Oblíbené biblické verše z མཱར་ཀུ་ལེའུ་ 9

Sdílet

དེ་ལས་ཡེ་ཤུ་གིས་ཁྱོད་ཀྱིས་ང་ལུ་ག་ཅི་འབད་ འབད་ཚུགས་པ་ཅིན་ཟེར་སླབ་སྨོ་ དད་པ་བསྐྱེད་མི་གི་དོན་ལུ་ག་ར་འབད་ཚུགས་ཟེར་གསུངསམ་ད།

དེ་འཕྲོ་ལས་བུ་གི་ཨ་པ་འདི་གིས་སྐད་བརྐྱབས་ཏེ་ ང་དད་པ་བསྐྱེད་ནི་ཨིན་ དེ་འབདཝ་ད་ ང་དད་པ་མེད་པའི་སེམས་ལུ་ དད་པ་བསྐྱེད་ཚུགས་པའི་གྲོགས་རམ་མཛད་གནང་ཟེར་ཞུ་ནུག

དེ་ལས་ཡེ་ཤུ་གཟིམ་ཅུང་ནང་འབྱོནམ་ད་ སློབ་མ་ཚུ་གིས་མི་གཞན་ག་ཡང་མེད་པའི་སྐབས་ལུ་ ང་བཅས་ཀྱིས་ག་ཅི་འབད་ འདྲེ་གདོན་བཏོན་བདའ་མ་ཚུགསཔ་སྨོ་ཟེར་དྲི་བ་ཞུཝ་ད། ཡེ་ཤུ་གིས་ཁོང་ལུ་ ཨ་ནི་བཟུམ་གྱི་འདྲེ་གདོན་ལུ་ སྨོན་ལམ་གྱིས་མ་གཏོགས་གཞན་ག་ཅི་གིས་ཡང་ བཏོན་བདའ་མི་ཚུགས་ཟེར་གསུངས་ནུག།

ཚྭ་འདི་ལེགས་ཤོམ་ཨིན་ དེ་འབདཝ་ད་ ཚའི་བྲོཝ་འདི་ཡལ་བ་ཅིན་ ཚྭ་གི་བྲོཝ་ཡོདཔ་སྦེ་ག་དེ་སྦེ་བཟོ་ཚུགས་ནི་ ཁྱེད་རང་ཆ་ཁྱབ་ཚྭ་བཟུམ་སྦེ་འགྱུར་ཏེ་ གཅིག་གིས་གཅིག་ལུ་འཆམ་མཐུན་ཏེ་སྡོད།།

ག་ར་འབད་རུང་ངེ་གི་མིང་ནང་ ཨ་ནི་བཟུམ་གྱི་ཨ་ལོ་གཅིག་ལུ་ངོས་ལེན་འབད་བ་ཅིན་ ང་ལུ་ཡང་འབདཝ་ཨིན་ ང་རྐྱངམ་གཅིག་གིས་མ་ཚད་པར་ ང་ལུ་གཏང་གནང་མི་དེ་ལུ་ཡང་ གདན་འདྲེན་ཞུཝ་ཨིན་ཟེར་གསུངས་ནུག

ཁྱོད་ཁིརཱིས་ཀྱི་ཨིན་མས་ཟེར་མནོ་སྟེ་ ཆུ་ཕོརཔ་གང་བྱིན་པ་ཅིན་ དེ་གིས་ཐད་རི་བ་རི་གསོལ་རས་འདི་ མ་ཐོབ་པར་མི་སྡོད་ཟེར་གསུངས་ནུག།

ག་ར་འབད་རུང་ ཨ་ནི་དད་པ་བསྐྱེད་མི་ཨ་ལོ་ཆུང་ཀུ་ཚུ་གི་གྲལ་ཁ་ལས་ གཅིག་ལུ་ཡང་སྡིག་པ་འབད་བཅུག་པ་ཅིན་ མི་འདི་གི་ཨོལ་ལྐོག་གུ་ རང་འཐག་གི་རྡོ་སྦོམ་གཅིག་བཏགས་ཏེ་ རྒྱ་མཚོ་ནང་བཀོག་དཔ་དྲག་ཟེར་གསུངས་ནུག

ཁྱེད་ག་ར་འབད་རུང་རང་གི་མིག་ཏོ་གིས་ སྡིག་པ་འབད་བཅུག་པ་ཅིན་ མིག་ཏོ་འདི་བཏོན་བཀོག་ད་ མིག་ཏོ་གཉིས་དང་གཅིག་ཁར་དམྱལ་བར་འགྱོཝ་ལས་ མིག་ཏོ་ཡ་གཅིག་སྦེ་ དཀོན་མཆོག་གི་རྒྱལ་སྲིད་ནང་འཛུལཝ་དྲག་ཟེར་གསུངས་ནུག