Oblíbené biblické verše z Markus 14

Sdílet

Ia manganto’o, “O Baba, Komi semo Pa’angKu! Tare kesaa to taa Nukoto ngKomi mangika. Wali Kuporapika resi Komi see Komi mangalimba kasusa to daKurata si’i. Pei ne’e raluluka pamporaningKu. Biakamo pamporani ngKomi semo damawali.”

Panaa pei pakai-kai see nempo ragoda, komi taa mangaluluka. Apa kamonsonya raya ngkomi rani mangewa tempo ragoda etu, pei komi taa gana karoso ndayamu damangewa.”

Pasi Aku manganto’oka komi, monso pu’u juku ri lino si’i bara imbare rapakarebaka kareba matao si’i, palaong to naika ntau we’a si’i darapakarebaka seja resi tau see tau taa damangkalingan ia.” Ewa wetu nato’o i Yesu manganseko tau to mampoja’a tau we’a etu.

Wali Ia manganto’oka sira togo, “Aku mawo kojo rayangKu si’i-si’i. Aku ewamo damate kuepe naika ngkasusa ndayangKu si’i. Wali karoomo komi togo rire pei panaa.”

Wali yako etu, tongo-tongonya sira mangkoni, i Yesu mangoko roti pei manganto’oka i Pue Allah, “Tarima matao.” Roo see Ia mangampesu-mpesutimo roti etu panewa Ia mangantilaka anaguruNya. Ia manganto’o, “Oko pei koni, apa si’i korongKu.”

Yako etu Ia mangoko wo’u anu to nainu nsira pei manganto’oka seja i Pue Allah, “Tarima matao.” Panewa Ia mangawaika resi anaguruNya, wali sira samparia manginu. I Yesu manganto’oka sira, “Anu to nuinu ngkomi si’i, si’i semo raangKu. Apa Aku damate mangkapateka to lino, wali raangKu ri tempo Aku mate etu, raangKu etu mawali tondong parajanji to bou to naika i mPue Allah resi to lino. ParajanjiNya to bou etu manganto’o boros tau daralapas dosanya.

Wali rata ri Tongku Saitun, i Yesu manganto’oka anaguruNya, Ia manganto’o, “Komi paka damampiyaika yau Aku nene si’i, apa ewa wetu semo to ratulis ri raya tuntu i mPue Allah. I Pue Allah mangaligi mangkonong Aku pasi mangkonong komi, Ia manganto’o, ‘Aku damampopate yau to pangkampang domba, panewa dombanya etu damiyai yau samba’a pei samba’a.’ Etu semo gombo to ratulis.

Wali pambangu pei yaumo kita. Apa lo’a, tau to damamposora yau Aku daratamo.” Wali sira opo yau muni resi anaguru i Yesu to wayu.

Pei i Yesu manganto’oka i Petrus, to’oNya, “Aku manganto’oka korom, monso pu’u re’e katawanya dua ngkani manu matotoro’o nene si’i, korom togo ngkanimo damamposapuka Aku.”