Oblíbené biblické verše z Markus 13

Sdílet

Pasi komi seja, boros kojo tau to maja’a danakita komi apa saba komi mangalulu Aku. Pei tau to mangainsoka kasesa etu sampe rata tempo kapuranya, tau etu darapalaes pei damangarata katuwu to singkasaenya.”

“Wali ne’e ewa tau bayore. Kasimbalinya yako etu, jagai kojo ne’e lenga mangampeas kama’ingKu, pasi pakai-kai see komi sangkani sigena ane kodi majoli danapowali mpalaong etu. Apa komi taa nunsani temponya danapowali.

Wali tempo tau mangansoko komi etu pei mangangkeni komi njo’u tango nto pobotus, tempo etu ne’e moru-moru mangampobuuka yami gombo kesaa to danuposonoka. Apa tempo komi damampogomboka tau to re’e kuasanya etu, tempo etu panewa i Nosa Mapasing damampakanasaka komi gombo to danuto’o. Wali si’a gombo ngkomi tempo see, gombo i Nosa Mapasing semo.

Yangi pasi lino dapura yau, pei kuasa nu gombongKu taa dapura.”

Panewa i Yesu mampakapolas gomboNya, Ia manganto’o, “Kita tansani damawali kojo palaong to Aku room manganto’oka komi, pei tare tau to mangansani bara eo kesaa pasi bara jam sawei danapowali mpalaong etu. Nempo pomakau i mPue Allah ndate saruga, sira taa seja mangansani temponya. Pasi Aku, Ana i mPue Allah, Aku taa seja Kunsani tempo danapowali mpalaong etu. Ojo patanya Pa’angKu, Ia semo mangansani.

Pasi tempo Aku tawa ma’i muni, tempo etu komi damangandonge seja kareba mangkonong tau masimusu re’e lipu to mosu pasi re’e lipu to longko seja. Pei tempo komi mangandonge kareba etu, ne’e masusa apa palaong to etu yako ri songka i mPue Allah wali taa maya taa mawali. Pei ane tempo etu si’awa temponya to dapura samparia.

Etu semo rapa. Wali ika komi ewa naika nto papolaong ntau pue banua etu. Sira si’a ewa tau bayore. Sira sangkani sigena apa sira taa nansani bara mpia temponya puenya dama’i muni. Pasi sira taa rani ia mangarata sira tongo ngkayorenya. Wali komi seja ne’e ewa tau bayore, kasimbalinya yako etu, jagai kojo ne’e lenga mangampeas kama’ingKu, see komi sangkani sigena ane Aku kodi majoli ma’i. Apa komi taa seja mangansani temponya Aku ma’i muni. Bara yau wengi, bara ntongo wuri, bara mosueo, bara yau wuro, komi taa mangansani temponya. Wali ane kodi majoli Aku ma’i muni, ne’e sampe Aku mangarata komi ojo yore-yore. Wali Aku manto’oka wo’u komi ne’e ewa tau bayore, pei si’a ojo komi Kuto’oka, samparia tau.”

Apa tiroowa re’e palaong to damawali. Wali re’e tau to samba’a bansa damasimusu pei tau yako ri bansa to yusa. Pasi re’e seja tau to samba’a makole damasimusu pei tau to samba’a makole to yusa. “Pasi re’e wo’u palaong to damawali ri tempo etu, etu semo lengko tana pasi oro pasi rotai, wali samparia palaong to etu damawali ri malagi lipu ri lino si’i. Wali palaong to damawali etu, etu semo pamula ngkasesa to danarata nto lino. Palaong to etu raporapaka ewa ntida to narata ntau we’a tempo ia owo mula moana apa yako etu kanjo’u-njo’u kapari-pari ntida danaepe ntau we’a etu sampe ratamo temponya ia roomo moana.

Pasi kareba matao mangkonong Aku taa maya taa darapakarebaka ruyu resi tau samparia bansa panewa darata kapuranya temponya to si’i.

Apa dama’i boros tau to damampoanika Aku, sira damanganto’o samba’a pei samba’a, to’onya, ‘Aku semo i Makole parajanji i mPue Allah.’ Wali malagi tau to danatipu nsira.

“Wali ane ratamo tempo kasesa etu, pakatao kojo apa tempo etu komi darasoko pasi darakenika to pobotus. Pasi tempo etu komi darapedas nja’u raya banua-banua to napampotunde nto Yahudi. Pasi komi darakeni ri tango gubernur-gubernur pasi ri tango makole-makole apa saba komi mangaya Aku. Wali tempo komi rakeni ri tango nsira, tempo etu komi maya mawali matamanasa resi sira mangkonong Aku.

Apa ri tempo etu boros tau to damangawutis tau, sira manganto’o, ‘Aku semo i Kerisitu, Makole parajanji i mPue Allah.’ Pasi re’e seja to manganto’o, ‘Aku semo to pantuntu tuntu i mPue Allah.’ Tau etu sira damangika palaong to taa rapobiasa to mawali tondong resi tau, pasi palaong to mampakaipu raya ntau. Sira mangika palaong to etu apa sira mampobuuka bara maya mangantipu yau tau, nempo tau to natipu etu tau to roomo napilis i mPue Allah.

Wali yako etu i Yesu manganto’oka wo’u anaguruNya, Ia manganto’o, “Ojo karoonya kasesa tempo etu, ‘mata nu eo damawali mawuri pasi wuya tamo seja re’e remenya. Pasi batu’e damaranta yako ndate yangi pasi samparia to ndate yangi singkayame ewa anu to ranjongko.’