Oblíbené biblické verše z Galaciayguakuérape 4

Sdílet

Peẽ peikómagui ita’ýra ha itajýra ramo, Ñanderuete ombou Ita’ýra Pytu Porãite pende py’apýpe osapukáiva: Abba, he’iséva ore Ruete, (Romayguakuérape 8,15). Upévare ñande ndaha’evéima tembiguaikuéra, ñande ita’ýra ha itajýrama, ha ñande ita’ýra ha itajýra ramo oñeme’ẽta avei ñandéve ñane mba’erã Ñanderuete rupi.

Og̃uahẽvo pe ára Ñanderuete oiporavomava’ekue, Ha’e ombou Ita’ýra ko yvy apére, onaceva’ekue peteĩ kuñataĩ heko potĩvagui ha opytáva Moises rembiapoukapykuéra poguýpe. Ha’e ojogua hag̃ua umi opytávape ko’ã tembiapoukapy poguýpe ha oñeme’ẽ hag̃ua ñandéve pe derécho jaiko hag̃ua Ñanderuete ra’y ha itajýra ramo.

Ko’ág̃a katu peikuaáma Ñanderuetépe, iporãve katu ja’e Ñanderuete pendekuaaha, ha mba’eicharupípa péicha peikose jevy Satana ha pende yvyarigua reko vai poguýpe.