह्, ईयों ही शाँण्त्ति खे; तुँऐं ऐक देह्-शरीर के अंग बणियों बय्दी थुऐ, अरह् तुँऐं सदा धन्यबाद कर्दे रंह्।

ईन्देंखे आप्णे सेजे अंग माँरी दियो, जू धर्ती के असो, जेष्णाँ मतल्व चुरी-जारी गंन्दगी, बुरी हिछ़या, अरह् लोभ-लाल़्च जू मुर्ती पूजा के बराबर असो।

किन्देंखे के तुँऐं तअ मँरी गऐ थिऐ, अरह् तुवाँरा जीवन मसीया आरी पंण्मिश्वर दा छुपा अंदा असो।

परह् ऐबे तुँऐं भे ईनू बादी बातो मतल्व कुरूध, बईर भाव, नीदिया, अरह् ज़ात्ती लई गाल़ी देणी, ऐजी बादी बातो छुड़ी दियों।

ओका ओकी शो झूठो ने बुले, किन्देंखे के तुँऐं पुराँणी इंनसाँनिय्त अरह् तिन्दे के काँम-काज़ छुड़ी थुऐ। अरह् नुऐं इंनसाँनिय्त धारण करी थऐ, जू आप्णे पय्दा कर्णो वाल़े के सरूप के मुँताबिक ज्ञाँन पाणों खे नुवाँ बंण्दा ज़ाँव।

हे घरवाल़ों आप्णी-आप्णी घरवाल़ी शो प्यार करह्, अरह् तिनू आरी हठाव्णें ने बणें।

हे नहाँन्ड़िया, बादी बातो दे आप्णे माँ-बाबा की अज्ञाँ माँने, किन्देंखे के प्रभू ईन्दें शे ही खुशी हों।

हे, घोरवाल़ियों जेष्णों प्रभू के आछो लागो, तैष्णी ही आप्णें-आप्णें घरवाल़े के बंष दी रंह्।