Oblíbené biblické verše z JOHN 21

Sdílet

Zing an a neh zaw ciengun Jesu in Peter kungah, “John’ tapa Simon aw, tamte sangin kei nei it zaw ei mah?” a ci hi. Peter in ama kungah, “Kang itzaw hi TOPA. Nang kang it lamtah na thei hi,” a ci hi. Jesu in ama kungah, “Ka tuunote na vah in,” a ci hi. Ama in, “John’ tapa Simon aw, kei nei it ei mah?” ci-in a niveina dong leuleu hi. Ama in, “Kang it hi, TOPA aw, nang in kang it lamtah na thei hi,” a ci hi. Jesu in ama kungah, “Ka tuunote na cing in,” a ci hi. Ama in, “John’ tapa Simon aw, kei nei it ei mah?” ci-in a thumveina dong leuleu hi. “Nang in kei nei it ei mah?” ci-in thumvei a dawh ziehin Peter da mama a, tua ahi ziehin, “TOPA, na zosie na thei a, ke’n nang kang it lam zong na thei hi,” a ci hi. Jesu in ama kungah, “Ka tuute na cing in.

A tahtah a kang ci-in, na khangno lai-in na kawng gahin na nopnopna-ah na pei thei hi. Ahi vangin na khangham ciengin na khutte zahin mi dangte in na kawng gah ding a, na pei nop lona-ah ang peipi ding hi,” a ci hi.

Ama in, “Gunkuong zietlam pangah na len uh pai locin pawlkhat na man ding uhi,” a ci hi. Tuaci’n len a pai uleh nga tampi awhin a len uh a kai zo ta sih uhi.

Simon Peter in amate kungah, “Nga beng dingin va kuon ta vang,” a ci hi. Amate in, “Komate in zong nang zui va ung,” a ci uhi. Amate pei-in gunkuong tungah a tuong vua, hizongle tua zanin bangma a man sih uhi.