Oblíbené biblické verše z 1 Corintoyguakuérape 12

Sdílet

Peteĩteĩme oñeme’ẽ Pytu Porãmbáva me’ẽmby ojeporu hag̃ua hapichakuéra provéchope g̃uarã.

Peẽ ningo Hesu Crísto rete (iglésia) ha upévare peteĩteĩ Hesu Crísto rete reheguáva (miémbro).

Ha peteĩ ñande rete rehegua hasy ramo, opaite ambue ñande rete rehegua oñeñandu vai; ha peteĩ ñande rete rehegua oñemomba’eguasu ramo, opaite ambue tete rehegua ovy’a hendive.

Peteĩme oñeme’ẽ Pytu Porãmbáva rupi ñe’ẽ arandu; ambuépe katu oñeme’ẽ ñe’ẽ kuaapy, pe Pytu Porãmbáva rupi. Ambuépe jerovia pe Pytu Porãmbáva año rupi; ambuépe Pytu Porãmbáva me’ẽmby oporomonguera hag̃ua, pe Pytu Porãmbáva rupi. Ambuépe oñeme’ẽ pu’aka ojapo hag̃ua techapyrã (milágro), ambuépe oprofetiza hag̃ua, ambuépe ombojuavykuaa hag̃ua (odiferencia) pytu vaikuéra ha pytu porãnguéra apytépe, ambuépe oñe’ẽ hag̃ua peteĩ ñe’ẽ (idióma) ha’e oikuaa’ỹvape, ambuépe oñeme’ẽ pe me’ẽmby oikuaauka hag̃ua mba’épa he’ise pe ñe’ẽ hapicha oikuaa’ỹva.

Opaite ko’ã mba’e pe Pytu Porãmbáva añónte ojapo, ha Ha’e ome’ẽ peteĩteĩme (ime’ẽmby) Ha’e voi oipota háicha.

ani hag̃ua oiko ñorãirõ ñande rete rehegua apytépe; ñande rete rehegua oñopytyvõ joava’erã.

Oĩ ningo opaichagua me’ẽmby, pe Pytu Porãmbáva katu peteĩ añónte. Oĩ opaichagua tembiapo, Ijára, Hesu Crísto peteĩ añónte. Oĩ opaichagua pu’aka, oĩ katu peteĩ Ñanderuete, ojapóva opaite mba’e.

Ñanderuete voi omoĩma ijiglésiape: Tenonderãme apostolkuéra (temimondo), mokõiháme katu proféta, mbohapyhápe mbo’ehára, ambuépe ome’ẽ pu’aka ojapo hag̃ua milágro, upéi me’ẽmby oporomongueráva, me’ẽmby oporopytyvõva (diácono), me’ẽmby oporomoakãva (oporosambyhykuaáva), me’ẽmby oñe’ẽva hetaichagua ñe’ẽ ojekuaa’ỹva.

Ñande rete ndoikói peteĩ hesegua rupínte, heta hesegua rupi uvei.

Ñande rete rehegua ikangyvéva, ñaikotevẽve katu hese.

Ñande rete tesapa rire piko, mba’éichapa ñahenduva’erãmo’ã; ha ñande rete apysapa rire, mba’éichapa ñahetũva’erãmo’ã. Ñanderuete omoĩma peteĩteĩ ñande rete rehegua hendaitépe, Ha’e oipota haguéicha. Ñande rete ojejapopa rire peteĩ tete reheguánte rupi ndoikoiva’erãmo’ã ñande rete.