Oblíbené biblické verše z 1 Corintoyguakuérape 11

Sdílet

Ho’u rire pe pan, peichaite ohupi avei pe váso, ha he’i: Ko váso ningo pe ñembopy’apeteĩ pyahu che ruguy rupi. Opaite ára pe’u jave ko váso kóvagui peñemomandu’a cherehe. Opaite ára pe’u jave pe pan ha pe’u jave ko vásogui pemoherakuã pende Jára ñemano Ha’e ou jevy peve.

Umi tekombo’e che ahupitýva Ñandejára Hesu Crístogui umía ambohasava’ekue peẽme: Upe pyharépe oñeme’ẽ hague Hesu Crístope hese ija’e’ỹva pópe (Juda rupi), Ha’e ojapyhy pe pan; ha iñembo’épe oagradece rire omboja’o ha he’i (hemimbo’ekuérape): Kóva ningo che rete oñepehe’ãva penderehehápe. Pe’u jave ko pan kóva peñemomandu’a cherehe.

Oimeraẽva toipyguara (toheka) porã raẽ ipy’apyetépe (oñemohembiapo vai ramo) ha uperire katu to’u pe pan ha to’u pe vásogui. Upe ho’úva hekope’ỹ pe pan ha pe vásogui ho’u ha hoy’u jehavira ijupe g̃uarã, ndohecha porãigui Ñandejára Hesu Crísto reteha.

Péicha avei oimeraẽ ho’úva hekope’ỹ pe pan ha pe vásogui, oñemboheko vai Ñandejára rete ha huguy rehe.

Che hermanokuéra peñeha’ã peiko hag̃ua che aiko háicha, che añeha’ãgui aiko hag̃ua Hesu Crísto oiko haguéicha ko yvy apére.