Oblíbené biblické verše z Wulu-ayi-sob 5

Sdílet

Ƴãwnɛ a fʋ sãà nɩ a fʋ mã, mɛ̃ a lɛ ɩ̃ na yel kʋ̀ b a, tʋ̃ɔ́ vʋʋrɩ cɛlɩ ɛ́ wone nʋ̃ɔ̀ a tẽw, a mãa Sore fʋ Naaŋmɩn na kʋ̀rɛ fʋ a pʋɔ.

A sɔ́r a Sore nyɩ Naaŋmɩn na wul nyɩ a, nyɩ cere a ʋ zu kʋralɛ. Lɛ n'a nyɩ na vʋʋrɛ, ɛ́ a nyɩ nyɔ-vʋʋrʋ wõwme ɛ́ nʋmɛ a tẽw nyɩ na na de so a pʋɔ.

Fʋ kʋ̃ mɩ́ dɔm a ŋmɩmɛ á ŋá taabɛ niŋé maalɩ a ɩ. Bʋ̃ʋ n'ʋ vɛ̃, mãa n'ɩ a Sore, a fʋ Naaŋmɩn, Naaŋmɩn na kpɛ nyuur a. A bɛlɩ dem na hɩ̃ɛn mɛ̃ a, ɩ̃ mɩ́ ƴãw bɛ nɩ dɔwrʋ, bɛlɛ nɩ a bɛ bʋʋrɛ na dɔw tu taa tɩ ta gb'a ata bɩɩ gb'a anaar a. Ɛcɛ a bɛlɩ dem na nɔnɛ mɛ̃, ɛ́ sàwr a ɩ̃ nɛ-ƴãwnɩ a, ɩ̃ mɩ́ tɛr'ɩ nɔ̃wfʋ ɩb a bɛ zie, tɩ ta bɛ na dɔw tu taa gb'aa túr a.

Fʋ kʋ̃ maalɩ tɩɩb kãw za tɛr ɛ, a bome na be a saa-zu a salom zu a, a pile ka a tẽw zu, nɩ a kʋ̃ɔmɩ́ a tẽsɔw pile a, fʋ kʋ̃ maalɩ a kãw za dasule ɩ.

Fʋ kʋ̃ tɛr ŋmɩmɛ pʋɔ a ɩ̃ ƴãw ɛ.

Fʋ kʋ̃ bʋnɩ por a ɩ̃ yúor ɛ. Nɩr na bʋnɩ por a mãa Sore fʋ Naaŋmɩn yúor a, ʋ ɩ n sãwna sob a ɩ̃ zie.

Bɛlɛ ɩ mɛ̃ bɛ ƴãw nɩ fãw zɔrɛ mɛ̃ ɛ́ sàwr a ɩ̃ nɛ-ƴãwnɩ za a, bɛlɛ nɩ a bɛ bʋʋrɛ na nyɛrɛ nɩ nʋ̃ɔ̀ a pʋɔ kʋralɛ.

Maal tɛr a pɩ̃ɛnʋ-bibir, ɩ k'ʋ ɩ a ɩ̃ bibir, mɛ̃ a lɛ a mãa Sore fʋ Naaŋmɩn na yel kʋ̀ b a.

Fʋ kʋ̃ tɩ́ɛrɛ kɛ́ fʋ̃ʋ nãá so a fʋ tɔ pɔw ɛ. Fʋ kʋ̃ tɩ́ɛrɛ kɛ́ fʋ̃ʋ nãá so a ʋ yir, a ʋ tõ-tõ-bi-dɛb, a ʋ tõ-tõ-bi-pɔw, a ʋ náab, a ʋ bõw nɩ a ʋ bʋ̃-sora kãw za ɩ.»

Fʋ kʋ̃ maalɩ pɩ̃ɔ-yele ɩ.

Fʋ kʋ̃ dɩ dãsɩ-ziri sãw a fʋ tɔ ɩ.

Fʋ kʋ̃ kʋ nɩr ɛ.

Fʋ kʋ̃ zu ɛ.

Cãà bãwnɩ a fʋ na tɩ ɩ gbãgbaa a Eziptɩ, ɩ̃ɩ ɩ n a ɩ̃ fãw na bɛ tɛr tʋ̃ɔ́fʋ a fʋ yi a be a. Alɛ so a mãa Sore fʋ Naaŋmɩn ƴãw a pɩ̃ɛnʋ-bibir kʋ̀ b kɛ́ fʋ tuur.

Fʋ na mɩ́ tõ n bibie ayʋɔb, tõ a fʋ ton za. Ɛcɛ a bibie ayopõi sob a, a pɩ̃ɛnʋ-bibir ɩ̃ na so a n'ʋ, a mãa Sore fʋ Naaŋmɩn. Fʋ kʋ̃ tõ ton za a ʋlɩ bibir ɛ, a fʋ̃ʋ, a fʋ bidɛb, a fʋ pɔwyaa, a fʋ tõ-tõ-bi-dɛb, a fʋ tõ-tõ-bi-pɔw, a fʋ náab, a fʋ bõw, nɩ a fʋ dʋ̃w kãw za ɩ, nɩ a nʋʋra na kpɩɛr a fʋ tẽw pʋɔ a ɩ. À ŋá n'a a fʋ tõ-tõ-bi-dɛb nɩ a fʋ tõ-tõ-bi-pɔw na tʋ̃ɔ́ mɩ́ pɩ̃ɛnɩ mɛ̃ a fʋ̃ʋ a.

Mãa n'ɩ a Sore fʋ Naaŋmɩn na ɩ fʋ yi a Eziptɩ a, a be fʋ na tɩ ɩ gbãgbaa a.