Oblíbené biblické verše z Yoane 21

Sdílet

Ho i ariti he ni tie, Yesu ki ya fu Simona Petero, “Simona wiri Yoane, mo nakpi nyemu re bakere ti agi yo re?” Ko ki ya fu ko, “Ii, Gbia; mo ini ya mi nakpi nyemu ro.” Ko ki ya fu ko, “Mo nirígi gimi wiri akandoro.” Yesu ki ya fu ko berewe, “Simona, wiri Yoane, mo nakpi nyemu re?” Ko ki ya fu ko, “Ii, Gbia; mo ini aina ya mi nakpi nyemu ro.” Yesu ki ya fu ko, “Mo nibánda gimi akandoro.” Ko ki ya fu ko berewe, “Simona, wiri Yoane, mo nakpi nyemu re?” Rungo ki nimangi Petero amanga bambiko ko aya fu ko bara biata, “Mo nakpi nyemu re?” Ko ki ya fu ko, “Gbia mo ini apai dunduko; mo ini aina ya mi nakpi nyemu ro.” Yesu ki ya fu ko, “Mo nirígi gimi akandoro.

Mi nagumba ha foro, ni rengo, ni rengo, ho mo adu ni ni paranga, mo anivodi tiro, ki nita ku ho mo akpi nyemu ka ta ku ho ni. Ono ho mo ka gbinza ni, mo atãa bero atãa, kura boro ki vo ro, ki aka ro ku ho mo akpi nga nyemu ni ya.”

Ko ki ya fu yo, “Oni bá pio ku kumbabe kurungba, oni abí ra abi.” I ki nimo ka ba ha, awere ka si adu nga wa ka i gbe he be rimbasa atĩo ya.

Simona Petero ki ya fu yo, “Mi nandu ka zia atĩo.” I ki ya fu ko, “Ani namongo ndu na mo a.” I ki ndu, ki zorõ ku Kurungba yo; ni gu yuru re i azia nga he wa sa te.