Oblíbené biblické verše z कुलुस्सियों 2

Sdílet

ईन्देंखे के तुऐं जेष्णाँ मसीया यीशू धारण करी थुवा; तअ तुऐं आप्णाँ जीवन भे तिनही आरी जीयों। अरह् तिनही दे तुऐं जुड़े अंदे, अरह् मसीया दे बड़्दे, अरह् आप्णें बिश्वाष दे पाक्कै हंऐ ज़ाव; ठीक तेष्णें ही जेष्णीं तुओं खे शिक्क्षा देऐ थंऐ, अरह् तुऐं धन्यबाद की हिछ़या दे जादा शे जादा बंड़्दे ज़ाँव।

ईन्दें चौक्क्ष रूऐ, के कुँऐं तुँओं ईनू देखावे के ज्ञाँन अरह् बै-कार के धोखे दे आप्णें बष दे ने करी पाँव; जुण्जी के आदमी के रित्ति-रूवाज अरह् संईसारी के पुराँणी शिक्क्षा असो, जुण्जी के मसीया के हिसाब शी ने आथी।

पंण्मिश्वर तुँओं भे, जू आप्णे देह्-शरीर के खतना के बिना मँरे अँदे जिऐ थिऐं, तिन्ऐं अमाँरे बादे पाप माँफ़ करियों तुँओं भे मसीया आरी ऊबे जीयाल़ी दिते। पंण्मिश्वर ऐ अमाँरे तिनू करजे का लिखा, जुण्जा के अमाँरे बिरूध दा लिखी थुवा थिया; सेजा लिखा तिन्ऐं मसीया की शुँल़ी-फ़ाँषी गाशी कीलियों आगु मिटाऐ दिता।

पंण्मिश्वर की बादी भरपुरी जुण्जी के मसीया दा देह्-शरीर दा रूप धारंण करियों सदा बास करह्; अरह् तुँऐं तिनही दे भर-पुर हंऐ गुऐ, जुण्जें हाकम अरह् हंक-अधिकारियों का मुँख्या असो।

ईन्देंखे के तुवाँरे खाँन-पाँन, के मैल़ा, के नुँऐं चाँद, के बिषाँव को देस दा, से तुवाँरा किऐ भे फ़ंऐस्ला ने करी सको। किन्देंखे के ऐजी बादी आँणों वाल़ी घट्ंणाँओं के ऐक नंकल असो, परह् खास जड़ तअ मसीया असो।