Oblíbené biblické verše z JAKOBO 1

Sdílet

Bana beso, ikukeng le le ba lehlohonolo, ha le feta hara diteko tsa mefutafuta, hobane le a tseba hore ho lekwa ha tumelo ya lona ho tswala mamello.

Haeba e mong wa lona a hloka bohlale, a ke a bo kope ho Modimo ya fang bohle ka matsoho a mabedi, a sa kganane, mme o tla bo fuwa.

Bana beso ba ratehang, tsebang hona: Motho ka mong eka kgona a utlwe kapele, empa a se ke a potlakela ho bua le ho halefa

Mamello e ke e hlahise mosebetsi o phethehileng, e le hore le be batho ba phethehileng ka ho tlala, ba sa hlokeng letho.

Le be baphethi ba lentswe leo, e seng bautlwi feela, ba ithetsang ka bobona.

Ho lehlohonolo motho ya mamellang teko, hobane ha a se a amohelehile, o tla fumana mofapahlooho wa bophelo, oo Morena a o tshepisitseng ba mo ratang.

Neo e nngwe le e nngwe e molemo, le mpho e nngwe le e nngwe e phethehileng, di tswa hodimo, di theoha ho Ramasedi, eo ho yena ho seng phetoho leha e le phifalo.

Ha motho e le moutlwi wa lentswe la Modimo, empa e se mophethi wa lona, o tshwana le motho ya shebang tshobotsi ya hae ka seiponeng, mme ere hoba a itjhebe, a ikele, a lebale hanghang hore o ne a le jwang.

Borapedi bo hlwekileng, bo se nang sekodi mahlong a Modimo Ntata rona, ke bona: Ho tjhakela dikgutsana le bahlolohadi matshwenyehong a bona, le ho ipoloka re sa silafatswe ke tsa lefatshe.

Ho se be motho, eo ekareng ha a le molekong, a re: “Ke lekwa ke Modimo.” Modimo ha a lekwe ke bobe, mme le yena ha a leke motho le ya mong. Empa e mong le e mong o lekwa ha a hulwa, mme a hohelwa ke ditakatso tsa hae.

Ngwanabo rona ya eisehang a be motlotlo ha a phahamisetswa bodumeding.