Oblíbené biblické verše z Kejadian 45

Sdílet

Tapi kam jang rasa brat begitu, jang kas sala kam pu diri juga karna su jual sa dulu. Karna Allah De yang kirim sa duluan dari kam, untuk kas slamat orang-orang pu hidup skarang ni.

Jadi, bukan kam yang bikin sa sampe kesini, tapi Allah yang bikin sampe sa bisa ada disini. Allah De yang bikin sampe, sa bisa jadi orang penting yang raja de percaya skali. Raja Mesir kasi sa kuasa untuk urus de pu istana deng smua tana Mesir ini.

Itu jadi, knapa Allah bawa sa kesini duluan dari kam, supaya sa bisa liat kam pu hidup deng kam pu anana cucu di bumi ni, trus kas slamat tong pu hidup deng cara luar biasa begini.

Trus Yusuf bilang dorang, “Mari, dekat sa sini!” Trus dong maju ke dekat Yusuf. Yusuf bilang lagi, “Sa ni Yusuf, kam pu sodara yang waktu itu kam jual ke Mesir.

Klaparan ni baru dua taun. Nanti trakan ada orang yang bisa tanam ka panen ka, dalam lima taun ke depan ini.

Trus Yusuf bilang de pu sodara dorang, “Sa ini Yusuf! Bapa betul masi hidup to?” Tapi waktu Yusuf de pu sodara dong dengar de bilang begitu, dong langsung jadi takut skali sampe dong tra bisa buka mulut untuk jawab apa yang Yusuf de tanya.