Oblíbené biblické verše z Wulu-ayi-sob 4

Sdílet

Lɛ n'a, a ten al pʋɔ nyɩ na bɔbr a Sore nyɩ Naaŋmɩn. Ɛ́ nyɩ na nyɛ̃ ʋ na, nyɩmɛ wa bɔbr ʋ nɩ nyɩ pʋɔ za, nɩ a nyɩ sɩ́ɛ za a.

Bʋ̃ʋ n'ʋ vɛ̃, a Sore nyɩ Naaŋmɩn ɩ n Naaŋmɩn na ɩ nɔ̃wfʋ tɛwr a. Ʋ bɛ zawrɛ nyɩ bɛrɛ ɩ, bɛ kʋrɛ nyɩ pàwr pɛr ɛ. Ʋ bɛ be za na yiiri a wõ-taa ʋ na maal'ɩ a nyɩ sãàkʋm-kore a bɛr ɛ.

Bʋ̃ʋ n'ʋ vɛ̃, a Sore nyɩ Naaŋmɩn ɩ n vũu na dɩrɛ bom za a, ʋ ɩ n Naaŋmɩn na kpɛ nyuur a!

Ɛcɛ nyɩ gùre nyɩ tʋɔra, nyɩ maal cɛlɛ be taa yiire a yele nyɩ na nyɛ̃ nɩ mimir a bɛrɛ ɩ. A yele á ŋá taa wa yire zaarɛ a nyɩ tɩɛrʋ pʋɔ a nyɩ nyɔ-vʋʋrʋ daar za ɩ. Nyɩ nɩ̃ɛ vɛ̃ kɛ́ manɛ a kʋ̀rɛ a nyɩ bibiir nɩ a nyɩ yan.

A na ɩ à ŋá a, nyɩ bãwnɩ a, ɛ́ tɛr a yel ŋa a nyɩ tɩɛrʋ pʋɔ: a Sore yõ n'ɩ a Naaŋmɩn, a saa-zu, a salom zu, nɩ a pile ka a tẽw zu. Ŋmɩn-yoru bɛ be be pʋɔ a ʋ ƴãw ɛ.

Bʋ̃ʋ n'ʋ vɛ̃, nɩ-bʋʋrɛ kãw be n be, a nɩ-bʋʋr-bɛrɛ bɛrɛ za pʋɔ, tɛr ŋmɩmɛ bɛ pɩɛl'ʋ, mɛ̃ a lɛ a Sore tɩ Naaŋmɩn na pɩɛlɩ tɩ, lɛn daar tɩ na mɩ́ wa bʋɔlɩ ʋ a bɩɩ?

À á ŋá za ɩ̃ na yere kʋ̀rɛ nyɩ wa ta nyɩ a pùorí kɛ̀ nyɩ be kpɩɛrʋ pʋɔ a, nyɩ na lɛb'a wa a Sore nyɩ Naaŋmɩn zie, ɛ́ nyɩ na wone nɩ a ʋ ƴɛ̀rʋ.

Nyɩ taa dɔwlɛ bom za a nɛ-ƴãwnɩ zu, a Sore nyɩ Naaŋmɩn na ƴãw ɩ̃ kʋ̀ nyɩ a ɩ, nyɩ mɩ̀ taa íre bom za bɛrɛ ɩ: nyɩ tuur a za.